Pstruha w Němskej wohrožena

Berlin. Leibnitzowy institut za ekologiju wodźiznow a nutřkokrajne rybarstwo wozjewi w swojej prěni raz po lěće 2009 aktualizowanej lisćinje słódkowódnych rybow a dźewjećwokačow zastopnjowanje pstruhu jako wohroženu. Cyłkownje 38 družin a z tym wjace hač połojca domoródnych družinow je wohroženych. Přičiny su „zanjerodźenje wodźiznow, stupace temperatury kaž tež niši podźěl kislika we wodźe změny klimy dla“.

Festiwal wotprajili

Zhorjelc. „Dny Messiaena 2024“ w Zhorjelcu so w planowanej formje wotměć njemóža. Přičina je po podaću festiwal wuhotowaceho towarstwa Meetingpoint Memory Messiaen „njepřizwolenje spěchowanja mjez druhim ze stron Kulturneho konwenta wokrjesow Budyšin a Zhorjelc“. Tradicionalny koncert „Kwartet na kóncu časa“ chcedźa při­wšěm wuhotować, a to 15. januara.

Ptaču mrětwu zwěsćili

Na mnohich městnach dwurěčneje Łužicy ze serbšćinu w zjawnym rumje klaca. Na zbožo wuhladaš tu a tam tež pozitiwne přikłady. Tak na přikład w Čornym Chołmcu taflička wo tym informuje, zo tule prawidłownje mobilna nalutowarnja zastawa. K tomu naša dopisowarka přispomni: „Wosebje so wjeselach, zo jewi so na njej tež serbskorěčny napis.“ Foto: Lubina Hajdukowa

Torsten Ruban-Zeh dóstanje słužbne jězdźidło tež za priwatne terminy

Wojerecy (AK/SN). Smě Wojerowski wyši měšćanosta Torsten Ruban-Zeh (SPD) słužbne jězdźidło města wužiwać, a to za słužbne kaž tež za priwatne jězby? Wo tym su čłonojo měšćanskeje rady na swojim zašłym posedźenju diskutowali. Z 19 přihłosowanjemi a dźewjeć napřećiwnymi hłosami radźićeljo k tomu předłohu wobzamknychu.

Manjow (AK/SN). Dobrowólna wohnjowa wobora Manjow-Rudej (Mönau-Rauden) dóstanje nowy připowěšak z klumpu (TSA). Tole su Hamorscy gmejnscy radźićeljo na swojim zašłym posedźenju wobzamknyli. Firma z Bayerskeje ma připowěšak dodawać. Wón płaći něhdźe 36 000 eurow. Kaž nawoda hłowneho zarjada gmejny Arian Leffs zdźěli, je při­powěšak tak přihotowany, zo móža utensilije stareho připowěšaka do noweho přewzać. Mjez druhim změja potom ­milinowy agregat, z kotrymž móža na přikład městno njezboža wuswětlić.