Wjetše wokrjesy w Braniborskej

pjatk, 05. junija 2015 spisane wot:

Wot lěta 2020 chcedźa w Kraju Braniborskej nowu strukturu wokrjesow přesadźić. Braniborska chce wokrjesy powjetšić a najwjace dotal bjezwokrjesnych městow jim přirjadować. Tež w Delnjej Łužicy dyrbja so zamołwići na horce diskusije nastajić.

Baršć (HA/SN). Braniborska nochce přichodnje hižo do štyrnaće wokrjesow rozrjadowana być. Knježerstwo tuž rozmysluje ličbu wokrjesow na wosom abo dźewjeć pomjeńšić. Potrjechene wot wotpohladneje strukturneje změny su předewšěm dotal bjezwokrjesne města. Z tuchwilu štyrjoch wjetšich městow zwonka wokrjesow ma jenož jedne wostać. Po předstawach braniborskeho knježerstwa ma to krajna stolica Podstupim być. Tři dalše dotal wot wokrjesow njewotwisne města maja tónle status zhubić. To płaći za Choćebuz, Frankfurt nad Wódru a Brandenburg.

Wo naležnosći hromadupołoženja wokrjesow je srjedu na posedźenju noweho wokrjesneho sejmika Sprjewja-Nysa krajny rada Harald Altekrüger (CDU) oficialnje informował. Wokrjesni radźićeljo njeběchu z toho překwapjeni, wšako wo tu­tej tematice hižo dlěje w zjawnosći rěča.

Město je wobydlerjam posłužbnik

pjatk, 05. junija 2015 spisane wot:

Wón njeje muž njepřemyslenych wěcow. Tak bě hakle jutry rozsudźił, jako kandidat za wólby Budyskeho wyšeho měšćanosty nastupić. Rěč je wo dr. Andreasu Hasy, 60lětnym manageru francoskeho koncerna. Rodźeny Budyšan je ze swojim domizniskim městom wusko zwjazany. „Kandidaturu mam za poslednju składnosć, zo bych z wotumom wolerjow zamołwitosć za město přewzał“, wón wčera wječor přizna, předstajejo swój wólbny program w Dźiwadle na hrodźe.

Wid kandidata je strózby. Hdyž so hospo­darstwu w měsće derje dźe, so to pozitiwnje na nje wuskutkuje. Nawopak tež komuna ćerpi. Tohodla je Andreasej Hasy wažne, mjezsobne zwiski bóle do srjedźišća komunalneho jednanja stajić. „Hospodarske spěchowanje słuša tuž do wobłuka wyšeho měšćanosty.“

Pod hesłom „Za žiwjenjahódny Budyšin“ dźe kandidatej wo to, w měšćanskim zarjadnistwje mysl zakótwić, zo su při­stajeni wobydlerjam posłužbnicy. K tomu słuša wotewrjenske časy zarjadnistwa tak přeorganizować, zo móža ći, kotřiž cyły tydźeń zwonka dźěłaja, swoje naležnosće kónc tydźenja wobstarać.

W někotrych zahrodkach staraja so tuchwilu čerwjene jaskrawe kćenja maka wo wosebitu pychu. Wosrjedź zelenje trawnikow a kerkow tale rostlina přijomnje wusahuje. Bohužel tež jeje kćenja bórze zaso zańdu. Ćim rjeńšo, zo je je fotograf na wobrazu zwěčnił. Foto: Joachim Rjela

Znamjo skedźbnja na dźěći

pjatk, 05. junija 2015 spisane wot:

Ćahańca nadróžneho wobchada w Smjerdźacej dla je po wšěm zdaću z blida. Spěšnosć drje na 30 km/h wobmjezowana njeje, za to su tam tele dny nowe wobchadne znamjo stajili.

Smjerdźaca (aha/SN). Jedne lěto je so radźićel gmejny Ralbicy/Róžant Eduard Luhmann (CDU) za tonažowe wobmjezowanje a předewšěm za spěšnosć 30 km/h na statnej dróze přez Smjerdźacu zasadźał. Přičina bě, zo su wosrjedź wsy Serbske­ swójbne a kubłanske srjedźišćo LIPA a wot spočatka tohole lěta tež žło­bikowe dźěći Ralbičanskeje pěstowarnje zaměstnjene.

W aprylu su so zastupjerjo policije a wokrjesneho wobchadneho zarjada ze za­mołwitymi LIPY a pěstowarnje na městnje zetkali a wobchadnu situaciju posudźowali. Bórze po tym je Budyski krajny rada Michael Harig (CDU) na to pisomnje wotmołwił. Spočatnje wón w lisće wuzběhuje, zo su rozsudy wo wobchadnych naprawach hač do detaila wot zakonjedawarja předpisane, a tak maja je tež sobudźěłaćerjo wobchadneho zarjada dodźeržeć.

Doppika dla disciplina trěbna

pjatk, 05. junija 2015 spisane wot:

Dźěwinska gmejnska rada lětuši hospodarski plan wobzamknyła

Dźěwin (AK/SN). Zawjedźenje dwójneho knihowanskeho systema doppika nuzuje Dźěwinsku gmejnu ke konsekwentnej kóštowej disciplinje. „Mamy w etaće minus 341 000 eurow. Tež hač do lěta 2018 njebudźemy žane wurunanje docpěć móc, dyrbimy tuž do swojeho bankoweho wobstatka sahnyć. Tole podšmórny komornica Carmen Petrick na posedźenju gmejnskeje rady, kotraž je lětuši hospodarski plan wčera jednohłósnje wobzamknyła. Wot 26. měrca hač do 8. apryla bě etatowy naćisk zjawnje wupołoženy, a žadyn wobydler njeje jemu znapřećiwił.

Puć zawrjeny

pjatk, 05. junija 2015 spisane wot:
Kašecy. Po tym zo su loni puć z Pan­čic-Kukowa do Kašec ponowili, je nětko dalši wotrězk hač do Žuric na rjedźe. Wot 8. hač do 20. junija budźetej tónle dźěl wokrjesneje dróhi K 9238 kaž tež při­­zamknjenje ke K 7266 (přijězd na Porchowsku přemysłowu přestrjeń) za wobchad dospołnje zawrjenej. W tym času dóstanje dróha nowu hornju worštu, tež jeje kromy chcedźa sporjedźeć. Woko­łopuć budźe wupisany přez Pančicy-Kukow a statnu dróhu S 94 (Kamjenska wobjězdka). Tež wotpowědne busowe čary powjedu po wobjězdce. Wobydlerjow tuž proša, so w tym času na wupowěsnjenych jězbnych planach změny nastupajo wobhonić.

Krótkopowěsće (05.06.15)

pjatk, 05. junija 2015 spisane wot:

Předewzaćelske myto 2015

Budyšin. Dwacety raz chcedźa lětsa hornjołužiske předewzaćelske myto spož­čić. Wot lěta 1996 wuznamjenjeja z nim wuspěšne a angažowane přede­wzaćelki a předewzaćelow. Za lětuše myto je dwanaće zawodow namjetowane. Dobyćerjow počesća składnostnje srjedźostawskeho dnja 30. junija w Budyskim Němsko-Serbskim ludowym dźiwadle.

Kurth za jednotnu maturu

Drježdźany. Sakska kultusowa ministerka Brunhild Kurth (CDU) ma jednotnu maturu po wšej Němskej dołhodobnje za trěbnu. Móžnosć přirunanja polěkuje samsnym šansam a sprawnosći, rjekny ministerka Kurth po­wěsćerni dpa. Maturitne wuslědki a přerězki znamkow su wažne kriterije při rozdawanju studijnych městnow.

Sawdi-Arabska hněwna

Policija (05.06.15)

pjatk, 05. junija 2015 spisane wot:

Budestecy. Policija je wčera rano w Budestecach dospołnje přećežene nakładne awto zadźeržała. Wozydło, na kotrež smě so hač do 7,5 tonow składować, pokazowaše na waze dwě tonje wjace hač dowolene. Nimo toho so beton na nakładowan­skej přestrjeni tam a sem suwaše. Zastojnicy wodźerjej awta zakazachu dale jěć.

Njeswačidło. Motorska policajska pa­trulja je srjedu w Njeswačidle ze synom nakładowany traktorowy zapřah z wobchada kiwała. 14 kulowatych walčkow, kóždy něhdźe 600 kilogramow ćežki, njebě derje dosć zawěsćene. 63lětny wodźer traktora njesmědźeše tuž dale jěć.

Dale za dwurěčny Budyšin skutkować

štwórtk, 04. junija 2015 spisane wot:

Kandidaća za zastojnstwo Budyskeho wyšeho měšćanosty su sej zamołwitosće za serbskosć a dwurěčnosć města wědomi

Kandidatam za wólby wyšeho měšćanosty Budyšina je nimo skrućenja komunalnych strukturow a wuzběhnjenja jónkrótnosće sprjewineho města dwurěčnosće dla tež hospodarske a turistiske wuwiće města wažny nadawk w móžnym nowym zastojnstwje.

Budyšin je dwurěčny, a to ma so we wšědnym dnju dale a jasnišo pokazować. Tole wšitcy kandidaća na njedawnym wólbnym forumje SN wobkrućichu.

Z busom z Łužicy do Kölna

štwórtk, 04. junija 2015 spisane wot:
Łužica je nětko do syće póstoweho busa zapřijata. Wot minjeneho pjatka jězdźi žołty bus z Choćebuza do Kölna. Je to prěni direktny zwisk mjez Zhorjelcom, Bu­dyšinom, Wojerecami, Choćebuzom a Berlinom dale do Duisburga a Kölna. Za cyłu čaru trjebaš tak ně­hdźe 11 hodźin. Němski Póst a DHL stej swoju syć dalnobusow na 120 zastanišćow podwojiłoj. Zwisk poskićeja wot štwórtka do wutory wšědnje jónu. W napřećiwnym směrje jězdźi bus wot srjedy do póndźele. Foto: Michael Helbig

nawěšk

nowostki LND