Dom chcedźa energetisce saněrować

srjeda, 10. februara 2021 spisane wot:

Wojerecy (AK/SN). We wobłuku strukturneje změny Łužicy chce město Wojerecy z originelnymi a derje přemyslenymi idejemi sobu skutkować. Za to zesylnja město swój wobłuk hospodarskeho spěchowanja. Tole wuzběhny wyši měšćanosta Torsten Ruban-Zeh (SPD) tele dny před nowinarjemi. Hospodarskemu spěchowarjej Alexanderej Kühnej steji přichodnje bywši nowinski rěčnik Bernd Wiemer poboku. „Třo dalši maja so přidružić“, rozłoži wyši měšćanosta. Za to prócuja so wo wotpowědne spěchowanje.

Jedyn z najwažnišich projektow budźe přetwar a modernizowanje Łužiskeje kupjele. Mjeztym 21 lět wobstejaca kupjel ma přichodnje moderniša, kreatiwniša, ekologiska a bóle z domiznu zwjazana być. W aprylu 2024 ma kupjel po dwěmaj lětomaj zaso wočinić. Za projekt je tuchwilu něhdźe 15,4 miliony eurow předwidźanych. Za to nadźijeja so srědkow z programa za strukturnu změnu. Při tym by Zwjazk hač do 87 procentow wudawkow njesł, štož wučinja něhdźe 11,8 milionow eurow. Měšćanske hospodarske zawody jako wobsedźer Łužiskeje kupjele bychu 13 procentow njesć dyrbjeli, potajkim něhdźe 3,6 milionow eurow.

We wuhenju woheń wudyrił

srjeda, 10. februara 2021 spisane wot:

Kulow (PM/SN). Zo je wuheń w bydlenskim domje přewšo sensibelna naležnosć a zo dyrbiš jón wobstajnje wot fachowcow hladać dać, wě kóždy, kiž měješe z tym hižo raz ćeže. K nim słušeja nětko bohužel tež wobydlerjo domu na Kamjenskej dróze w Kulowje. Tam dyrbješe předwčerawšim wohnjowa wobora přijeć. Na zbožo móžachu kameradojo wjetšej katastrofje zadźěwać.

Wobydler domu bě runje na hornim poschodźe, jako słyšeše spodźiwne a njezwučene zwuki, kotrež pochadźachu z tepjenskeje připrawy. W tym wokomiku bě so wuheń nutřkownje palić započał. Při tajkim wohenju so na sćěnach wuhenja wotsadźene sazy zapala a płomjenja zdźěla z wuhenja šuskaja. Najprjedy spyta wobydler z dwěmaj wohnjohašakomaj płomjenja sam podusyć. Skónčnje pak alarmowaše wón policiju. Zhromadnje ze saznikom so wobornikam poradźi, wuheń mjesć, z čimž płomjenjam móhłrjec jich zakład wzachu. Na zbožo so při tym nichtó zranił njeje.

Dawki a přinoški dosć njewučerpaja

srjeda, 10. februara 2021 spisane wot:

W městach a gmejnach tuchwilu swoje hospodarske plany za lěto 2021 zestajeja. Koronoweje pandemije dla je to wosebite wužadanje, kaž so na přikładźe města Budyšina pokaza.

Budyšin (SN/MWj). Město Budyšin liči w tymle lěće z dochodami 84,3 miliony eurow a z wudawkami 86,9 milionow eurow. Nimo toho planuja z inwesticijemi we wobjimje něhdźe 13 milionow eurow. Po słowach financneho měšćanosty dr. Roberta Böhmera změja tuž prěni raz deficit něhdźe 2,6 milionow eurow. To su něhdźe tři procenty cyłkowneho wob­jima etata.

Woheń w kuchni Němčanskeho hosćenca je sej wčera zasadźenje wohnjoweje wobory žadał. Po wšěm zdaću bě so horcy wolij na kachlach zapalił. Płomjenja wobškodźichu kuchnju a dalše dźěle domskeho. Wěcnu škodu trochuja na něhdźe 200 000 ­eurow. Jednu wosobu dyrbjachu lěkarsce zastarać dać. Za dokładnej přičinu chcychu dźensa slědźić. Foto: André Klimann

Krótkopowěsće (10.02.21)

srjeda, 10. februara 2021 spisane wot:

Druhi raz natyknjena wosoba

Budyšin. Wo wurjadnym padźe je Budyski krajnoradny zarjad wčera rozprawjał. Mjez pjeć nowonatyknjenjemi z koronawirusom je wosoba, kotraž bě loni w nowembrje hižo raz inficěrowana. Nimo toho bě šěsć smjertnych padow. Incidenca 113,33 ma dale woteběracy směr. W Zhorjelskim wokrjesu zličichu wčera 33 nowych infekcijow a dwanaće smjertnych padow z doby 27. do 31. januara. Tamniša incidenca bě 108,81.

Na digitalne stajne blido

Zły Komorow. Turistiski zwjazk Łužiska jězorina zarjaduje wot 16. februara digitalne stajnje blido, na kotrymž móža so zajimcy darmotnje wobdźělić. Cyłkownje pjeć poskitkow chcedźa přewjesć, při čimž maja aktualne wuwića w turistiskej kónčinje w srjedźišću stać. Aktualneje situacije dla, rozsudźichu so akterojo za widejowe konferency.

Zaso do šule

Něhdyša šula so zminje

wutora, 09. februara 2021 spisane wot:
Loni spočatk februara su w Slepom nowy Němsko-serbski šulski centrum wote­wrěli. Lěto po tym započachu nětko staru wyšu šulu „Dr. Marja Grólmusec“ torhać. Mjeztym je zwjazowaca chódba mjez dwěmaj twarjenjomaj hižo preč. Za něšto tydźe­njow drje hižo wjele na to dopominać njebudźe, zo su šulerjo ze Slepoho a wokoli­ny tu do šule chodźili. 30. apryla 1969 běchu zakładny kamjeń za Slepjansku polytechnisku wyšu šulu połožili. Prěni dźěl bě w měrcu 1971 hotowy, tamny dźěl połdra lěta pozdźišo. Tak móžachu tam hač 720 holcow a hólcow wuwučować. 1977 přepodachu nowu šulsku sportownju. Foto: Joachim Rjela

Běła Woda (AK/SN). Ramikowe dojed­nanje mjez energijowym koncernom LEAG a městom Běła Woda k podpěrje powšitkownowužitnych towarstwow tež lětsa płaći. Tole zdźěli wyši měšćanosta Torsten Pötzsch (Klartext) na zašłym posedźenju měšćanskeje rady. Towar­stwa móža hač do kónca februara w měšćanskim zarjadnistwje próstwu wo pjenježne spěchowanje za tele lěto zapodać.

Běłowodźanskim towarstwam přewostaji LEAG lětsa 80 000 eurow. Zakład je w lěće 2011 wotzamknjene zrěčenje z městom. „Prěnjorjadnje spěchujemy dźěło towarstwow, dokelž wone ze swojim skutkowanjom k žiwjenskej kwaliće w Běłej Wodźe přinošuja“, rjekny rěčnica LEAG Kathi Gerstner. Kelko pjenjez energijowy koncern w lěće 2022 a pozdźišo přewostaji, njeje dotal jasne.

Zajim towarstwow za spěchowanske srědki je kóžde lěto jara wulki. Jeničce loni zapodachu towarstwa próstwy wo spěchowanje w cyłkownym wobjimje 184 000 eurow. Rozdźělić pak móžachu „jenož“ 80 000 eurow. W minjenych lětach bě spěchowanski hornc wo wjele wjetši. W prěnich lětach dósta Běła Woda­ hač do miliona eurow. 2017 bě to hi­šće 360 000 eurow, lěto pozdźišo 200 000 eurow a 2019 dohromady 100 000 eurow.

Policija (09.02.21)

wutora, 09. februara 2021 spisane wot:

Bjez rubizny ćeknyli

Budyšin. Kašćiki z prózdnymi blešemi běchu sej njeznaći předwčerawšim wječor w Budyskej Strowotnej studni jako rubiznu wupytali. Swědk jich wobkedźbowaše, kak sej kašćiki přez płót dawachu, a za­zwoni policiju. Skućićelam pak so poradźi ćeknyć. Zastojnicy zličichu dwanaće kašćikow w hódnoće wjace hač 50 eurow, kotrež cuzy stejo wostajichu.

Serbske blido zaso wirtuelnje

wutora, 09. februara 2021 spisane wot:
Drježdźany. Přichodne serbske blido w sakskej stolicy wotměje so znowa wir­tuel­nje, a to dźeń do popjelneje srjedy, 16. februara, we 18 hodź. Štóž so do njedźele, 14. februara, přizjewi, dóstanje na wotpósłanu adresu link, z kotrymž móže so do bjesady zakliknyć – a to jeničce z podaćom swojeho mjena, prjedy hač zastupi do wirtuelneho ruma. Štóž by hižo­ do toho wupruwować chcył, hač a kak tajka wirtuelna komunikacija fun­gu­je, njech so do pjatka přizjewi. Z njej abo z nim bychu sobotu abo njedźelu małe zwučowanje přewjedli. Na spěšne wotmołwy wjeseli so Benedikt Dyrlich e-mailnje pod abo pod telefonowym čisłom 0177-4 57 66 95, telefonisce, z SMS abo přez Whatsapp. Přizjewjenje je tohorunja pod móžne.

Płaćizna za ležownosće jasna

wutora, 09. februara 2021 spisane wot:

Pančicy-Kukow (SN/MWj). Jednotliwe ležow­nosće w nowej bydlenjotwarskej štwórći při Srjedźnym puću w Pančicach-Kukowje chce tamniše gmejnske zarjadnistwo tele dny zwičnjeć započeć. Tole praji wjesnjanosta Markus Kreuz (CDU) na zašłym posedźenju gmejnskeje rady. Za to su minjeny štwórtk w njezjawnym posedźenju posledni zadźěwk wotstro­nili. Dotal mjenujcy njebě hišće jasne, kelko změja zajimcy za ležownosće płaćić. Kaž Kreuz na naprašowanje SN zdźěli, płaći kwadratny meter 67 eurow.

Serbska debata

nowostki LND