Sobudźěłaćerjo Wojerowskeho komunalneho twarskeho zawoda su minjene tydźenje tójšto ławkow ponowili, kotrež běchu do toho­ na mnohich městnach wottwarili. Nětko je poněčim zaso nastajeja. Tele dny běštaj Gerd Brose a Michael Noack ­(wot­lěwa) mjez druhim na Čornochołmčanskej nawsy při dźěle. Foto: Bernd Wiemer

Krótkopowěsće (26.02.20)

srjeda, 26. februara 2020 spisane wot:

Wustajeja dźěła Jana Hanskeho

Eisenhüttenstadt. Składnostnje lětušich 95. posmjertnych narodnin Jana Hanskeho pokazuje měšćanski muzej w Eisenhüttenstadće hač do 15. měrca dźěła wot njeho ze swojeje wuměłstwoweje zběrki. Z Njebjelčic pochadźacy a 2004 w Eisenhüttenstadće zemrěty moler je kulturne stawizny města nad Wódru wot lěta 1955 sobu wobwliwował. Tak je Jan Hanski tež wopon města stworił.

„Moped z 15“ přińdźe

Drježdźany. W Sakskej smědźa młodostni přichodnje z 15 lětami jězbnu dowol­nosć za moped złožić. To je wčera sakski kabinet wobzamknył. Wotpo­wědny zakoń wo nowym rjadowanju ma 1. meje płaćiwosće nabyć. Sakski statny minister za wobchad Martin Dulig (SPD) ma rozsud za „moped z 15“ předewšěm za młodostnych na wsach za jara dobry. Wšako su tak wo wjele mobilniši.

Organizowana pomoc móžna

Karlsruhe. Wot lěta 2015 płaćiwy za­koń­, zakazowacy aktiwnu pomoc k wu­mrěću, so Zakładnemu zakonjej spřećiwja. To je Zwjazkowe wustawowe sud­nistwo dźensa w Karlsruhe rozsudźiło a tak skóržbam ćežko chorych ludźi, lěkarjow a přewodnikow do smjerće wotpowědowało.

Za lěpše zwiski wot busa na ćah

wutora, 25. februara 2020 spisane wot:

Ze změnu jězbneho plana w decembru 2019 běchu so tež časy železniskeje linije z Drježdźan do Kamjenca (RB 34) změnili. To wšak njebě runjewon na dobro pasažěrow, nawopak, mnozy sobujěducy njeběchu scyła spokojom.

„Pasažěrojo drje přińdu nětko prjedy do Drježdźan a pozdźišo tež zaso wróćo – změna wo 30 mjeńšin pak je k tomu wjedła, zo busy kaž zwučene hižo zwisk k ćahej njemějachu“, rozłožuje Burkhard Ehlen, jednaćel wobchadneho zwjazka Hornje Łobjo (VVO). „Hromadźe z Regiobusom Hornja Łužica (RBO) a Budyskim krajnoradnym zarjadom smy tójšto konstruktiwnych pokiwow, kotrež běchu nam pućowacy posrědkowali, wuhódnoćili a mamy skónčnje prěnje polěpšenja.“

W Kamjencu potrjechja změny měšćanski bus linije 21, kotryž rano přidatnje po měsće jědźe, kaž tež regionalne busowe linije 150, 184, 186 a 187. Wosebje rano a popołdnju móžachu jězbny čas tak změnić, zo je jich nětko wjace zwiskow wot a k ćaham. Najebać tele a dalše změny chce VVO přichodnje planowanje cyłkowneho jězbneho plana za čary z Drježdźan do Kamjenca, Zhorjelca, Kinsporka kaž tež do Žitawy přepruwować a časy ewentualnje změnić.

Pytaja serbskich hladarjow

wutora, 25. februara 2020 spisane wot:

Chorownja geriatrisku staciju za nutřkownu medicinu wotewrěła

W Kamjenskej chorowni wot nětko staršich pacientow na staciji za akutnu geriatriju zastaruja. Lěkarski nawod ma nazhonita lěkarka na polu geriatrije dr. Sevdalina Koleva. Mikławšowa stacija je tak wuhotowana, zo móža tam hač do 20 pacientow hladać. Za wosebite situacije je tež wosebita rumnosć z jednym łožom k dispoziciji. Nowy poskitk je mjeztym derje přiwzaty. Dr. Koleva je zwjeselena z wysoko motiwowanych sobudźěłaćerjow a pyta dalšich wukubłanych fachowcow k rozšěrjenju swojeho wobłuka.

Na knižnu premjeru

wutora, 25. februara 2020 spisane wot:

Budyšin. Štwórtk, 27. februara, sće witani na premjeru Thomasa Kläberoweho wobrazoweho zwjazka „Land.Leben – Na jsy“, a to w Budyskej Smolerjec kniharni w 19.30 hodź. 1955 w južnobraniborskim Beyernje pola Falkenberga rodźeny fotograf wěnuje so mjeztym połsta lět žiwjenju na wsy a tam bydlacym ludźom.

Wopominaja zemrětych

Kamjenc. W kapałce Kamjenskeje chorownje swj. Jana wotměje so jutře, popjelnu srjedu, w 16.30 hodź. wopomnjenska nutrnosć za wšěch, kotřiž su wot nowembra hač do kónca januara w chorowni zemrěli. Njewotwisnje wot na­božneje přisłušnosće su wšitcy přiwuzni a dalši zajimcy přeprošeni.

Serbske koło so zetka

Wojerecy. Zamołwita za serbske naležnosće města Wojerec Gabriela Linakowa přeproša na přichodne Serbske koło, kotrež zetka so zajutřišim, štwórtk, we 18 hodź. w hosćencu „Wodychnjenje“ Kulturneje fabriki na Piwarskej 1. Štóž ma zajim, lóšt a chwile, so na měsačnych zetkanjach k hajenju maćeršćiny wobdźělić, je stajnje lubje witany.

200 lět misionske towarstwa

Policija (25.02.20)

wutora, 25. februara 2020 spisane wot:

Bjez žony dale jěł

Budyšin. Při jězbje po awtodróze A 4 je minjenu sobotu wječor k rozestajenju mjez mandźelskimaj dóšło. Jako bě žona na parkowanišću na nuzniku, muž roznjemdrjeny ze swojim Citroenom prosće wotjědźe. Z wupožčenym handyjom za­zwoni žona policiju, kotraž ju sobu na Budyski rewěr wza. Hakle po wjacorych hodźinach so tam tež muž zjewi a swoju žonu wotewza. Wo čim staj wonaj na to w awće rěčałoj, bohužel znate njeje.

W duchu na wulkim pućowanju

wutora, 25. februara 2020 spisane wot:

Chrósćicy (aha/SN). 58 zajimcow je minjenu sobotu w Chróšćanskej putniskej hospodźe dožiwiło přednošk rodźeneho Konječana Markusa Bjeńša. Wón je swoju rozprawu wo swojim dźěle po cyłym swěće na temu „Ach mój swěće, domizna?!“ stajił a bě wulkeho zajima dla přemóženy a hnuty. Za młodeho Serba dźě njeje domizna „geografiske městno, ale wšudźe tam, hdźež jeho akceptuja, kajkiž je“. Wotpowědnje temje wječora sej zajimcy spočatnje zaspěwachu „Što radosć rjeńšu dawa“ a po zakónčenju „Kak stupa so lóštnje a wjesele“.

Wjesne wozy ćah wobohaćace

wutora, 25. februara 2020 spisane wot:

Maja ducha Kulowskich póstniskich norow w kreji

Kulow (SN/BŠe). Město a wsy hromadźe słušeja, to staj sej lětuši Kulowski princowski por Oliver a Mandy Brösanec z delnich Sulšec předewzałoj, štož bě tež na wčerawšim póstniskim ćahu widźeć. Wjac hač 10 000 ludźi je sej jón wobhladało. Zo je princowski por – mostytwarc – lětsa ze Sulšec, bě zdobom tema wjacorych wozow. Hordźi wjesnjenjo tuž namjetowachu: „Chceš-li raz princesna być, dyrbiš mandźelskeho ze Sulšec měć.“

Napadnyło je, zo běchu sej wozytwarcy zaso hłowu łamali a rafinesy wumyslili. Młodostni z Koblic natwarichu sej Zwingerowy ekspres, z kotrymž jědźechu po debjenki do Drježdźan. Wjele kedźbnosće wuwabi tež spaceshuttle z Kulowca. Z nim chcychu so pasažěrojo hrožaceje klimoweje změny dla do druheho kosmosa podać. Temy klima, brunica, přewjele wuhlikoweho dioksida abo hibanje wokoło aktiwistki Grety Thunberg wuhladachu ludźo hnydom na wjacorych wozach, mjez druhim tež na Dubrjenskim.

Wulki respekt!

wutora, 25. februara 2020 spisane wot:
Štóž je wčera w Kulowje był, móžeše tam kreatiwnu žiłku póstniskich norow wobdźiwać. Kóžde lěto znowa sej wobdźělnicy z wulkej wušiknosću kostimy zhotowjeja a na róžowopóndźelnym ćahu samym lóštnu naladu z mjeńšim abo wjetšim dźiwadźelniskim talentom wuprudźeja. Wjac hač 30 wozow bě lětsa zaso na póstniskim ćahu widźeć, a žadyn njewupadaše kaž druhi. Hač ćahi, lětadła, twjerdźizny abo jako dwórnišćo natwarjene, wšitke wobrazy wotbłyšćowachu wulku prócu. Tež šćipate hrónčka na wozach dyrbja palatym temam wotpowědować. Měsacy dołho su sej karnewalisća hłójčku łamali a sej přemyslili, kak móhli swoju ideju, zdźěla z wulkim techniskim nałoženjom, zwoprawdźić. Wulki respekt jim wšěm! Tak sej woni ani wotpočinka njedowoleja. Wšako kóžde lěto samozrozumliwje znowa­ póstnicy přihotuja. Billardowy klub z Dubrjenka mjeztym hižo 40 lět sobu­ čini. Bianka Šeferowa

Krótkopowěsće (25.02.20)

wutora, 25. februara 2020 spisane wot:

Countdown za Dźeń Saksow

Drježdźany. Hač do 1. měrca hišće móža­ so kulturne a dalše towarstwa, zwjazki a institucije za lětuši 29. dźeń Saksow přizjewić. Swjedźeń­ wotměje so wot 4. do 6. septembra w Aue-Bad Schlema. Z dohromady 120 000 eurami sakska statna kenclija towarstwa za to spěchuje. Domowina namołwja­ tež serbske cyłki, na najwjetšim sakskim swjedźenju so před­stajić.

Wopomnjensku taflu wotkryli

Gołkojce. Z wosebitymi dwurěčnymi kemšemi su předwčerawšim w Gołkojcach na fararja Karla-Eduarda Haußiga spominali. Wón bě farar w Bórkowach a Gołkojcach a je 1868 wudaće serbskeje biblije zamołwił. Po kemšach su w cyrkwi jemu wěnowanu wopomnjensku taflu wotkryli. Wo žiwjenju a skutkowanju Haußiga přednošowaše předsyda Spěchowanskeho towarstwa za serbsku rěč w cyrkwi dr. Hartmut Leipner.

Wulki dundak so nawróćił

Serbska debata

nowostki LND