Film město spěwa

pjatk, 14. februara 2020 spisane wot:

Chrósćicy. Njeboh Franc Młynk z Hórkow – něhdyši skałar a Serb z ćěłom a dušu – bě wjele lět Chróšćanski wjesnjanosta. Wón bě muž skutkow, z runym rjapom, sprawny a direktny – haj, bě legen­darny za to, zo za „swojich“ to najlěpše wuwojowaše a so njeboješe, tež raz z pjasću wo blido wrjesnyć a so z wo­krjesnymi funkcionarami w Kamjencu nasadźować. Wo nim móža zajimcy jutře, sobotu, w 19.45 hodź. w Chróšćanskej putniskej hospodźe widźeć dokumentarny film NDR z lěta 1988. Tomu přizamknje so wólna bjesada wo dopomnjenkach na wjesne stawizny. Jedna so wo krótkodobnu změnu programa kulturneje zymy. Poprawom předwidźany serbski hudźbny a spěwny wječor ze skupinu „Holaski“ (Donatec bratřa z Chrósćic) dyrbjachu swójbnych přičin dla přestorčić. Nowy termin sčasom wozjewja.

Jutře w 16 hodź. su dźěći prošene na serb­ske dźěćace kino z filmom „Potajnstwo stareho młyna“.

Trjebaja pomoc cyłeje wsy

pjatk, 14. februara 2020 spisane wot:

Wšědnje rozprawja policija wo zado­bywanjach do wobchodow, rjemjeslniskich zawodow, hosćencow a druhdźe. Tež młodźinske kluby njejsu z toho wuzam­knjene. W Radworskim pak so tajke pady nětko kopja

Radwor (pdź/SN). Mjeztym třeći raz w běhu poł lěta su so paduši do Radworskeho młodźinskeho kluba zadobyli. W nocy wot póndźele na wutoru zmóžnichu sej přez wokno přistup, wuła­machu durje składa a pokradnychu tam pjenježnu kasetu. Samo při sćěnje připrawjeny trezor złóstnicy wottwarichu a tohorunja sobu wzachu. Jenož něšto hodźin do toho bě so Radworska młodźina hišće w klubje zetkała.

„Bohužel so přeco zaso ludźo do ­na­šeho zetkawanišća zadobudu“, zdźěli Dawid Wowčer, předsyda Radworskeho młodźinskeho kluba, kotryž přisłuša ­Domowinje. „Zo pak so złóstnistwa w poslednim času kopja, je wosebje mjerzace.“ W nocy wot 29. na 30. januara, ­potajkim hakle před dwěmaj njedźelomaj, běchu so njeznaći hižo do kluba ­zadobyli. Tež tehdy pokradnychu kasu młodźiny z poprawom derje škitaneho składu.

Pjenježna dźěra lěto a wjetša

pjatk, 14. februara 2020 spisane wot:

Ćežke połoženje gmejny Dźěwin hišće dawno ke kóncej njeje

Dźěwin (AK/SN). Na ćežke hospodarske časy dyrbi so Dźěwinska gmejna nastajić. Tole podšmórny komornica Carmen Petrick­ na zašłym posedźenju gmejn­skeje rady, jako diskutowachu radźićeljo wo hospodarskim planje 2020. Prěni naćisk nětko předleži.

Minjene dny je wichor „Sabine“ na wjacorych městnach štomy spowalał, kotrež dyrbjachu wobornicy zrumować. Tež ­we Worklecach někotre štomy padnychu. Dokelž pak bě to při Klóšterskej wodźe, njezrumowachu je wobornicy, ale sobu­dźěłaćerjo krajneho zarjada rěčnych zawěrow. Foto: Feliks Haza

Krótkopowěsće (14.02.20)

pjatk, 14. februara 2020 spisane wot:

Sakska spěchuje kandidaturu

Drježdźany. Sakske statne ministerstwo za kulturu a turizm spěchuje kandidaturu Kamjenicy jako kulturna stolica Europy 2025 ze 600 000 eurami. Je-li požadanje města wuspěšne, chce Sakska dalšich něhdźe 20 milionow eurow inwestować a Kamjenicu „na wšěch politiskich runinach a wšitke ressorty knježerstwa zapřijejo“ podpěrać, zdźěla kultusowa ministerka Barbara Klepsch (CDU).

Z jubilejom přewšo spokojom

Weimar. Zarjadowanja kołowokoło lońšeho jubileja hibanja Bauhaus su po cyłym swěće statysacy zajimcow wopytali. Wosebitej wustajeńcy we Weimarje a Dessauwje přiwabištej cyłkownje wjace hač poł miliona wopytowarjow. „To je wočakowanja nad měru přetrjechiło“, rěka­ w zdźělence ekspoziciji wuhotowaceho Bauhaus-zwjazka.

Festiwal krótkofilmow zahajeny

Krótkopowěsće (13.02.20)

štwórtk, 13. februara 2020 spisane wot:

Přihotuja lěto župow

Wojerecy. Přihoty na lěto župow stejachu w srjedźišću wčerawšeho wuradźowanja regionalnych rěčnicow a referentow Domowiny we Wojerecach. Kaž nowinski rěčnik Marcel Brauman zdźěli, su tež praktiske přikłady skutkowanja na dobro serbskeje rěče na wjacorych kubłanišćach rozjimowali. Župje „Handrij Zejler“ přisłuša tuchwilu sydom Domowinskich skupin a 13 towarstwow.

Joseph Vilsmaier njeboh

Mnichow. Wuznamny němski režiser a kameramuž Joseph Vilsmaier je wčera 81lětny w Mnichowje zemrěł. K jeho najwuspěšnišim­ filmam słušeja mjez druhim „Stalingrad“, „Schlafes Bruder“ a „Comedian Harmonists“. W lěće 2003 bě wón sobuzałožer Němskeje filmoweje akademije, kotraž spožča myto „Lola“.

Bywši wjesnjanosta pisa bamžej

Policija (13.02.20)

štwórtk, 13. februara 2020 spisane wot:

W bydlenju pistole namakali

Rakecy. Wosebje wukubłana skupina policistow bě zawčerawšim w Rakecach zasadźena, dokelž běchu pokiw dóstali, zo ma wobydler pistolu a móhł ju tež zasadźić. W bydlenju 63lětneho namakachu powětrowku, trašawku a pistolu za paintball. Nimo toho storčichu na škričkowanski nastroj Stróžanskeje wohnjoweje wobory. Tón bu w septembru 2017 pokradnjeny. Dokelž měješe muž strowotne problemy, dowjezechu jeho na to do chorownje. Hač smědźeše wón pistole w bydlenju měć, nětko přepytuja.

Spytać wjace wliwa wukonjeć

štwórtk, 13. februara 2020 spisane wot:

Dalši krok za škit kulturnych pomnikow w Chróšćanskej gmejnje

Chrósćicy (JK/SN). Hižo loni nazymu zaběraše so Chróšćanska gmejnska rada z naležnosću, kotraž njeje jenož za tamnišu gmejnu wažna, ale kotraž by tež druhe gmejny zarjadniskeho zwjazka Při Klóšterskej wodźe potrjechić móhła. W Chrósćicach buchu we wjacorych padach swjate křiže z dotalnych městnow přestajene abo zrumowane. Gmejna je wo tym hakle zhoniła, jako bě přepozdźe. Tež hdyž so při tym wo priwatne naležnosće jednaše a křiže na priwatnych ležownosćach stejachu, su wone a mo­dlerske stołpy dźěl našeje kulturneje krajiny. Hdźež hižo njesteja, něšto pobrachuje a krajina wochudnje.

Hłowna zhromadźizna TCM

štwórtk, 13. februara 2020 spisane wot:

Wotrow. Čłonojo a zajimcy su přeprošeni na hłownu zhromadźiznu Towarstwa Cyrila a Metoda jutře, pjatk, do Wotrowa. Wona zahaji so z Božej mšu we 18 hodź. w tamnišej cyrkwi a pokročuje potom na farje.

Za wiki so přizjewić

Kamjenc. Přichodne Kamjenske kołbaskowe wiki wotměja so njedźelu, 29. měrca. Minjene lěta su wone z wjele lokalnymi a regionalnymi wikowarjemi kaž tež ze zajimawym programom dobry wothłós žnjeli. Měšćanska iniciatiwa a měšćanski management tež lětsa za­jimowanych wikowarjow, posłužbowarjow, towarstwa a lokalnych akterow přeprošujetej, so na wikach wobdźělić. Wosebje prašane su regionalne produkty z Kamjenca, wokoliny a z Łužicy. Na mjenowanym dnju chcedźa tohorunja mjeztym hižo šeste kołbaskowe wubědźowanje na žurli Kamjenskeje radnicy přewjesć. Zajimcy za wiki njech přizjewja so hač do 15. februara pola měšćanskeje managerki Anne Hasselbach e-mailnje pod: abo pod telefonowym čisłom: 03578/ 312 315.

„Swójba je ćežke dźěło“

štwórtk, 13. februara 2020 spisane wot:

Lětuša zymska akademija w Smochčanskim Domje biskopa Bena wotmě so tele dny pod hesłom „Identita a wjelestronskosć w swójbje, cyrkwi a towaršnosći“. Jednotliwa wosobina ma w swobodno-demokratiskej towaršnosći wjace zamołwitosće přewzać we wobłukach, w kotrychž dotalne towaršnostne mustry wjace njefunguja.

Smochćicy (CRM/SN). „Steji tuž swójba dźensa mjez jadrom swobody a nanuzowanym wjazmom?“, tele prašenje stajištej tydźenja zarjadowarjej, Drježdźansko-Mišnjanski ordinariat a tudyši kubłanski dom, na zjawnym wječoru do ruma. Žurla­ bě kopaće połna a mjez wopyto­warjemi bě tohorunja wjele serbskich zajimcow.­

Serbska debata

nowostki LND