Rewanša so nětko poradźiła

póndźela, 10. awgusta 2015
artikl hódnoćić
(0 )
„Tamle horjeka my stejimy!“ Pětr Domaška, dwójny třělc wrotow, je přihladowarjam wčera pokazał, hdźe Sokoł po prěnim hrajnym dnju w tabulce steji. Přećiwo přežadanym hosćom njeměješe kapitan Sokoła ze swojim mustwom přez cyłu hru žane ćeže. Domjacy dobychu zasłužbnje ze 6:1.  Foto: Jörg Stephan „Tamle horjeka my stejimy!“ Pětr Domaška, dwójny třělc wrotow, je přihladowarjam wčera pokazał, hdźe Sokoł po prěnim hrajnym dnju w tabulce steji. Přećiwo přežadanym hosćom njeměješe kapitan Sokoła ze swojim mustwom přez cyłu hru žane ćeže. Domjacy dobychu zasłužbnje ze 6:1. Foto: Jörg Stephan

Sokoł Ralbicy/Hórki – ST Kinspork/Łužnica 6:1 (3:0)

Zestawa domjacych: Gloxyn – Matka, B. Bjeńš, B. Bejma, Lulak (65. Korjeńk) S. Bjeńš, Šołta, T. Bejma (73. Čórlich), Wałda, Kurjat, Domaška

Wčera, njedźelu, dojědźe sej z Kinsporkom/Łužnicu do Ralbic postupnik do wokrjesneje­ koparskeje wyšeje ligi. Z přećiwnikom měješe Sokoł hišće kokošku skubać, wšako bě minjeny čas dwójce přećiwo njemu z pokala zlećał.

Z nowymi trikotami Sokoł wot wšeho spočatka pokaza, štó je šef na hrajnišću. Hósć spyta wosebje z robustnym ćěłom a druhdy tež njefairnymi foulemi domjacych z koncepta přinjesć. To pak so jemu njeporadźi, wšako njedachu so domjacy prowokować a sami mócnje napřemo dźeržachu.

wozjewjene w: Sport
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND