Tež mały derby dobyli

póndźela, 24. awgusta 2015
artikl hódnoćić
(0 )
Nutřkowneho škitarja Bosćija Cyža (tule najwyše) w dwuboju přewinyć je chětro ćežko. Nowopřichad Chróšćanskeje SJ je do noweje hrajneje doby wot Jednoty Kamjenc přišoł a so zaso domjacemu towarstwu přizamknył.  Foto: Werner Müller Nutřkowneho škitarja Bosćija Cyža (tule najwyše) w dwuboju přewinyć je chětro ćežko. Nowopřichad Chróšćanskeje SJ je do noweje hrajneje doby wot Jednoty Kamjenc přišoł a so zaso domjacemu towarstwu přizamknył. Foto: Werner Müller

Módro-Běli Kulow

– SJ Chrósćicy 0:1 (0:1)

Zestawa domjacych: Kliemank – Pohl, Lohan, Korch (68. Liebsch), Žur, Wittek, Görigk (74. Mattick), Nicolaides, Thomas, Graf, Kubaink

Zestawa hosći: Králíček – Pöpel, Cyž, M. Zahrodnik, Dórnik, Dehn (76. Budar), Domaška, F. Zahrodnik, Młynk (83. Domš), Žur, Věchet

Sobotu steješe za koparjow Sportoweje jednotki Chrósćicy (SJC), dalši derby na lisćinje dypkowych hrow. Chróšćenjo běchu z hosćom Módro-běłych w Kulowje. Hosćićel běše runja SJC po dwěmaj hrajnymaj dnjomaj hišće njeporaženy. Hra běše poměrnje wurunana, byrnjež domjacy skerje lěpši start měli. Za nich pospytachu so z třělwami Görigk, Thomas a Graf – wšitcy bjez wuspěcha. Na boku­ Chróšćanow skićachu so wosebje Feliksej Zahrodnikej, Věchetej a Žurej dobre składnosće. Po dołhim zamjeće Pöpela wostaji Žur třoch přećiwnikow stejo, předrě so na zakładnu liniju do šěsnatki a přihra bul Zahrodnikej. Tón třěli nisko do krótkeho kuta k nawjedowanju (25.). Krótko na to měješe Pöpel hižo 2:0 na noze. Po rjanej flance Młynka pak njezamó wón kulowatu kožu we wrotach zaměstnić. Škoda, přetož to móhł předrozsud być.

wozjewjene w: Sport
Prošu přizjewće so, chceće-li komentar podać

nawěšk

  • Sernjany su swoju róčnicu prěnjeho naspomnjenja wsy před 600 lětami z wosebitym wjesnym swjedźenjom wuspěšnje woswjećili. Tule nańdźeće někotre fotowe impresije wo tym:
Zerna feierte unlängst die Ersterwähnung des Ortes vor 600 Jahren mit einem beson

nowostki LND