Domowinjenjo a požadarjo azyla zhromadnje swjećili

póndźela, 14. septembera 2015
artikl hódnoćić
(0 )
Serbske dźěćace towarstwo Ćisk je wobdźělnikow swójbneho swjedźenja Domowinskeje župy „Handrij Zejler“ sobotu wuběrnje zabawjało.  Foto: Ulrike Herzger Serbske dźěćace towarstwo Ćisk je wobdźělnikow swójbneho swjedźenja Domowinskeje župy „Handrij Zejler“ sobotu wuběrnje zabawjało. Foto: Ulrike Herzger

Wojerecy (UH/SN). Mjeztym druhi raz je Domowinska župa „Handrij Zejler“ sobotu na arealu Wojerowskeho župneho domu­ swójbne popołdnjo wuhotowała. Dobreho wothłosa dla chcyli organizatorojo z toho lětnu tradiciju wuwić. Přichwatali běchu znowa Domowinjenjo skupin stare a nowe město.

Swójbny swjedźeń wopokazuje so jako prěni poradźeny mozaikowy kamušk we wobłuku interkulturnych dnjow Budyskeho wokrjesa. „Tež program z němsko-serbskim wobsahom, z kotrehož móžeš dwurěčnosć našeho regiona hišće lěpje dožiwić, je naša młoda generacija derje přiwzała. To sej wězo jara přejemy“, praji tamniša regionalna rěčnica Domowiny Christina Šołćina. Wona je jako moderatorka po programje wjedła.

Za samy wjeršk měješe publikum poskićenja Serbskeho dźěćaceho towarstwa Ćisk, kotrehož wukony je wospjet z přikleskom mytował. Wšitke 18 holcow a hólcow bě w drasće ewangelskich Serbow z Wojerec a wokoliny. To běše dypk na „i“ zajimaweje časoweje jězby. Powěsćowe postawy kaž připołdnica a Pumpot so tam runje tak jewjachu kaž Rixdorfska abo Porynska a přewšo woblubowana Šewska reja.

wozjewjene w: Towarstwa
Prošu přizjewće so, chceće-li komentar podać

nawěšk

nowostki LND