Prěni raz na Młynkec łuce

wutora, 15. septembera 2015
artikl hódnoćić
(0 )
Wobhladanjahódny hłójčkowany bul Christopha Klippela (prědku, Budissa Budyšin) je cil snadnje misnył. Přećiwo sylnemu přećiwnikej FC Schönberg pak je Budissa přiwšěm dypk dobyła. Foto: Torsten Zettl Wobhladanjahódny hłójčkowany bul Christopha Klippela (prědku, Budissa Budyšin) je cil snadnje misnył. Přećiwo sylnemu přećiwnikej FC Schönberg pak je Budissa přiwšěm dypk dobyła. Foto: Torsten Zettl

Budissa Budyšin – FC Schönberg 95 1:1 (0:1)

Zestawa domjacych: J. Jakubov – Kolan, Klippel, Pfanne, Kral, Rosendo (67. Walther), Hoßmang, Čermák, Reher (79. Heppner), A. Jakubov, Salewski (59. Hansch)

FC Schönberg 95, postupnik do regionalneje koparskeje ligi, bě njedźelu prěni raz na Budyskej Młynkec łuce. Hrajersce sylne mustwo trenarja Axela Rietentieta bě do hry w sprjewinym měsće z kóždeje wonkowneje partije z dypkom domoj přijěło. Tež tónraz to wězo chcyše. 550 přiwisnikow Budissy Budyšin pak chcyše dobyće domjaceho cyłka widźeć. Zo budźe to ćežki nadawk, wědźeše pak trenar Tomaš Henčl hižo do hry. Hižo w 13.min. pokaza sudnik na dypk w šěsnatce domjacych. Jědnatka bě woprawnjena a Schönbergski kopar ju wěsće přetwori. Hosćićeljo prócowachu so wotnětka wo wurunanje. Salewski bě prěnju šansu derje spřihotował, Alexander Jakubov pak na wrotarju zwrěšći. Tež Rosendo namaka we wrotarju přećiwnika Hahnelu swojeho mištra. Hišće do přestawki měještaj Hoßmang a Klippel dobrej móžnosći. Žana­ pak k wrotam njewjedźeše.

wozjewjene w: Sport
Prošu přizjewće so, chceće-li komentar podać

Serbska debata

nowostki LND