Wuspěšnje so wubědźowali

štwórtk, 24. septembera 2015
artikl hódnoćić
(0 )
Tereza Pöpelec z Chrósćic (srjedźa) je w lochkoatletiskim třiboju Budyskeho Serbskeho gymnazija ze 445 dypkami sensacionelny nowy rekord nastajiła. Druha najlěpša bě Terezija Rawšec z Łazka z 318 dypkami (naprawo), třeće městno wubědźi sej Budyšan Fridtjof Schade z 308 dypkami (nalěwo).  Foto: Měrko Korjeńk Tereza Pöpelec z Chrósćic (srjedźa) je w lochkoatletiskim třiboju Budyskeho Serbskeho gymnazija ze 445 dypkami sensacionelny nowy rekord nastajiła. Druha najlěpša bě Terezija Rawšec z Łazka z 318 dypkami (naprawo), třeće městno wubědźi sej Budyšan Fridtjof Schade z 308 dypkami (nalěwo). Foto: Měrko Korjeńk

Tereza Pöpelec z Chrósćic šulski rekord polěpšiła

Při suchim a zdźěla słónčnym wjedrje wotmě so wutoru tydźenja tradicionalne wubědźowanje Serbskeho gymnazija Budyšin­ (SGB) w lochkoatletice na Młynkec łuce. Šulerjo zwěsćichu swojich najlěpšich sportowcow w běhanju, dalo­koskoku, mjetanju bulika a kulostorku. Najprjedy wojowachu holcy a hólcy 5. do 8. lětnika wo najlěpše rezultaty. Fridjof Schade z rjadownje 8-2 docpě z 308 dypkami najlěpši wukon dopołdnja a třeći najlěpši cyłeje šule. Slědowaše sobušulerka Lea Krječmarjec, wurjadna koparka a volleyballistka, z 252 dypkami. Aktiwna běharka na srjedźne a dlěše distancy Larissa­ Měrćinkec z rjadownje 7-1 bě z 234 dypkami třeća najwuspěšniša našich młódšich sportowcow. Prjedy hač podachu so lětniki 5 do 8 domoj, wotmě so hišće woblubowany staflowy běh (stajnje štyri holcy a štyrjo hólcy z jedneje rjadownje) na 400 metrow.

wozjewjene w: Sport
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND