Prěni połčas hru rozsudźił

póndźela, 28. septembera 2015
artikl hódnoćić
(0 )
Hrajer a trenar Pavel Runt (čisło 17) wjeseli so z Michałom Młynkom (druhi wotlěwa), kiž je 1:0 a 2:0 za SJ Chrósćicy třělił. Foto: Clemens Šmit Hrajer a trenar Pavel Runt (čisło 17) wjeseli so z Michałom Młynkom (druhi wotlěwa), kiž je 1:0 a 2:0 za SJ Chrósćicy třělił. Foto: Clemens Šmit

SJ Chrósćicy

– Rakečanske ST 3:0 (3:0)

Zestawa domjacych: Králíček – Šiman, Cyž, Šafář (57. M. Zahrodnik), Schulze, Domaška, Runt (73. Šmit), Młynk (64. Budar), F. Zahrodnik, Žur, Věchet

Tež we wosmej hrě za sobu wostanje prěnje koparske mustwo Sportoweje jednotki Chrósćicy dale njeporažene. By-li to něchtó do sezony rjekł, drje njeby nichtó tak prawje do toho wěrił. Hižo 22 z móžnych 24 dypkow maja Chróšćenjo na konće a tabulku dale nawjeduja. Mustwo kaž tež nawodnistwo samej to tak prawje zapřimnyć njemóžetej.

Přiwšěm běše respekt před zestupnikom z Rakec wulki. 1:0 docpěchu domjacy w 7. min. po flance Runta, kotraž přizemi před wrotarjom hosći. Wrotarjej bul wotskoči a zleća k Młynkej, kiž jón z hrudźu do saka zbuksěrowa. Štwórć hodźiny pozdźišo móžeše hosćićel znowa wyskać. Runtowu flanku škitar přećiwnika hišće wothłójčkowa, bul pak zleća Młynkej před noze. A tón jón hnydom direktnje we wrotach zaměstni. Tak móžeše dale hić! Po róžku domjacych zhłójčkowa Cyž jenož na žerdź. W 37. min. poradźi so Radimej Věchetej 3:0, jědnate we wosmej hrě. Ze srjedźneho pola bě wón bul přihraty dóstał. Hnydom so zwjertny a startowaše energiski dribbling. Hačrunjež hnydom štyrjo škitarjo na nim torhachu, so wón přesadźi a bul z hłójčku nisko w prawym kuće zaměstni. Na stronje hosći so wjele naspomnjenjahódneho njesta.

Po přestawce Rakečenjo tróšku strašnišo nadběhowachu. Přeco zaso předrěwachu so do šěsnatki domjacych. Někotre razy zleća bul nimo wrotarja a defensiwy. Na domjacym boku jewjachu so hišće­ někotre mjeńše móžnosće, nadběhowarjomaj Žurej a Věchetej pak nochcychu so dalše wrota poradźić. Tak bě hra hižo w prěnim połčasu rozsudźena.

Za nowu sadźbu trikotow, w kotrychž su Chróšćanscy koparjo nastupili, so darićele­j, Wenclec firmje, wutrobnje dźakuj­a. Fabian Pöpel

wozjewjene w: Sport
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND