Kaž za čas dźědow a wowkow

wutora, 01. decembera 2015
artikl hódnoćić
(0 )
„Na tychle sanjach sym jako dźěćo sydała“, powěda Gerda Lehmann, kotraž bě je za wustajeńcu přewostajiła.  Foto: Heinz Hirschfeld „Na tychle sanjach sym jako dźěćo sydała“, powěda Gerda Lehmann, kotraž bě je za wustajeńcu přewostajiła. Foto: Heinz Hirschfeld

Łaz (AK/SN). Hórska hěta přeproša k zhrěću. Sněhaki a kije steja hnydom při sćěnje. Nad kachličkami wisaja pulowry, zo bychu schnyli. Pod ławku steja drjewjancy. „To ma sněhakowarska hěta być, kotrejež flair chcemy tule předstajić“, rjekny ­Weronika Sauer z předsydstwa spěchowanskeho towarstwa Zetkanišćo Dom Zejlerja a Smolerja. Hromadźe z Angeliku ­Hammerschmidt a Gabrielu Kno­thowu je wona lětušu adwentnu wustajeńcu „Zymski sport za čas dźědow a wowkow“ natwariła. Zawčerawšim, njedźelu, su přehladku wote­wrěli.

Dwaceći ludźi je sanki, sněhaki, wuhotowanje za lodohokej a dalše eksponaty wupožčiło. „Bjez nich njeby přehladka móžna była“, podšmórny Gabriela Kno­thowa. Nic pak jeno z wokolnych wsow su wobydlerjo z eksponatami pomhali. Karl Frank Gottfried Spruit z nižozemskeho Breukelena je swoje w 1930tych lětach we Łazu kupjene sněhaki přewo­stajił. „1921 je so wón we Łazu narodźił a 1934 ze swójbnymi do Nižozemskeje přećahnył“, rozłoži předsyda spěchowanskeho towarstwa Reinhardt Schneider. „Wón je wo našej wustajeńcy zhonił, na čož je jeho syn Peter sněhaki sem přiwjezł.“

wozjewjene w: Towarstwa
Prošu přizjewće so, chceće-li komentar podać

nawěšk

nowostki LND