Treningowe lěhwo wotpokazał

wutora, 22. decembera 2015
artikl hódnoćić
(0 )
Cédrick Mimbala w Choćebuzu hižo hrać njesmě.  Foto: Georg Zielonkowski Cédrick Mimbala w Choćebuzu hižo hrać njesmě. Foto: Georg Zielonkowski

Pola FC Energije Choćebuz je z dobrej tradiciju, zo jědu koparjo w zymskim času do ćoplišeho regiona, hdźež treningowe lěhwo přewjeduja.

W času přisłušnosće k zwjazkowej koparskej lize běchu hrajerjo FC Energije Choćebuz samo w Dubaiju. Něhdyši trenar Claus-Dieter Wollitz faworizowaše španisku kupu Malaga. Tež turkowska riviera běše cil za přihot na druhu połseriju.

W zymje 2015/2016 je nětko wšitko hinak, dokelž trenar Vasile Miriuta, jězbu na juh zasadnje wotpokazuje. „Sym z CFJ Cluj sydom dnjow w Beleku był, pjeć dnjow je so dešćowało. To móžu tu w Choćebuzu tež měć. Nimo toho je čas mjez poslednim hrajnym dnjom 2015 (19.12.) a zazběhom 2016 (23.01.) chětro krótki. Za jězbu tam a sem bychmy dyrbjeli dwaj kompletnej dnjej woprować. A hišće něšto: Za 50 000 eurow móžu třoch dobrych koparjow z Rumunskeje angažować. Wot nich mamy wjele wjace.“

wozjewjene w: Sport
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND