Henčl by rady hišće 17 dalšich dypkow měł

póndźela, 28. decembera 2015
artikl hódnoćić
(0 )
Wospjet njeje Tomaš Henčl (Budissa Budyšin) z rozsudom pobóčneho sudnika přezjedny. Hač je to z wukonom swojeho mustwa w prěnjej połseriji, čitaće w interviewje.  Foto: Torsten Zettl Wospjet njeje Tomaš Henčl (Budissa Budyšin) z rozsudom pobóčneho sudnika přezjedny. Hač je to z wukonom swojeho mustwa w prěnjej połseriji, čitaće w interviewje. Foto: Torsten Zettl

Z 23 dypkami steji regionalny koparski ligist Budissa Budyšin na dobrym srjedźopólnym městnje tabulki. Hanspeter Benad je so nětko w zymskej přestawce za Serbske Nowiny z trenarjom Tomašom Henčlom rozmołwjał.

Knježe Henčlo, kak spokojom sće z dotalnym wotrěznjenjom?

T. Henčl: Ličba dypkow a tež to, kak smy hrali, mje zwjesela. Z tróšku wjace rutinu wšak móhli hišće wjace dypkow měć. Z wuslědkom 1:1 pola Berlinskeho AK běch jara spokojom.

Widźiće koparjow z dorosta abo U23 Budissy­ Budyšin, kotřiž móhli skok do kolektiwa­ regionalneje ligi docpěć?

T. Henčl: Spontanje bych jenož Tonija Barnickela mjenować móhł.

Změjeće při- abo wotchady?

T. Henčl: Ně, wuchadźam z toho, zo so na kadrje ničo njezměni a zo póńdźemy bjez změnow do druheje połserije.

W zašłych hrach sće wjacore dypki krótko do kónca partije přećiwnikej darili. Na čim je to zaležało?

T. Henčl: Zo smy wólne kopy, kotrež su skónčnje k wrotam wjedli, dowolili, bě zawěsće sćěh pobrachowaceje koncetracije. Dyrbju pak tež rjec, zo běchu wólne kopy druhdy tež z trochu zbožom přetworjene.

wozjewjene w: Sport
Prošu přizjewće so, chceće-li komentar podać

Serbska debata

nowostki LND