Chróšćenjo trójce dobyli

wutora, 05. januara 2016
artikl hódnoćić
(0 )
Klemens Neter (srjedźa při bulu) wot młodźiny D Sokoła Ralbicy/Hórki spyta so tu hnydom přećiwo dwěmaj koparjomaj Njebjelčanskeje SJ přesadźić. Wuspěch w tutej hrajnej situaciji je za Ralbičana bjezwuhladny.  Foto: Jörg Stephan Klemens Neter (srjedźa při bulu) wot młodźiny D Sokoła Ralbicy/Hórki spyta so tu hnydom přećiwo dwěmaj koparjomaj Njebjelčanskeje SJ přesadźić. Wuspěch w tutej hrajnej situaciji je za Ralbičana bjezwuhladny. Foto: Jörg Stephan

Halowy koparski turněr za dorostowe mustwa

Je hižo z tradiciju, zo wuhotuje Sokoł Ralbicy/Hórki mjez hodami a Nowym lětom halowe koparske turněry za serbske dorostowe mustwa. Tež tónkróć dóstachu znowa SJ Chrósćicy, ST Radwor, SJ Njebjelčicy a ST Marijina hwězda přeprošenje za wubědźowanja młodźiny F, E a D.

28. decembra zetkachu so w dźewjećich najprjedy najmłódši koparjo. Bambinije Sokoła a SJ Njebjelčicy přewjedźechu w hali přećelsku hru, kotraž skónči so 0:0. Po tym zahwizda sudnik Kilian Hrjehor z Róžanta prěnju partiju F-juniorow. Tam nastupichu dwě Njebjelčanskej, dwě Ralbičanskej a jedne Chróšćanske mustwo, kotrež prěni turněr zhromadnje z Ralbičanskim cyłkom doby, wšako měještej wobaj dźesać dypkow a wrotowy poměr 8:2. Kaž je w Ralbicach z wašnjom, njedósta dobyćer pokal, ale słódkosć. Štóž so prócowaše, wulce njehóršeše a fairnje wojowaše, dósta porno tomu medalju. A dokelž serbscy koparjo tele hódnoty wobkedźbowachu, dźěše na kóncu kóždy z medalju domoj – tež wšitcy koparjo młodźiny E a D.

wozjewjene w: Sport
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND