Furiozny hrajny dźeń z dwojimaj dobyćomaj

srjeda, 10. februara 2016
artikl hódnoćić
(0 )
Nimale kompletna šěstka Worklečanskich volleyballistow je tu na wobrazu widźeć. Z čisłom 12 Milan Budar, 22 Jurij Lipič, 9 Ludwig Eckert, 1 Clemens Eckert a  4 Stefan Gedik. Foto: Jörg Stephan Nimale kompletna šěstka Worklečanskich volleyballistow je tu na wobrazu widźeć. Z čisłom 12 Milan Budar, 22 Jurij Lipič, 9 Ludwig Eckert, 1 Clemens Eckert a 4 Stefan Gedik. Foto: Jörg Stephan

Jako halowy rěčnik Roman Hajnk po zwučenym wašnju Worklečanskich volleyballistow předstaji, so tróšku časa miny. K prěnjemu razej w tutej sezonje běchu mjenujcy wšitcy akterojo přitomni – tež Clemens Eckert, kiž bě zaso raz do domizny přichwatał. To běše tež wažne, wšako chcychu Worklečenjo z wuspěchomaj zwisk k načolnikej z Kupoje dźeržeć a sej hišće minimalnu šansu na mišterstwo wobchować. Do Worklec běštej tón dźeń posledni tabulki z Mittelherwigsdorfa a třeći z Kundraćic přijěłoj.

Viktoria Worklecy – Traktor Mittelherwigsdorf 3:0 (25:13, 25:14, 25:16)

Prěnja hra njeby směła poprawom k wulkim problemam wjesć, w předehrě pak Worklečenjo přećiwo Mittelherwigsdorfej najlěpši wukon njepokazachu. Tuž běchu warnowani a hnydom z najlěpšej šěstku započachu, zo njebychu žane nje­trjebawše dypki zhubili. To so tež poradźi. Fanam pokazachu najrjeńši volleyball. Čiste přiwzaća, precizne přihrawki a sylne nadběhi postarachu so wo spěšny předskok. Tak dóstachu hrajerjo na ławce hižo zahe swoju šansu.

wozjewjene w: Sport
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND