Derby jasnje za sebje rozsudźili

wutora, 15. měrca 2016
artikl hódnoćić
(0 )
Franc Winar (naprawo) postara so za Radwor wo spěšne wurunanje.  Foto: Werner Müller Franc Winar (naprawo) postara so za Radwor wo spěšne wurunanje. Foto: Werner Müller

ST 1922 Radwor

– ST Mały Wjelkow 8:1 (1:1)

Zestawa domjacych: Wróbl – Sćapan, Henke, Handrik, Zähr, von Karwin, Šram, Šěrak (78. Mark), Buša (66. Paška), Winar, Abdullah (46. Schulze)

Koparjo z Małeho Wjelkowa steja z aktualnje 15 dypkami na poslednim městnje tabulki. Hra wšak započa so cyle po jich předstawje. Radworski škit drje hišće cyle na trawniku njeběše, jako bu nadběhowar Wendt derje posłuženy a bjez problemow k 0:1 zasuny. Wotmołwa njeje dołho na so čakać dała. Winar bě sej ze Šramom bul derje přihrał a steješe nadobo sam před wrotarjom. Tam zymnokrejnje do dołheho kuta k 1:1 (9.) přetwori. Wobaj cyłkaj nochcyštej sej ničo darić. W 16. min. bu Buša wot přećiwnika storčeny. Sudnik pokaza Małowjelkowčanej čerwjenu kartu. W času hač do přestawki mějachu Radworčenjo wjacore móžnosće, nawjedowanje docpěć. Dwoje wrota Abdulleh sudnik nimohry dla wotpokaza, a třělwa Šěraka prasny jenož do žerdźe. Hosćo skedźbnichu na so jeničce přez standardy blisko wrotow.

wozjewjene w: Sport
Prošu přizjewće so, chceće-li komentar podać

Serbska debata

nowostki LND