„Sym Serb a w Domowinje“

srjeda, 23. měrca 2016
artikl hódnoćić
(0 )
Krajny rada Sprjewje-Nysy Harald Altekrüger njeje k delegatam jenož jako politikar na hłownej zhromadźinje rěčał, ale tež jako čłon Domowiny.  Foto: Horst Adam Krajny rada Sprjewje-Nysy Harald Altekrüger njeje k delegatam jenož jako politikar na hłownej zhromadźinje rěčał, ale tež jako čłon Domowiny. Foto: Horst Adam

Tele słowa w nadpismje słyšachu delegaća a hosćo 25. hłowneje zhromadźizny Domowinskeje župy Delnja Łužica w Źiwizach (Siewisch) we wokrjesu Sprjewja-Nysa z erta tamnišeho krajneho rady Haralda­ Altekrügera (CDU). To bě jasne a zjawne wuznaće k serbskosći a k tomu w serbskej rěči. Potwjerdźił je to z tym, zo běše jeho wowka w serbskej burskej drasće chodźiła a zo bě wona hišće serbsce rěčała. Za to dósta wón sylny přiklesk.

Harald Altekrüger njeje so na hłownej zhromadźiznje jenož jako hósć a komunalny politikar wobdźělił, ale zdobom jako delegat. Wšako je wón čłon Spěchowanskeho towarstwa za Drjowkowsku Serbsku tkalčernju, kotrež słuša do župy Delnja Łužica. Z cyłkownje 2 282 čłonow župy, kotřiž přisłušeja 40 Domowinskim skupinam a 22 towarstwam, stej něhdźe dwě třećinje doma we wokrjesu Sprjewja-Nysa, štož je wulka towaršnostna móc, wón podšmórny a přistaji, zo by so někotrežkuli zjednoćenstwo wjeseliło, by-li telko čłonow měło.

wozjewjene w: Towarstwa
Prošu přizjewće so, chceće-li komentar podać

nawěšk

nowostki LND