Budyska pěstowarnja na olympiadźe najlěpša była

srjeda, 01. junija 2016
artikl hódnoćić
(0 )
Po 9 předkołach je so kónc meje finale wokrjesneje olympiady pěstowarnjow přewjedło. 127dźěćacych kubłanišćow, je so wobdźěliło.  Foto: Cornelius Tittel Po 9 předkołach je so kónc meje finale wokrjesneje olympiady pěstowarnjow přewjedło. 127dźěćacych kubłanišćow, je so wobdźěliło. Foto: Cornelius Tittel

Najbóle sportowske dźěćace dnjowe přebywanišćo wokrjesa Budyšin lětsa je Budyska pěstowarnja „Benjamin Blümchen“. Po dźewjeć předkołach doby wona finale wokrjesneje olympiady. 127 pěstowarnjow, telko kaž hišće ženje, bě namołwu so na wurisanjach wobdźělić, sćěhowało. Za wulke finale w Budyšinje kwalifikowaše so 20 kubłanišćow. W sportowej hali na Třělnišću běchu wjacore komplikowane stacije natwarjene. Njeje tuž zadźiwało, zo běchu wuslědki přeco snadne. Při mytowanju dobyćerjow pomhaštej maskotce wokrjesneho sportoweho zwjazka Oly a Pia. Kóžde dźěćo dósta medalju, kóžde mustwo wopismo a dobyćer přidatnje pokal. Slěbornu medalju wubědźichu sej dźěći z Dobruše a bronzowu dźěći z Ramnowa, kotrež słušachu jako zakitowar pokala k faworitam. Mytowanje přewzaštaj Budyski wyši měšćanosta Alexander Ahrens (njestronjan) a čłon prezidija wokrjesneho sportoweho zwjazka Dietmar Stange.

Zaměstnjenja prěnich třoch:

1. pěstowarnja „Benjamin Blümchen“ Budyšin

2. ASB-pěstowarnja „Erfindergarten“ Słónkecy (Schlungwitz)

3. pěstowarnja „Spatzennest“ Ramnow

wozjewjene w: Sport
Prošu přizjewće so, chceće-li komentar podać

Serbska debata

nowostki LND