Dypk bjeze wšeho móžny był

póndźela, 29. awgusta 2016
artikl hódnoćić
(0 )

Fortuna Trjebin – SJ Chrósćicy 3:1 (1:0)

Zestawa hosći: Králíček – Dórnik (80. J. Bogusz), Cyž, Šafář, Gries (72. Młynk), Henčl, Runt, Sentivan, Špitank, Domaška, Šmit (46. Šiman)

Srjedźna přećiwo Hornjej Łužicy – tak abo podobnje hodźi so rozprawa wčerawšeje hry koparjow Chróšćanskeje SJ zahajić. Při horcych temperaturach nastupichu woni pola Fortuny w Trjebinje, hdźež čakaše na nich wulkotny sportowy areal, sponserowany wot koncerna Vattenfall.

Prěni strašny wólny kop słušeše hosćom, wosta pak bjez wunoška. Lěpje sčinichu to w 7. min. pozdźišo domjacy. Flanka z praweho boka docpě De Souzu, kiž bul k nawjedowanju do saka zhłójčkowa. Hač do połčasa wobaj cyłkaj njepřestajnje nadběhowaštej. Jenički rozdźěl bě, zo měješe hosćićel wjace přihrawkow a wjele wjace třělwow na wrota. Chróšćenjo dowolichu sej w defensiwje přewjele zmylkow, na zbožo pak njebuchu chłostani.

Najwjetšu móžnosć w prěnim połčasu měješe nowopřichad Gries. Bu do ruma pósłany, přeběža wrotarja, z wótreho kuta pak njezamó přetworić.

wozjewjene w: Sport
Prošu přizjewće so, chceće-li komentar podać

Serbska debata

nowostki LND