FSV Budissa Budyšin – FSV 63 Luckenwalde 2:2 (0:1)

Zestawa domjacych: Wohlfeld – Kolan (73. Hänsch), Klippel, Patka, Heppner, Pfanne, Hoßmang, Milde, Müller (46. Šisler), Salewski, Němec

400 přihladowarjow je minjenu njedźelu na Budysku Młynkec łuku přišło, zo by druhe dobyće koparjow Budissy w hrajnej dobje 2016/2017 dožiwiło. Wobaj cyłkaj měještej do hry jeno štyri dypki na konće. Přiwisnicy Budissy swoje mustwo přez cyły čas pohonjachu. Wone započa tež hnydom z porjadnym ćišćom a nadźěła sej dobrej móžnosći přez Paula Mildu (2.) a Josefa Němeca (10.). Njemóžeštaj pak k wrotam přetworić. Hosćo sčinichu to lěpje, a Steve Müller trjechi k nawjedowanju (16.). Hač do přestawki spytachu domjacy wšitko, wrota pak so jim njeporadźichu.