Tereza Pöpelec z Chrósćic bě ze 414 dypkami najlěpša sportowča

Při suchim a zdźěla słónčnym wjedrje skónči so do nazymskich prózdnin tradicionelne wubědźowanje Serbskeho gymnazija Budyšin (SGB) w lochkoatletice na Młynkec łuce z wurjadnymi rezultatami. Tak docpěchu 36 šulerjow w třiboju (běh, dalokoskok, mjetanje bulika abo kulostork) wjace hač 200 dypkow, štož je nowy rekord. K přirunanju ze šulskim sportom wotpowěduja 180 dypkow cenzurje „jedynka“.