Hannover (B/SN), Katolikojo wopominaja swojich zemrětych na Wšěch swjatych a Chudych duši, ewangelscy wěriwi smjertnu njedźelu. Smjertnu njedźelu swjeća w Němskej a w Šwicarskej stajnje poslednju njedźelu cyrkwinskeho lěta a do prěnjeje adwentneje njedźele. Je to měrny swjaty dźeń, na kotrymž njejsu wot 3 do 24 hodź. reje a partyje dowolene. Pruski kral Friedrich Wilhelm III. bě tónle swjaty dźeń 1816 zawjedł.

Wěra w hinduizmje

New-Delhi (B/SN). W hinduizmje, kiž je něhdźe 1 200 před Chrystusom w Indiskej nastał, su wšelake nabožne systemy zjednoćene. Wobydlerjo wěrja, zo wobsteji čłowjek z pjeć elementow: wohenja, wody, powětra, zemje a ruma a zo so znowa narodźi. Kóžde stworjenje ma njesmjertnu dušu we wěčnym žiwjenju. Zo by wona z ćěła wustupić móhła, rozbija nop a spala ćěło.

Swoboda wohrožena