Nowy započatk wopominali

Nowy započatk wopominali ^poručenje

póndźela, 11. meje 2015

696

E-Paper: Serbske Nowiny 89

artikl hódnoćić

(0 )

wulkosć pisma Schriftgröße verkleinern Schrift vergrößern

Wjace zajima su zastupjerjo župy „Michał Hórnik“ k wopominanju 70. róčnicy znowazałoženja Domowiny zawěsće woča kowali. Přitomnym bě na kóždy pad wažnosć wokomika wědoma a wědźachu, čehodla tam běchu. Škoda, zo njejsu so šulerjo a młodźina we wjetšej ličbje pokazali. Přiwšěm bě to hódne zarjadowanje z jimacymi a jasnymi słowami předsydy Domowiny Dawida Statnika. Foto: Feliks Haza, Gregor Wieczorek

W meji 1945 bu w Chrósćicach Domowina znowa załožena

Chrósćicy (SN/JK). Dźeń wuswobodźenja – dobra składnosć tež wróćo zhladować na nowy započatk, kotryž njeby bjez skónčenja wójny 8.meje 1945 móžny był.

Pjatk wječor spominaše něhdźe 60 ludźi z Chrósćic a wokoliny před Wjeselic statokom na znowazałoženje Domowiny před 70 lětami. Zastupowaca županka župy „Michał Hórnik“ Zala Cyžowa witaše přitomnych a předsydu Domowiny, Dawida Statnika. Šulerjo Chrósčanskeje zakładneje šule zanjesechu k zahajenju krótki program ze spěwami a basnjemi.