Tabulka dorosta WFV

młodźina C, wokrjesna liga stafla 1

1. HZ Němske Pazlicy/ST Běła/Cunnersdorf/Hlinowski SC  11 34 : 21 25

2. HZ Ramnow/Bretnig-H. 9 48 : 20 20

3. HZ Bukecy/ST Kubšicy 9 39 : 20 14

4. HZ W. Dubrawa/Radwor 10 20 : 26 13

5.  HZ Sokoł Ralbicy/Hórki/SJ Chrósćicy/SJ Njebjelčicy 11 20 : 37 13

6. HZ Concordia Załom/TSV Wjernarjecy/TSV Wjazońca 11 19 : 40 12

7. HZ Porchow/Biskopicy II 10 14 : 20 9

8. HZ ST Horni kraj Sprjewja/ST Hnašecy-Dobruša 9 21 : 31 9

Wolejbulowy turněr

Sportowe towarstwo Marijina hwězda přeprošuje wolejbulistki a wolejbulistow mjez hodami a Nowym lětom na tra­dicionalny wolejbulowy turněr, kotryž wot­měje so jutře wot 13 hodź. w Pan­čičan­sko-Kukow­skej sportowej hali. Přizjewjenja su jenož hišće­ dźensa pola Jaku­ba Langi móžne, a to pod tele­fo­no­wym čis­łom 0176 / 30 56 52 65.

Halowa kopańca we Worklecach

29. raz zetkaja so póndźelu, 30. decembra, wjesne koparske mustwa we Worklečanskej sportowej hali, zo bychu wo pokal wjesneje a gmejnskeje skupiny CDU hrali. Wo trofeju kopać budźe znowa dźesać cyłkow, a to z Pěskec, Smječkec, Noweje Wjeski, Worklec, Pančic-Kukowa, Róžanta, Chrósćic a Serbskich Pazlic. Turněr započnje so w 13 hodź., dobyćerjow mytować chcedźa w 17.30 hodź.

Blidotenisowy turněr

Pjatk, 3. januara, wot 18.30 hodź. přewjedu w Kulowskej małej sportowej hali blidotenisowy turněr sportowcow DJK Ludowy sport. Přeprošeni su na njón wšitcy aktiwni kaž tež njeaktiwni hrajerjo wokolnych wsow. Mytowanje dobyćerjow budźe wokoło 22.30 hodź.

Přewjedu zymski Kulow-cup

Wokrjesna klasa mužojo – Budyšin-wuchod

1. ST Marijina hwězda 8 13 :5  12

2. Sokolnik Wjazońca 4 8 :1  8

3. SZ Budyšin sewjer 6 9 :5  8

4. MSV Budyšin 06 IV 6 9 :5  8

5. ST Hnašecy-Dobruša 8 9 :8  8

6. Šumbachske VV 6 4 :8  4

7. ST Chróstawa 6 0 :12  0

8. Sokoł Budyšin 4 0 :8  0

Krótko do hód smědźa so wolejbulisća ST Marijineje hwězdy wjeselić. Z wosom hrow su woni šěsć dobyli a steja nětko na čole tabulki wokrjesneje klasy Budyšin-wuchod.

Započała bě so sezona za Pančičanow w oktobrje z měšanym wukóncom. Na prěnim hrajnym dnju doma wjeselachu so najprjedy z dobyća nad Chróstawu. Hačrunjež wobsteji tamniše mustwo z přewažnje młodych, agilnych hrajerjow, njeje so wone w lětušej sezonje derje­ prezentowało. Chróstawčenjo njejsu, po lońšim druhim městnje, dotal ani hišće jónu dobyli. Dalši přećiwnik domjaceho hrajneho dnja, ST Sokolnik Wjazońca, wopokaza so znowa jako sylny konkurent wo načolne městna tabulki a Pančičanskich wolejbulistow jasnje porazy (10:25/18:25). Z tajkim bolostnym wuslědkom woni ličili njeběchu.

„Rumpodicho, luby naš, praj hdźe wulki měch ty maš, połny ...“. Tele słowa drje budu jutře wječor w mnohich swójbach słyšeć, hdyž steja dźěći před brodačom a wočakuja najrjeńše dary­. Haj, kelko z nich budźe tež tych prawych? Překwapjenja na kóždy pad zaso budu. A hižo sym so dóstał wot powšitkowneje tematiki k tematice sporta-překwapjenja. Tajkich drje bychu so koparjo a předewšěm fanojo Dynama Drježdźany rady wzdali. Hačrunjež je adwentny a hodowny čas swěčkow, čerwjena latarnčka by so runjež druhdźe swěćić móhła. Ćežki to puć k zachowanju klasy a makaberny tróšt, zo widźimy klětu snano wšitke hry live w 3. lize. Fakt wostanje tón, zo ma Dyna­mo cyle jednorje přemało dypkow, a prašam so kaž mnozy druzy: Čehodla njejsu do spočatka sezony k dispoziciji stejace pjenjezy za nowych hrajerjow inwe­stowali? Na to wšak móže najskerje jenož Ralf Minge wotmołwić. Kak dołho drje budźe wón hišće na čole Drježdźanskeho koparskeho kluba?