Team Handrija Šewca (naprawo) doby sobotu we Worklečanskej ćěłozwučowarni 8. koparski turněr rjemjeslnikow a podpěraćelow ST Viktorije Worklecy. Tu přepodawa wjesnjanosta Franc Brusk (CDU), kapitanej Šewcec elektrofirmy, Renejej Zyndźe, dobyćerske wopismo. Wobdźělili su so štyri cyłki. Foto: Clemens Šmit

20. volleyballowa sezona zakónčena

wutora, 12. apryla 2016 spisane wot:
K poslednjemu hrajnemu dnjej bě An­drzej Michaluk mustwa we wokrjesnej klasy stafla sewjer powitał. Na kóncu hrow 20. volleyballowych wokrjesnych mišterstwow w stafli sewjer přewzaštaj Torsten Kilz, předsyda sportoweho zwjazka Łužiska jězorina, a Andrzej Michaluk, 20 lět staflowy nawoda, mytowanje. Andrzej Michaluk přitomnym sportowcam zdźěli, zo wukonja hišće dalše lěto funkciju stafloweho nawody a po tym zamołwitosć do młódšich rukow da. 20. mišterstwo doby cyłk SC Wojerecy před volleyballowymi přećelemi třećeho mustwa Módro-běłych Wojerecy a cyłkom OSSV Kamjenc. Na pozicijach 4 do 7 sćěhowachu ST Kupoj/Nowa Łuka III, ST Viktoria Worklecy II, Volleyballowi přećeljo Módro-běłych Wojerecy IV a Volleyballowi přećeljo Módro-běłych Wojerecy V. Finalna hra mjez dobyćerjom stafle sewjer a dobyćerjom stafle wuchod budźe lětsa w Budyšinje. Termin a městnosć so sčasom wozjewitej. Werner Müller

Křesćan Bejmak hru rozsudźił

wutora, 12. apryla 2016 spisane wot:

Sokoł Ralbicy/Hórki II

– FSV Šćeńca 1956 6:1 (1:1)

Zestawa Sokoła: Cyž – Bogusz, Měškank (60. Krawc), Zynda, Matka, Rawš (46. Kurjat), Młynk, Čornak, Jakubaš, Bejmak, Kobalc

Přećiwo poslednjemu tabulki chcychu Sokoljo wězo dobyć a tak wotstawk powjetšić. Zestawa mustwa běše so znowa změniła. Z Młynkom, Rawšom, Bejmakom a nazhonitym Jakubašom mějachu pak Ralbičenjo dosć dobrych ofensiwnych hrajerjow. Z napřećiwnym wětřikom měješe hosćićel najprjedy swoju lubu nuzu a dyrbješe samo přećiwniske wrota přijimować. W hrajnym natwarje so bul zhubi a nastatu dźěru w škiće hosćo zymnokrejnje wužichu (12.). Wotmołwa pak njeda dołho na so čakać. Młynk posłuži z krasnej přihrawku Bejmaka, kotryž přeběža a nisko k 1:1 přetwori (17.). Dalše wrota wón zapasy, jako chcyše na Jakubaša wothrać, tola to běše wopačny rozsud. Z dobreje pozicije dyrbješe njesebičnje sam wotzamknyć (39.). Jakubaš drje docpě krótko do połčasa rjane wrota z pjatu, tola pobóčna sudniča spózna nimohru.

Sprawne dźělenje dypkow

wutora, 12. apryla 2016 spisane wot:

SV Hnašecy/Dobruša

– Sokoł Ralbicy/Hórki 1:1 (1:0)

Zestawa hosći: Gloxyn – Matka, S. Bjeńš, B. Bjeńš, Korjeńk, Šewc, Wałda (46. Lulak), Šołta, Bejmak, Domaška, G. Kurjat (71. M. Kurjat)

Wonkownu hru dobyli

póndźela, 11. apryla 2016 spisane wot:

ST Módró-běli Njeswačidło

– Sokoł Ralbicy/Hórki II 0:1 (0:1)

Zestawa hosći: Cyž – M. Matka, Bjeńš, Bogusz, Kobalc, Zynda, Krawc, Čornak, Šrajer, Šwejda, J. Matka

19. raz su volleyballisća Žołto-módrych Kulow sobotu wječor wot sedmich do njedźele ranja napoł třoch w Kulowje nócny volleyballowy turněr wuhrali. 16 cyłkow bě so wobdźěliło. Tež tójšto serbskich hrajerjow a hrajerkow je sobu hrało. Dobyło je mustwo Suwarjow po trawniku. Na lěwym wobrazu widźimy wotlěwa Dianu Šołćinu a Tomaša Šołtu, na foće srjedźa Marka Dźisławka (při bulu) a Ingolfa Rachelu a na wobrazu naprawo blok Brěškowskeho hrajerja Günthera Retschela. Foto: Jörg Stephan

Sylny druhi połčas hosći

póndźela, 11. apryla 2016 spisane wot:

ST Hnašecy/Dobruša II

– ST 1922 Radwor 1:4 (0:1)

Zestawa hosći: Bauer – Henke, Buša, B. Sćapan, Šram (84. P. Sćapan), von Karwin, Nuk, Zähr, Wjenka (69. Schulze), Abdullah­ Omran, Winar

Kaž hižo tydźenja falowaše pola hosći Wróbl we wrotach. Šěrak, zastupjer Wróbla, běše sej zašły tydźeń ruku złamał, a tuž přewza Bauer funkciju wrotarja. Hišće­ do hrě namołwješe trenar Pětr Bejmak­ swojich chowancow, zo bychu wosebje z niskimi třělwami a spěšnymi nadběhami wotzamknjenje pytali. To pak so hosćom spočatnje njezešlachći. Domjacy stejachu jara wysoko, zdźěla zakitowachu­ jenož něšto metrow wot srjedźneje linije zdaleni. Jako Radwor­čenjo to pytnychu, wusměrichu hru hłownje na dołhe a diagonalne bule přez křidła. Tak wuhrachu sej tež spěšnje wjacore­ strašne nadběhi. Dwójce Winar a jónu Nuk sadźichu bul snadnje na łatu. Při­wšěm pak běchu nadběhi Radworskich hrajerjow cyłkownje přesłabe. W 41. min nasta potom skónčnje jónu dobry nadběh, kotryž bu hač do kónca wuhraty. Buša pósła z dołhim bulom Winarja­, tutón přinjese bul z hłowu na wrota, a nadobo w klětce domjacych zaklinka­.

Z wulkej nuzu dobyli

póndźela, 11. apryla 2016 spisane wot:

SJ Chrósćicy

– ST Kinspork/Łužnica 3:1 (0:1)

Zestawa domajcych: Králíček – Bětnar, Cyž, Šiman, Dórnik, Dehn (76. Pöpel), Schulze, Młynk (61. Kunze), Domaška, Šmit (43. Věchet), Šafář

Přećiwo hłuboko stejacym hosćom z Kin­sporka/Łužnicy měješe cyłk Sportoweje jednotki Chrósćicy swoju lubu nuzu, sej tři dypki doma zdźeržeć. Derje organizowani hosćo při nadběhach do­mjacych jenož mało dowolichu. Wina na tym pak běše hustohdy njekoncentro­wanosć při přihrawkach a w dwubojach kaž tež mało hibanja bjez bula. Tak so hižo­ někotre razy w srjedźnym polu bul zhubi. Přiwšěm pak mějachu prěnju stoprocentowsku­ šansu. Po wótrym kopje Schulza smykny Šafář­ wotplacnjeny bul wrotarja něšto metrow wyše saka. Hosćo sčinichu to ze swójskim­ nadběhom lěpje. Zamjet, Chróš­ćenjo dachu hrajerja jednorje běžeć, wón wotpołoži hrajny nastroj sobuhrajerjej, kotryž zymnokrejnje Králíčeka přewiny (45.). Nawjedowanje hosći běše konsekwenca lochkomyslnosće domjacych.

Widźał, słyšał, napisał (11.04.16)

póndźela, 11. apryla 2016 spisane wot:
Awtor dźensa Křesćan Korjeńk

„Hišće jónu, hišće raz widźeć jeju wóčkow kras´ a škleńčku wupić na strowje, kaž ...“, tele słowa Muskeho chóra Delany drje wjetšina z was čitarjow derje znaje a zwěrju sej twjerdźić, zo je spěw po słowach Jurja Šěna zdawna hymna spěwarjow. Spěwarjow-sportowcow drje je w tutym cyłku tež někotrych, najskerje nic w tak bohatej ličbje. A tola sej někotryžkuli z nich, z dynamowcow, praji tak „Hišće jónu, hišće raz“, a potom wupijemy sej škleńčku na postup do druheje koparskeje ligi Němskeje. Po sobotnej hrě so cyle wěsće mnozy prašachu, čeho­dla nic hižo dźensa. Fantastiski publikum, rjane wjedro a přećiwnik bjez starosćow, z trenarjom, pochadźacym z Drježdźan – postup perfektny? Ně, nažel tomu teoretisce tak njebě, hačrunjež je wšo dwělowanje ryzy teorija. Pjatnaće dypkow předskoka a super wrotowy poměr, što měło so tu hišće stać? Tola swjedźenja njebě, a tuž hišće raz wšě mocy koncentrować na hru w Magdeburgu. Abo chcedźa dynamowcy hakle tydźeń pozdźišo ze swojim přiwiskom postup swjećić?

Wuslědki (11.04.16)

póndźela, 11. apryla 2016 spisane wot:

Wokrjesna wyša koparska liga

Połčnica – Wjelećin3:2 (1:1)

Kumwałd – Kulow1:4 (1:3)

Hnašecy – Ralbicy/Hórki 1:1 (1:0)

Póst Budyšin – Rakecy 3:1 (1:0)

Großröhrsdorf – Ramnow  4:3 (3:0)

Bukecy – Ćisk5:2 (3:1)

Chrósćicy – Kinspork3:1 (0:1)

1. Chrósćicy 25 60  : 21 60

2. Großröhrsdorf 25 67  : 41 49

3. Hory 24 60  : 24 46

4. Ralbicy/Hórki 24 59  : 25 45

5. Rakecy 25 49  : 40 39

6. Kumwałd 24 62  : 49 37

7. Póst Budyšin 25 55  : 47 37

8. Hnašecy 23 47  : 32 34

9. Połčnica 23 41  : 41 34

10. Ćisk 25 52  : 53 34

11. Ramnow  25 50  : 60 33

12. Kulow 24 45  : 40 28

Wokrjesna liga, stafla II

Hórnikecy – Ćisk II2:0 (0:0)

Njeswačidło – Ralbicy/Hórki II 0:1 (0:1)

Nowe Město II – Wětnica/Hola 5:1 (2:1)

Wojerecy 1919 – Bluń 7:0 (1:0)

1. Wojerecy 1919 20 61  : 17 45

2. Rakecy II 21 54  : 17 44

3. FC Łužica 20 39  : 21 37

4. Nowe Město II 19 71  : 33 33

5. Hórnikecy 21 39  : 37 32

nawěšk

SERBSKE NOWINY podpěruja:

Novi Sad – kulturna stolica Europy

nowostki LND