Tónraz jenož njerozsudnje

štwórtk, 17. měrca 2016 spisane wot:

ST Ćisk

– SJ Chrósćicy 2:2 (1:0)

Zestawa hosći: Králíček – Pöpel, Bětnar, Šafář, Dórnik, Kunze (76. Młynk), Runt, Zahrodnik, Dehn, Domaška, Žur (90. Budar)

SJ Chrósćicy ma nowe předsydstwo

štwórtk, 17. měrca 2016 spisane wot:

Minjeny pjatk wotmě Sportowa jednotka Chrósćicy swoju hłownu zhromadźiznu w „Jednoće“. Spočatnje rozprawješe jednaćel Tadej Cyž wo tučasnym połoženju towarstwa. Sportowa jednotka ma ně­hdźe 100 čłonow a čłonkow. Dwě třećinje z nich su aktiwni w sekciji młodźina a dźěći­. Chróšćanska SJ rozrjaduje so do dweju koparskeju mustwow na polu muži a wjacorych zastupnistwow młodźiny. Dale přisłušatej jednotce tež wolejbulowa a lochkoatletiska sekcija. W fokusu dźěła předsydstwa bě w minjenych lětach a je tež aktualnje prěnje koparske mustwo, Cyž podšmórny.

Pokładnik Ronny Škoda rozprawješe wo financach jednotki w minjenych třoch lětach. Wosebje w lětomaj 2013 a 2015 registrowaše Škoda postup dochodow, štož wosebje z tym zwisuje, dokelž wotmě so w mjenowanymaj lětomaj Mjezynarodny folklorny festiwal „Łužica“. Přidatne dochody ma sportowe towarstwo na festiwalu mjez druhim z předawanja napojow.

Hladajo na financy bě Hana Grutcyna dale wšitke wudawki kaž tež knihowanja na a z konta towarstwa hač do lěta 2013 přehladała. Wona wobkrući prawosć financneje­ bilancy pokładnika Škody.

Domaška šěsć razow do wrotow trjechił

srjeda, 16. měrca 2016 spisane wot:

Sokoł Ralbicy/Hórki

– FSV Łuty 8:2 (4:0)

Zestawa domjacych: Gloxyn – Matka, B. Bjeńš, Schultz, Korjeńk, Wałda (63. M. Kurjat), Šewc, S. Bjeńš, Bejma, G. Kurjat, Domaška

Ralbičanski stadionowy rěčnik so njedźelu zawěsće wjeseleše, zo njetrjebaše při mikrofonje stać, dokelž hrajachu delanscy koparjo na twjerdym hrajnišću. By-li wón mjenujcy přihladowarjam najwažniše informacije posrědkować měł, by so wón bóle poćił hač někotryžkuli hrajer. Z hosćom bě w Delanach posledni tabulki z Łutow. Přećiwnik započa spěšnje a běše w prěnich dźesać mjeńšinach tež lěpši. Po tym pak domjacy pokazachu, zo steja zasłužbnje na štwórtym městnje tabulki, a wuhrachu sej z rjanymi kombinacijemi šansu po šansy. Prěnje tři dobre składnosće hišće njewužichu, po dołhim zamjeće pak steješe Gabriel Kurjat samlutki před wrotami a wěsće k nawjedowanju přetwori (27.). Nětko bě so suk torhnył a Łutowčenjo njemějachu w prěnim połčasu žanu składnosć wjac. Tři z mnohich dobrych móžnosćow Pětr Domaška hišće wuži (32., 36. a 43.) a z hattrickom na 4:0 zwyši.

Wuslědki (16.03.16)

srjeda, 16. měrca 2016 spisane wot:

Wokrjesna wyša koparska liga

Kulow – Bukecy2:3 (1:2)

Wachau – Póst Budyšin 1:1 (1:1)

Ćisk – Chrósćicy2:2 (1:0)

Hnašecy – Kumwałd0:2 (0:0)

Hory – Großröhrsdorf 2:2 (1:2)

Ramnow – Kinspork1:1 (0:0)

Wjelećin – Rakecy2:1 (1:1)

Ralbicy/Hórki – Łuty8:2 (4:0)

1. Chrósćicy 22 51  : 19 53

2. Hory 22 56  : 21 43

3. Großröhrsdorf 22 61  : 35 43

4. Ralbicy/Hórki 22 55  : 23 41

5. Kumwałd 21 57  : 38 37

6. Rakecy 22 42  : 35 35

7. Ramnow  22 47  : 47 33

8. Póst Budyšin 22 48  : 45 31

9. Hnašecy 21 44  : 30 30

10. Ćisk 22 46  : 48 28

11. Połčnica 21 34  : 36 28

12. Kinspork 22 42  : 41 23

13. Kulow 22 36  : 39 22

14. Bukecy 21 26  : 57 17

15. Wjelećin 21 31  : 67 16

16. Wachau 22 32  : 71 13

17. Łuty 21 19  : 75 10

Šesty kickerowy turněr, minjenu sobotu we Wotrowje je Drježdźanska dwójka Le Moev – tonuška – dobyła. Wona přewiny w finalu Christiana Šołtu z Wotrowa/Marka Měta z Drježdźan (wobaj na wobrazu naprawo). Bronzowu medalju zawěsćištaj sej Damian­ Cyž a Handrij Korjeńk z Njebjelčic. Wobdźěliło bě so na kickeru 82 hrajerjow, přihladowało je něhdźe 80 ludźi. Foto: Jörg Stephan

Hru zasłužbnje přěhrali

wutora, 15. měrca 2016 spisane wot:

ST Hodźij

– ST 1922 Radwor 3:0 (1:0)

Zestawa hosći: Wróbl – Handrik, Buša, Henke, Paška, Šram, Zähr, Schulze, Wjeńka, Omran, Müller

Poprawom běchu Radworscy koparjo jasny faworit. W prěnjej hrě sezony běchu doma 6:1 jasnje dobyli. Tehdy pak móžeše trenar Pětr Bejmak z połneho čerpać. W Hodźiju pobrachowaše jemu pjeć stajnych hrajerjow. W prěnjej poł hodźinje hosćo hru postajachu a wu­bědźichu sej někotre dobre móžnosće přez Schulzu a Müllera. Nadobo pak nitku zhubichu. W 37. min. nawjedowaše Hodźij 1:0. Diagonalnu flanku bě nad­běhowar samlutki w šěsnatce přiwzał. Prěni pospyt ze zdalenosće wosom metrow Wróbl we wrotach hosći hišće derje wotwobara, druhi pospyt pak dźěše do saka.

Derby jasnje za sebje rozsudźili

wutora, 15. měrca 2016 spisane wot:

ST 1922 Radwor

– ST Mały Wjelkow 8:1 (1:1)

Zestawa domjacych: Wróbl – Sćapan, Henke, Handrik, Zähr, von Karwin, Šram, Šěrak (78. Mark), Buša (66. Paška), Winar, Abdullah (46. Schulze)

Koparjo z Małeho Wjelkowa steja z aktualnje 15 dypkami na poslednim městnje tabulki. Hra wšak započa so cyle po jich předstawje. Radworski škit drje hišće cyle na trawniku njeběše, jako bu nadběhowar Wendt derje posłuženy a bjez problemow k 0:1 zasuny. Wotmołwa njeje dołho na so čakać dała. Winar bě sej ze Šramom bul derje přihrał a steješe nadobo sam před wrotarjom. Tam zymnokrejnje do dołheho kuta k 1:1 (9.) přetwori. Wobaj cyłkaj nochcyštej sej ničo darić. W 16. min. bu Buša wot přećiwnika storčeny. Sudnik pokaza Małowjelkowčanej čerwjenu kartu. W času hač do přestawki mějachu Radworčenjo wjacore móžnosće, nawjedowanje docpěć. Dwoje wrota Abdulleh sudnik nimohry dla wotpokaza, a třělwa Šěraka prasny jenož do žerdźe. Hosćo skedźbnichu na so jeničce přez standardy blisko wrotow.

Wot šwórtka zašłeho tydźenja ma prajenje w prěnim mustwje Budissy Budyšin Reimund Linkert. 33lětny je mjez druhim za Lok Lipsk, Halleski FC a Dynamo Drježdźany hrał. Za Serbske Nowiny je so z nim Hanspeter Benad rozmołwjał.

Knježe Linkerto, sće tež překwapjeny był, jako je Budissa Tomaša Henčla zašły štwórtk do dowola pósłała?

R. Linkert: Haj, to bě za mnje tohorunja překwapjacy rozsud.

Sće nětko přechodny trenar, kiž ma so wo mustwo hač do kónca sezony starać. Abo su w tym padźe hinaše rozmyslowanja?

R. Linkert: Moje zrěčenje jako kotrenar běži hač do 30. junija 2016. Hdyž mam hač do toho dnja nadawk, mustwo jako přechodny trenar nawjedować, potom tónle nadawk spjelnju.

Kotru licencu Němskeho koparskeho zwjazka (DFB) maće?

R. Linkert: Mam B-licencu DFB.

W Schönbergu sće k połčasej 2:0 nawjedowali a na kóncu 2:2 hrali. Sće přesłapjeny?

R. Linkert: Chcychmy jedyn abo tři dypki. To je so nam poradźiło.

Hladajo na partiju přećiwo Jenje njeje so na zestawje mustwa wjele změniło. Maće tež k tym koparjam dowěru, kotřiž su pod Tomašom Henčlom hrali?

Wuslědki (15.03.16)

wutora, 15. měrca 2016 spisane wot:

Wokrjesna koparska liga, stafla I

Hnašecy II – Wulka Dubrawa/M. 1:3 (0:0)

HZ Budestecy – Póst Budyšin II 4:1 (1:1)

Wóspork – ST Budyšin 0:6 (0:2)

Malešecy – Porchow2:1 (1:1)

Wjazońca – Kubšicy0:8 (0:3)

Radwor – Mały Wjelkow 8:1 (1:1)

1. ST Budyšin 17 57  : 21 44

2. Malešecy 17 50  : 23 37

3. HZ Budestecy 18 56  : 34 36

4. Załom 17 46  : 24 30

5. Kubšicy 16 37  : 21 30

6. Radwor 18 46  : 24 28

7. Wjazońca  18 33  : 45 25

8. Wóspork 18 28  : 45 24

9. Porchow 18 43  : 54 22

10. Wulka Dubrawa/Min.  18 32  : 36 19

11. Póst Budyšin II  17 37  : 45 19

12. Wernarjecy 18 30  : 34 18

13. Hodźij 17 21  : 37 15

14. Hnašecy II 17 25  : 52 14

15. Mały Wjelkow 18 26  : 72 10

Wo 34. sokołskim volleyballowym turněrje wo pokal Domowiny

Wot ranja napoł dźewjećich wojowachu sobotu 19 ryzy serbskich a zdźěla serbsko-němskich cyłkow kaž tež wulki faworit na pokal, team z pólskeje Tokarnje, wo krónu najlěpšeho wólnočasneho volleyballoweho teama w Serbach. Po zazběhowych słowach čłonow Serbskeho Sokoła wuhrachu hač do připołdnja w štyrjoch staflach předkoło, tak zo slědowachu po krótkej přestawce zaměstnjenske hry. Hižo­ zahe bě spóznajomne, zo budźe team z Tokarnje tež lětsa zaso dobyćer.

nawěšk

SERBSKE NOWINY podpěruja:

Novi Sad – kulturna stolica Europy

nowostki LND