Z prózdnymaj rukomaj so nawróćili

póndźela, 13. apryla 2015 spisane wot:

FSV Wacker 90 Nordhausen – FSV Budissa Budyšin 3:2 (0:2)

Zestawa hosći: J. Jakubov – Kolan, Schikora, Patka, Kral, Hausdorf (82. Vrabec), Hoßmang, Kotyza, Reher, A. Jakubov (77. Höer), Rosendo (82. Walther)

Regionalny koparski ligist Budissa Budyšin bě wčera hósć w Alberta Kuntzowym sportowym parku pola Wackera Nordhausen. 498 přihladowarjam so tam za zastupny pjenjez tójšto skićeše. Budissa nochcyše so bjez dypka nawróćić.

Hnydom na spočatku hry dóstachu domjacy dwělomnu jědnatku (5.). Wrotar Jakub Jakubov pak pokaza wospjet swoje wuběrne zamóžnosće a pokutny kop dźeržeše. Budyšenjo móžachu derje sobu hrać a móžnosće wužiwać, tak Kotyza w 21. min. zmylk Nordhausenskeho škitarja, kiž bě bul překrótko k wrotarjej hrał. 0:2 w 39. min. běchu wosebite wrota­. Ze zda­lenosće 60 metrow bě Aleksander Jakubov přećiwniskeho wrotarja Birnbauma přewinył.

Jónu remis, jónu wysoke dobyće

póndźela, 13. apryla 2015 spisane wot:

Sokoł Ralbicy/Hórki

– Wojerecy 1919 0:0

Zestawa domjacych: Gloxyn – Wałda (68. Zschorlich), Schultz, Lulak, von Köding, B. Bjeńš, Korjeńk, Šołta, S. Bjeńš, M. Kurjat, G. Kurjat

Hižo du jutrow hrajachu koparjo Sokoła Ralbicy/Hórki doma přećiwo Wojerowčanam, kotřiž steja hłuboko w pincy tabulki. Hosćo hrajachu přez cyłu hru defensiwnje a koncentrowachu so na kontery. Nadběhowar Sokoła Pětr Do­maška pjateje žołteje karty dla pobrachowaše. Prěnju dobru składnosć měješe Korjeńk. Po Šołtowej přihrawce steješe w centrumje šěsnatki a móhł sej faktisce wrotowy róžk wupytać. K zadźiwanju pak suny bul nimo wrotow. Připadnje nasta šansa za hosća. Gloxyn so wobsuny, Wojerowčan Schönwald pak z wótreho kuta njepřetwori.

Po přestawce bu hra dale a wostudliša. Krótko do kónca bu Měrćin Kurja­t nima­le dobyćerske wrota docpěł, bul pak wrota misny.
André Strelow

TSV Wachau – Sokoł Ralbicy/Hórki 2:7 (1:4)

Zestawa hosći: Gloxyn – M. Matka, Wałda­ (64. M. Kurjat), Kř. Matka, Lulak, Wowčerk,­ B. Bjeńš, Korjeńk, S. Bjeńš (73. Schultz), Domaška, G. Kurjat

Wulkotnu njedźelu měli

póndźela, 13. apryla 2015 spisane wot:

SJ Chrósćicy

– Zeleno-běli Bukecy 3:0 (1:0)

Zestawa domjacych: Teschner – Pöpel (87. Hawš), Dehn, Runt, Bětnar, Dórnik, Pohling, Domaška, Zahrodnik, Žur (77. Šmit), Šafář

Trenar Chróšćanskich koparjow mě­ješe do hry jasne přeće: jónu přez cyły čas agilnje hrać a po móžnosći žane wrota kasě­rować. Hra započa so optimalnje za Chróšćanow. Po sydom mjeńšinach hižo we wrotach hosći klinkaše. Domaška zwjertny róžk z lěweje strony direktnje do wrotow. Wrotar šmórny so hišće bula, běše pak bjez šansy. Domjacy mějachu wšón přichodny čas jasne komando nad hru, dalše wrota so jim přiwšěm njezešlachćichu. Po dobrej kombinaciji přez prawu stronu bu Šafář w šěsnatce foulowany, ale sudnik njezahwizda. Před swójskimi wrotami mějachu Chróšćenjo jenož jónu zbožo, jako bul snadnje nimo lěweje žerdźe dźěše. Pjeć mjeńšin do přestawki chcyše Žur daloko wonka stejaceho wrotarja přezběhnyć. Tón pak z ruku wotwobara a dósta za to čerwjenu kartu, dokelž bě šěsnatku wopušćił.

Widźał, słyšał, napisał (13.04.15)

póndźela, 13. apryla 2015 spisane wot:

Awtor dźensa

Jurij Nuk

Z pohladnjenčkom do stawiznow lochkoatletiki chcu dźensa pokazać, što móže sportowy wukon woznamjenjeć a kotre dramatiske wokomiki móža z toho wurosć: Nazymu 1968 wotměchu so w Mexiku-měsće olympiske hry. Ze sensacionelnej dalokosću 8,90 metrow w prěnim pospyće wubědźowanja w da­lokoskoku zawěsći sej 22lětny Američan Bob Beamon hnydom złotu medalju a polěpši wuznamnje dotalny swětowy rekord. Haj, wšudźe rěčeše a pisaše so wo „skoku do 21. lětstotka“.

Wuslědki (13.04.15)

póndźela, 13. apryla 2015 spisane wot:

Kopańca, regionalna liga

čoło tabulki

1. Magdeburg 24 55 : 20 51

2. Zwickau 23 39 : 10 50

3. Nordhausen 24 42 : 34 43

4. Berlinski AK 24 34 : 30 39

wokrjesna wyša liga

Großröhrsdorf – Hnašecy 5:3 (1:0)

Kulow – Biskopicy II 1:1 (1:1)

ST Ćisk –Wojerecy 1919 0:0 (0:0)

Połčnica – Sepicy 2:2 (1:1)

Póst Budyšin – Ramnow  1:0 (0:0)

LSV Hory – Kumwałd 0:0 (0:0)

1. Biskopicy II 22 70 : 22 50

2. ST Ćisk 22 65 : 21 48

3. Póst Budyšin 22 57 : 42 46

4. Ralbicy/Hórki 21 49 : 25 43

5. LSV Hory 21 54 : 25 42

6. Großröhrsdorf 22 55 : 36 41

7. Kumwałd 22 40 : 38 28

8. Połčnica 22 33 : 47 24

9. Kulow 21 30 : 48 24

10. Chrósćicy 21 37 : 32 23

11. Hnašecy 22 39 : 50 23

12. Ramnow  22 26 : 44 23

13. Bukecy 22 29 : 63 22

14. Sepicy 22 34 : 57 21

15. Wojerecy 1919 22 16 : 43 17

16. Wachau 22 30 : 71 13

Sport (10.04.15)

pjatk, 10. apryla 2015 spisane wot:

Koparske dypkowe hry

11.04. 15:00 Rakecy – Drježdźanski SC

11.04. 15:00 Budissa II – Weixdorf

11.04. 15:00 Wachau – Ralbicy/Hórki

11.04. 15:00 Kulow – Biskopicy II

11.04. 15:00 Radwor – HZ Budestecy

12.04. 13:00 Chrósćicy II – Njebjelčicy II

12.04. 15:00 Chrósćicy – Bukecy

12.04. 15:00 Rakecy II – Ralbicy/Hórki II

12.04. 15:00 Porchow – Pančicy

Wubědźuja so w tesakowanju

W sportowej hali Budyskeje Gottlieba-Daimleroweje wyšeje šule na Daimlerowej 6 přewjedu jutře a njedźelu „Budyskej tesakowanskej dnjej“. 320 tesakowarkow a tesakowarjow je so přizjewiło, mjez nimi­ 17lětna sportowča z Kaliforniskeje. Tesakować chcedźa wobaj dnjej na 12 čarach, a to stajnje wot 9 hodź. do 17 hodź.

Běhi na Čornobóh

Jutře, sobotu, wotměja so zaso běhi na horu Čornobóh mjez Bukecami a Kumwałdom. Wot 13.15 hodź. wubědźuja so atleća na čarje na 1,7 km, wot 14 hodź. na 3,5 a 8,2 km.

Běhi na Mnišonc

Srjedu, 15. apryla, wot 17.30 hodź. su běharki a běharjo potom do Hornjeje Hórki přeprošeni. W běhach na horu Mnišonc poskićeja čary 1,4 km, 1,7 km, 2,4 km a 3,3 km.

Kónctydźenski blidotenis

Prěni raz w stawiznach Serbskeho gymnazija Budyšin (SGB) wukmanichu so w sněhakowanskim lěhwje w čěskich Jánskich Láznjach tři holcy a pjećo hólcy­ 8. lětnika w sportowej družinje snowboard. Kurs přewza wučerka SGB za čěšćinu Jana Štillerová, jedna ze šěsć wukubłarjow w Kyrkonošach.

Kónčna tabulka wobwodneje ligi

JTVG fitnes Koblicy 16 42 : 21 37

Viktoria Worklecy 92  16 42 : 20 36

SC Wojerecy 16 33 : 28 26

Módro-běli Wojerecy II 16 33 : 32 25

OSC Lubij 16 34 : 37 21

TuS Niska  16 29 : 36 20

VfB Zhorjelc 16 26 : 36 19

Trakt. Mittelherwigsdorf 16 23 : 37 19

TSV Niederoderwitz 16 24 : 39 13


Runje posledni hrajny dźeń volley­ballo­weje wobwodneje ligi mužow 2014/ 2015 prěkowaše so z turněrom Serbskeho Sokoła wo pokal Domowiny. Tak rěka­še za hrajerjow a fanow: Budyšin abo Worklecy? Za Viktoriju bě wězo jasne­, zo matej domjacej hrě priori­tu. Regularije w Budyšinje wobdźělenje aktiw­nych hrajerjow tak a tak chětro wobmjezuja. Mnozy přihladowarjo při­wšěm pobrachowachu, tak na při­kład druhe mustwo, kotrež je sej na sokołskim turněrje dobre 3. městno zaručiło.

W Nowosólcu-Grodku twarja awće

srjeda, 08. apryla 2015 spisane wot:

Toni Ryćer ze Šunowa poby njedawno w Nowosólcu-Grodku pola Reneja Mün­nicha, wobsedźerja teama Münnich Motorsport, a je so z nim rozmołwjał.

Renéjo, wy sće jenički němski team w swětowej seriji WTCC. Kak hódnoćiće wukon k zazběhej w Argentinskej z wida teamoweho šefa?

R. Münnich: Hladajo na nam date móžnosće běše 9. městno našeho jěz­dźerja Stefana D‘Aste porjadny wuspěch. Bohužel je wón w druhim běhu hižo krótko po starće kolizije dla wupadnył.

Koho widźiće jako faworita za mišterstwo?

R. Münnich: Kaž loni hižo je to wězo Citroën – bjezdwěla najlěpše jězdźidło z podpěru zawoda. Jako tajneho faworita za tu abo tamnu překwapjenku widźu awto Lada Vesta.

Čehodla runje Ladu?

R. Münnich: Nimo dobreho techni­skeho koncepta, wuwiteho pola fran­coskeho specialista na tym polu, firmy Oreca, je to wosebje wurjadny jězdźer Rob Huff, kiž je w zašłosći tež hižo za naš team jězdźił.

Maće hišće wotpohlad, druhe awto w tutej seriji zasadźić?

R. Münnich: Haj, jednamy w tym směrje z inwestorom.

Wuslědki (08.04.15)

srjeda, 08. apryla 2015 spisane wot:

Kopańca, krajna liga

Zhorjelc – Hohenstein-Ernstthal wupad

1. Biskopicy 21 38 : 15 45

2. BSG Chemija 21 41 : 18 42

3. FC International 21 41 : 24 42

4. FC Eilenburg 21 32 : 16 40

5. FC Grimma 20 41 : 21 37

6. Wocl Riesa 21 26 : 24 33

7. Zhorjelc 20 30 : 23 30

8. BSC Freiberg 21 37 : 37 29

9. Heidenau 21 27 : 27 26

10. Hohenstein-Ernstthal 19 27 : 28 25

11. FSV Zwickau II 21 29 : 27 24

12. Glauchau 21 38 : 47 24

13. Markkleeberg 21 30 : 32 22

14. Kamjenc 21 19 : 27 16

15. Döbeln 21 19 : 67 11

16. Póst Drježdźany 21 17 : 59 6

nawěšk

  • Sernjany su swoju róčnicu prěnjeho naspomnjenja wsy před 600 lětami z wosebitym wjesnym swjedźenjom wuspěšnje woswjećili. Tule nańdźeće někotre fotowe impresije wo tym:
Zerna feierte unlängst die Ersterwähnung des Ortes vor 600 Jahren mit einem beson

nowostki LND