Awtor dźensa

Jurij Nuk

Wot lěta 1954 trenowach a wubědźowach so lětdźesatk w běhanju na srjedźnych a dlěšich distancach jako čłon sportoweju klubow SC Rotacija Lipsk a SC Lipsk nimo swojeho re­gularneho studija slawistiki w Lipsku (1953–1958) a slědowaceho pedagogiskeho skutkowanja na Serbskim wučerskim wustawje w Budyšinje (wot 1958). Za mjenowanej klubaj sym so wězo na mnohich lochkoatletiskich wurisanjach republiki kaž tež w Čěskej a Pólskej wubědźował. Tak sym direktnje w stadionach něko­­tryž­kuli wurjadny sportowy wukon abo nowy hrajny abo samo tež swětowy rekord w lochkoatletice sobu dožiwił. Wot lěta 1965 startowach potom za BSG Motor Budyšin, ale nic wjace w tak wulkim wobłuku kaž do toho w Lipsku. Wuznamne mjezynarodne wubědźowanja lochko­atletiki wopytowach nětko ze swójbnymi jako přihladowar w Drježdźanach, Lipsku a Berlinje.

Wuslědki (27.07.15)

póndźela, 27. julija 2015 spisane wot:

Kopańca, regionalna liga

Rathenow – Berlinski AK 0:0 (0:0)

Auerbach – Jena 0:3 (0:2)

BFC Dynamo – Zwickau 0:3 (0:1)

Luckenwalde – Hertha II 0:1 (0:0)

Budyšin – RB Lipsk II 1:1 (1:1)

Schönberg – Halberstadt 1:0 (1:0)

Meuselwitz – Neugersdorf 0:2 (0:0)

Viktoria Berlin – Babelsberg 0:0 (0:0)

Nordhausen – Neustrelitz 2:0 (0:0)

1. Jena 1 3 : 0 3

1. Zwickau 1 3 : 0 3

3. Neugersdorf 1 2 : 0 3

3. Nordhausen 1 2 : 0  3

5. Schönberg 1 1 : 0 3

5. Hertha II 1 1 : 0 3

7. Budyšin 1 1 : 1 1

7. RB Lipsk II 1 1 : 1 1

9. Berlinski AK 1 0 : 0 1

9. Viktoria Berlin 1 0 : 0 1

9. Rathenow 1 0 : 0 1

9. Babelsberg 1 0 : 0 1

13. Luckenwalde 1 0 : 1 0

13. Halberstadt 1 0 : 1 0

15. Neustrelitz 1 0 : 2 0

15. Meuselwitz 1 0 : 2 0

17. BFC Dynamo 1 0 : 3 0

17. Auerbach 1 0 : 3 0

Sport (24.07.15)

pjatk, 24. julija 2015 spisane wot:

Budissa startuje doma

Regionalny koparski ligist Budissa Budyšin startuje njedźelu z domjacej hru do sezony 2015/2016, kotraž budźe zdobom druha w regionalnej lize za cho­wancow Tomaša Henčla. Zakop hry je w 13 hodź. Přećiwnik budźe RB Lipsk II, sudnik Alexander Sather.

Sokoł pokal zakituje

W Němskich Pazlicach zarjaduje sportowa jednotka Natwar Němske Pazlicy dźensa wječor 50. pokalny turněr. Lońši dobyćer, cyłk Sokoła Ralbicy/Hórki, je tež­ zaso přizjewjeny. Nimo toho na­stupja tam Zeleno-běli Sepicy, SJ Njebjelčicy a hosćićelske mustwo. Wot 18 hodź. hraja Němske Pazlicy Ü 35 přećiwo přećelskemu kruhej ze wsy Ü 35. Wot 19.15 hodź. stejitej połfinalnej hrě na planje, w 20.15 hodź. wubědźuja so wo třeće městno a w 21.15 hodź. zahwizda sudnik finale.

Beachvolleyball w Hórkach

Młoda žołma Radijo Satkula wusyła póndźelu zaso live, a to z Hórkow. Tam přewjedu dalši treningowy turněr za beachvolleyballowe zarjadowanje 17. awgusta w Miłoćicach. Póndźelny turněr w Hórkach započnje so we 18 hodź.

Do Baćonja a Róžanta

Krämer nochce žanoho z nowych parować

štwórtk, 23. julija 2015 spisane wot:

Trenar FC Energije Choćebuz Stefan

Krämer

Georg Zielonkowski w rozmołwje z trena­rjom FC Energije Choćebuz

Kak je z Wašeho fachoweho wida přihot na nowu hrajnu dobu wotběžał? Měnju přihotowansku fazu z testowymi hrami.

S. Krämer: Mi je so hra přećiwo Vik­to­riji Berlin wot 30. minuty sem jara lubiła, dokelž smy po letargiji skónčnje wotućili. Njejsmy přećiwo regionalnemu ligistej ani jednu wrotowu móžnosć dopušćili. To njeje samozrozumliwe a dyrbjało tež w přichodźe tak być. Šansy pak dyrbjeli so lěpje wužiwać. Tam mamy na kóždy pad hišće rezerwy. W testowych hrach smy drje 50 razow trjechili, ale zdźěla přećiwo nišoklasowym přećiwnikam. To njesměmy nadhódnoćić. Naposledk smy 2:6 přećiwo načolnemu mustwu z Čěskeje, Sparće z Prahi, wobstali. Někotre přećiwniske wrota su mje chětro mjerzali. Jim bychmy zadźěwać móhli. Na tamnej stronje je nam sylny přećiwnik naše słabosće pokazał.

Mustwo ma po prominentnych wotchadach někotrych nowych koparjow. Su woni wočakowanja hižo spjelnili?

Bjez šansy w testowej hrě

srjeda, 22. julija 2015 spisane wot:

ST Marijina hwězda

– Jednota Kamjenc 1:13 (1:8)

Za domjacych zasadźeni: O. Schmidt, Mattick – Škoda, Łušćanski, Wróbl, Hawš, Bělk, Jurš, Rab, P. Schmidt, Winkler, Pakoßnick, Sbjeznie, Kral, Czapik.

Tajke prawe wužadanje měješe mi­njenu nje­dźelu w prěnjej testowej hrě prěnje koparske mustwo ST Marijineje hwězdy zmištrować. Wone nastupi pře­ćiwo Jednoće Kamjenc. Krajny ligist bě technisce jasnje lěpši a spěšniši hač wo­krjesny ligist­. Partija skónči so tuž z jasnej poražku 1:13 za Pančičanow.

Wrota za Jednotu Kamjenc třělichu Höer (5), Häfner (2), Azad (2), Schidun (2), Pannach a Kloß.

W prěnim połčasu bě Křesćan Bělk z jědnatku 1:2 za ST Marijinu hwězdu trjechił.Tobias Nowak

FC Čerwjeno-běli Erfurt II – FSV Budissa Budyšin 0:3 (0:0)

Zestawa Budissy: J. Jakubov – Heppner, Fröhlich (37. Klippel), Pfanne, Kral, Rosendo, Hoßmang, Rupf, Reher, A. Jakubov (78. Heineccius), Salewski (78. Hansch)

Do starta noweje hrajneje doby njedźelu w 13 hodź. přebywachu chowancy koparskeho trenarja Tomaša Henčla w treningowym lěhwje w Bad Blankenburgu. Tam absolwowachu tež dwě dalšej testowej hrě. Minjenu sobotu nastupichu přećiwo Čerwjeno-běłym Erfurt II a dominowachu cyłe 90 minutow. W prěnim połčasu pak nochcychu so žane wrota poradźić. Zranjenja dla dyrbješe Fröhlich kopanišćo wopušćić. Za njeho hraješe dale Klippel (37.), a jemu pora­dźi so w 50. min. 0:1. Salewski zwyši na 0:2 (68.), a Alexander Jakubov postara so wo kónčne 0:3 (75.).

Jednota Rudolstadt – Budissa Budyšin 0:3 (0:2)

Zestawa Budissy: Große – Kolan, Klippel, Heppner, Čermák, Walther, Hausdorf, Rupf (66. Rosendo), Barnickel (75. Reher), Heineccius (75. A. Jakubov), Hansch

Dwójna nula turněr rozsudźiła

wutora, 21. julija 2015 spisane wot:

Druha etapa beachvolleyballoweje tury Radija Satkula wotmě so wčera w Ko­njecach. Dohromady dwanaće mu­stwow bě sej do Delan dojěło, zo bychu hro­madźe sportowali. Wot wječora napoł sedmich so holcy a hólcy wubědźowachu. Prěnja etapa bě so tydźenja w Nuknicy přewje­dła. Mjez wjesnymi mustwami wčera­wšeho wječora běchu tež někotre z kurioznymi mjenami kaž „Twarnišćo“, „Něke nic“ abo „Dźiće domoj“. Fa­worit Škit Budyšin zawěsći sej 3. městno, zastupnistwo Konječanskeho młodźinskeho kluba štwórte. Dobyło je turněr mustwo Dwójna nula, kotrež přesadźi so w kónčnej hrě z 15:7 přećiwo Chróšćanskemu cyłkej.

Za organizaciju a zastaranje je Konječansko-Šunowski młodźinski klub wot přihladowarjow kaž tež wot wobdźělnikow jara dobry wothłós žnjał.

Přichodne etapy beachvolleyballoweje tury Radija Satkula budu 27. julija Hórki, 3. awgusta Róžant a tydźeń pozdźišo Kulowc­. 17. awgusta ma so potom wulke finale w Miłoćicach přewjesć, a to w Bobkec jěchanskej hali. Gloria Žurec

Pjatk započnje so w regionalnej ko­parskej lize Sewjerowuchod sezona 2015/2016. Přichodnu njedźelu startuje potom tež Budissa Budyšin z domjacej hru přećiwo rezerwje RB Lipsk. Hru zahwiz­da sudnik Alexander Sather w 13 hodź. Do zazběha je Hanspeter Benad­ ze šeftrenarjom Budissy Tomašom Henčlom porěčał.

Njedźelu zahaji so nowa hrajna doba. Sće z přihotom na nju spokojom?

T. Henčl: Hač na zranjenja Kuhnerta, Patki a Fröhlicha to sym. Tež treningowe lěhwo bě połny wuspěch. Z wuslěd­kami testowych hrow a treningowych jednot­kow běch jara spokojom. Mustwo je derje sobu dźěłało. Smy na sezonu 2015/2016 derje přihotowani.

Su hry přećiwo Dynamu Drježdźany, Čerwje­no-běłym Erfurt II a Jednoće Rudolstadt někajke nowe dopóznaća wunjesli?

T. Henčl: Za mnje bě jara zajimawe widźeć­, zo Christoph Klippel na swojej poziciji wurjadnje hraje.

Z Pfannu, Heppnerom, Kuhnertom, Čermákom, Rupfom, Hanschom a Heineciusom sće so zesylnili. Běchu to tež koparjo, kotrychž sće sej přał?

T. Henčl: Haj, sym so z hrajerjemi dołho zaběrał. Wosebje ći młodźi su z wulkim elanom při wěcy.

Sewjerni koparjo wysoko dobyli

wutora, 21. julija 2015 spisane wot:

K šestej koparskej hrě wjesneju teamow „sewjer“ přećiwo „juh“ zetkachu so Ral­bičenjo minjenu sobotu. Partija wotmě so znowa na małym hrajnišću. Kontrahentaj hraještaj dwójce třiceći mjeńšin. Měrćin Čóška bě suwereny sudnik. Hač na prěnju hru, kotruž bě „juh“ z 9:1 dobył, běchu tele derbyje přeco jara napjate. Lětsa wšak „sewjer“ jasnje dominowaše, a to hižo k połčasej z 5:0.

W druhim přechodźe drje so team „juh“ stopnjowaše, njemóžeše pak po­ražce 12:4 zadźěwać. Běše to zdobom na wr­ota najbohatša hra w stawiznach tohole wjesneho duela. Zastupnistwo „se­wjer“ tuž nětko ze 4:2 nawjeduje.

Wjele Ralbičanow je składnosć wužiło a sej hru wobhladało. Wo ćělne derjeměće postara so znowa wohnjowa wobora. Po derbyju hajachu wjesnjenjo zhromadnosć a hišće dołho bjesadowachu. Maik Brězan

Zwjazkowy ligist nastupi w Kulowje

wutora, 21. julija 2015 spisane wot:
Žony a holcy 1. FFC Turbiny Podstupim přijědu njedźelu, 2. awgusta, do Kulowa na reprezentacisku hru. Turbina nastupi z kompletnym kadrom, w kotrymž budu tež koparki, kotrež su so njedawno w Kanadźe na swětowych mišterstwach wobdźělili – Bianca Schmidt, Jennifer Cramer a Tabea Kemme. Trenar mustwa je Bernd Schröder. Hru, kotraž ma so w 15 hodź. zahwizdać, chcetaj stadionowy rěčnik Módro-běłych Kulow Tomaš Maršner a MDR reporter Gert Zimmermann moderěrować. Hrać budźe zwjazkowy koparski ligist přećiwo wubrance Kulowa. Kartki móžeće sej na tamnišej tankowni abo w Szczepaniakec lakěrarni kupić­. Zastup za dorosćenych płaći šěsć eurow, za šulerjow z wupokazom tři eura­. Dźěći w starobje hač do šěsć lět smědźa sej zajimawu partiju darmotnje wobhladać.Werner Müller

nawěšk

SERBSKE NOWINY podpěruja:

Novi Sad – kulturna stolica Europy

nowostki LND