Sport (08.04.16)
Běhi po Čornoboze
6. běh na horu Čornobóh přewjedu sobotu, 9. apryla. Start a cil budźetej při wyšej šuli w Kumwałdźe. Sćěhowace čary změja w poskitku: 1,7 km/3,5 km a 8,2 km. Krótšej čarje na 1,7 a 3,5 km stej wosebje za dźěći, młodostnych a započatkarjow. Nimo toho zarjaduja tam 3. čornobóski-trail, kotryž powjedźe po 15,7 km a ma wysokostny rozdźěl 779 metrow.
Rjemjeslnicy za bulom honja
Viktoria Worklecy zarjaduje jutře, sobotu, 8. halowy koparski turněr za rjemjeslnikow. We Worklečanskej ćěłozwučowarni zetkaja so wot 16 hodź. štyri mustwa: sanitarny zawod Floriana Šołty, firma Eldakon, hrajne zjednoćenstwo Handrij Šefer/Green System a elektrofirma Handrija Šewca.
Dalšej běhanskej zarjadowani
16.04. 12. Mt. Everestmarathon w Radebeulu
20.04. 29. běh na Mnišonc w Hornjej Hórce
Dźěćaca olympiada
Pěstowarske dźěći wubědźuja so srjedu, 13. apryla w Radworju, a to wot 9 do 12 hodź. Tam zarjaduje a wuhotuje Budyski sportowy zwjazk dalše předkoło olympiady za pěstowarske dźěći.
Volleyballowej turněraj
09.04. 19:00 Nócny volleyball w Kulowje
14.04. 18:00 Witamy nalěćo w Ralbicach
Koparske dypkowe hry
09.04. 13:00 Hnašecy II – Radwor
„Lutki“ z Horow předkoło dobyli
Tři dypki, wjac tež nic
ST Wóslink/Skaskow
– ST Marijina hwězda 1:2 (1:2)
Zestawa hosći: O. Schmidt – Wróbl, Łušćanski, T. Jurš, Lipič, Peschmann, Pakoßnick (76. Langer), Bělk, P. Schmidt (36. Njek), Winkler, D. Jurš
Při krasnym nalětnim wjedrje podachu so koparjo prěnjeho mustwa Marijineje hwězdy do Skaskowa. Tam chcychu předposlednjeho tabulki z hrajerskimi srědkami přewinyć. To pak so njeporadźi, dokelž běše trawnik-łuka w chětro špatnym stawje. Nimo toho njepokazachu swoje běhanske zamóžnosće. Domjacy agěrowachu z dołhimi třělwami, kotrež docpěchu zwjetša agilneho Tamku. W 16. min. zjewi so wón nadobo sam před wrotarjom Schmidtom, tón pak bul wotwobara. 0:1 nasta we 18. min. Dawid Jurš bě po přihrawce Wróbla dospołnje swobodny. W druhim pospyće wothra wón kulowatu kožu Pakoßnickej, a tón posłuži Winklera, kiž z 12 metrow lesćiwje do dołheho kuta přetwori. Krótko po tym prasny Winklerowa třělwa jenož do łaty. Sydom mjeńšin do połčasa poradźichu so Pakoßnickej druhe wrota. Wón wotpopadny wotkop Olivera Schmidta, wuhra třoch přećiwnikow a smokny bul do wrotow. Hnydom po zakopje pak hosćićeljo přez Tamku na 1:2 (39.) skrótšichu.
Wuslědki (07.04.16)
Regionalna koparska liga
BFC Dynamo – Rathenow 0:0 (0:0)
Babelsberg 03 – Berlinski AK 1:3 (0:3)
Neugersdorf – RB Lipsk II 1:0 (0:0)
Halberstadt – Neustrelitz 3:2 (1:0)
Meuselwitz – Auerbach 0:0 (0:0)
Schönberg – Luckenwalde 2:1 (2:0)
FC Viktoria – Budissa Budyšin 2:1 (0:0)
Zwickau – Hertha BSC II 1:0 (1:0)
Jena – Nordhausen0:0 (0:0)
1. Zwickau 26 57 : 19 58
2. Berlinski AK 25 44 : 16 52
3. Nordhausen 26 47 : 27 51
4. BFC Dynamo 25 53 : 37 45
5. Jena 25 31 : 16 45
6. Neugersdorf 25 40 : 29 45
7. Babelsberg 03 26 37 : 20 41
8. Hertha BSC II 26 39 : 45 39
9. Auerbach 25 40 : 33 35
10. Schönberg 26 32 : 36 32
11. RB Lipsk II 26 37 : 38 31
12. Neustrelitz 26 35 : 39 31
13. FC Viktoria 26 35 : 45 30
14. Meuselwitz 26 28 : 45 30
15. Budissa Budyšin 26 35 : 34 29
16. Halberstadt 26 30 : 57 19
17. Luckenwalde 25 18 : 67 13
18. Rathenow 26 19 : 54 10
Hólcy-volleyballisća SGB w sakskim finalu bronzu snadnje misnyli
W krajnym finalu volleyballa starobneje klasy II wurisanja „Młodźina trenuje za olympiju“ w Dippoldiswaldźe falowaštej hólcam Serbskeho gymnazija Budyšin móličkej dypkaj za bronzu. Rozsudnu třeću sadźbu přěhrachu hrajerjo wokoło kapitana Mateja Cyža přećiwo Wernera Heisenbergowemu gymnazijej Riesa 13:15 a wobsadźichu tak njedźakowne 4. městno na turněrje.
Wuslědki (06.04.16)
Wokrjesna koparska liga, stafla III
Ottendorf/Lieg. – Großnaundorf 0:1 (0:1)
Frankenthal – Großröhrsdorf II 2:0 (2:0)
Großdrebnitz – Haselbachtal 2:5 (1:3)
Wóslink/Ska. – Marijina hwězda 1:2 (1:2)
Němske Pazlicy – Njebjelčicy 3:0 (2:0)
1. Frankenthal 17 53 : 25 43
2. Ottendorf/Liegau 17 42 : 16 41
3. Arnsdorf 18 45 : 20 35
4. Marijina hwězda 19 64 : 38 33
5. Großnaundorf 18 52 : 28 33
6. Sepicy 18 53 : 42 31
7. Großröhrsdorf II 19 34 : 26 30
8. Haselbachtal 18 42 : 44 26
Před panoramu Hamorskeje milinarnje je minjenu njedźelu 140 ...
Dale bjez poražki
Sokoł Ralbicy/Hórki
– ST Motor Kumwałd 3:1 (0:0)
Zestawa domjacych: Gloxyn – Matka, B. Bjeńš, St. Bjeńš, Korjeńk, Wałda (90. Lulak), Šewc, Šołta, Bejma, G. Kurjat (72. Bejmak), Domaška (85. M. Kurjat)
Dokelž swjećeše wiceprezident Olaf Poldrack wot soboty na njedźelu 50ćiny, na kotrež wón prěnje a druhe koparske mustwo kaž tež cyłe předsydstwo Sokoła přeprosy, přesunychu Ralbičenjo swoju domjacu hru na 2. apryl.
Běše to prawy rozsud, wšako domjacy w druhim połčasu mócnje wotwjertnychu a hru tola hišće dobychu. W prěnim połčasu so fanam wjele njeposkići. Sokoljo mějachu ćeže z napřećiwnym wětřikom, tež hosćo so prawje před wrotami Gloxyna njejewjachu. Jeničku naspomjenjahódnu składnosć njezamó Tomaš Bejma wužić.
Derby bjez dobyćerja
ST Radwor
– Wulka Dubrawa/ Minakał 0:0
Zestawa domjacych: Handrik – Šěrak, Buša, Henke, Zähr, Šram, von Karwin, Wjeńka, Abdullah, Schulze, Mark (70. Sćapan)
Po dobytym domjacym derbyju přećiwo Małemu Wjelkowej (8:1) chcychu Radworscy koparjo seriju dobyćow wězo dale wjesć. Do hry pak běchu najprjedy raz šokowani. Šěrak, wrotar druheho zastupnistwa, bě sej w předhrě ruku złamał a njemóžeše tak zamołwjeneho Wróbla we wrotach zastupować. Tón po wšěm zdaću zbytk sezony wupadnje. Tak dyrbješe Stanij Handrik, hewak pólny hrajer, mjez žerdźomaj stać. Najebać to je wón swoju wěcku derje zmištrował. Bě dźě tež hižo w młodźinje hdys a hdys jako wrotar aktiwny był.
Dohromady 105 přihladowarjow widźeše w prěnim połčasu Radworčanow, kotřiž hóstne wrota lědma nadběhowachu. Hdyž běchu jónu do jich bliskosće přišli, sudnik nimohry dla wothwizda. Tež distancowej třělwje Šrama a Marka ničo njewunjeseštej. Hosćo mějachu w 32. min. najwjetšu móžnosć, nawjedowanje docpěć. Přez prawe křidło bě bul naraz w Radworskej šěsnatce. Słabu třělwu Handrik bjez problemow popadny.
Wuslědki (05.04.16)
Wokrjesna koparska liga, stafla I
HZ Budestecy – Mały Wjelkow 5:1 (2:0)
Wjernarjecy – Hodźij3:1 (2:1)
Wóspork – Póst Budyšin II 1:1 (0:1)
Malešecy – ST Budyšin 4:0 (1:0)
Wjazońca – Hnašecy II 2:0 (1:0)
Radwor – Wulka Dubrawa/Min. 0:0 (0:0)
1. ST Budyšin 19 59 : 26 47
2. Malešecy 19 58 : 24 43
3. HZ Budestecy 20 63 : 35 42
4. Załom 19 52 : 24 34
5. Kubšicy 18 42 : 22 34
6. Radwor 20 47 : 25 30
7. Wjazońca 20 36 : 49 28
8. Wóspork 20 29 : 52 25
9. Wulka Dubrawa/Min. 20 36 : 37 23
10. Porchow 20 44 : 56 23
11. Wjernarjecy 20 36 : 38 22
12. Póst Budyšin II 19 41 : 49 21
13. Hodźij 19 22 : 42 15
14. Hnašecy II 20 26 : 62 14
15. Mały Wjelkow 19 27 : 77 10
