WUPISANJE LND

Ludowe nakładnistwo Domowina pyta

lektora/lektorku

w lektoraće za powšitkownu a wědomostnu literaturu

Nadawki:

  • planuješ knihi, słuchoknihi a dalše produkty za wšě starobne a zajimowe skupiny

  • dźěłaš wusko ze serbskimi awtorkami a awtorami hromadźe a wuwiwaš z nimi manuskripty

  • wobstaraš fota a namjetuješ ilustracije

  • přehladaš a skoriguješ manuskripty

  • předstajiš knihi na wosebitych zarjadowanjach

Profil:

  • sy wysokošulski studij na polu sorabistiki abo druhich duchownych wědomosćow wotzamknył/a

  • znaješ serbsku literaturu, kulturu a serbske stawizny a horiš so za nju

  • wobknježiš pisomnu hornjoserbšćinu jara derje

Šansy:

Tebje wočakuje wotměnjawe dźěłowe městno w serbskej instituciji z wysokej swójskej zamołwitosću. Ze swojim dźěłom wot wuwiwanja koncepcionelnych předstawow hač k hotowej ćišćanej abo digitalnej ediciji maš wliw na přichodnu serbsku literaturu. Mzda płaći so po tarifje. Fleksibelny dźěłowy čas dźiwa na potrjeby swójbow. Dźěłowe městno je Budyšin. Cyłodnjowski dźěłowy čas hodźi so w mjezsobnym dorozumjenju tež skrótšić.

Swoju próstwu zapodaj z mejlku na .

 

WUPISANJE SN

Ludowe nakładnistwo Domowina pyta wolontara (m/ž/d) w redakciji Serbskich Nowin

 

 

Foto: Hanka Šěnec
Foto: Hanka Šěnec

Nadawki:

  • kwalifikuješ so za žurnalistiske dźěło w serbskich print- a online-medijach
  • nawuknješ, kak maš rešeršować, měnjenja zběrać a wo podawkach w serbskej Łužicy pisać
  • wobstaraš artikle pola swobodnych sobudźěłaćerjow a dźěłaš wusko z nimi hromadźe

Profil:

  • sy studij na polu žurnalistiki, sorabistiki abo druhich duchownych wědomosćow wotzamknył
  • maš jara dobre pisomne a ertne wobknježenje serbskeje a němskeje rěče
  • horiš so za žurnalistiske dźěło, sy wćipny na ludźi a podawki
  • maš znajomosće na polu digitalnych, wosebje socialnych medijow

Šansy:

Tebje wočakuje wotměnjawe dźěłowe městno w serbskim nakładnistwje. Nowinarske dźěło je přewšo wotměnjawe, wšědnje nawuknješ něšto noweho. Płaćimy mzdu po tarifje. Fleksibelny dźěłowy čas dźiwa na potrjeby swójbow. Dźěłowe městno je Budyšin. Wolontariat je na dwě lěće wobmjezowany. Cyłodnjowski dźěłowy čas hodźi so w mjezsobnym dorozumjenju tež skrótšić a smy wćipni na požadanja přidružnikow.

 

Swoje pisomne požadanje zapodajće na:

Ludowe nakładnistwo Domowina
jednaćel Syman Pětr Cyž
Sukelnska 27, 02625 Budyšin

abo z mejlku na:

nawěšk

SERBSKE NOWINY podpěruja:

Novi Sad – kulturna stolica Europy

nowostki LND