„Luby jendźelski dubje! Ručež w twojim chłódku sedźu a na doma myslu, so mi lěpje dźe. Za to so ći dźakuju.“ Kopicu tajkich a podobnych poselstwow čitaja sobudźěłaćerjo měšćanskeho zarjada za wobswět w Melbournje wšědnje. We wobłuku programa za wjace zelenje w měsće su woni kóždy štom registrowali a jeho poziciju w interaktiwnej digitalnej karće zapisali. Zo bychu ludźo škody na štomach zarjadej zdźělić móhli, ma kóždy jednotliwy tež „swoju“ mejlkowu adresu. Wočiwidnje pak chcedźa ludźo štomam wo wjele wjace prajić...