Aus der aktuellen Ausgabe vom Dienstag, 28 März 2017

Wjace hač 3 000 zajimcow je minjenu njedźelu 21. hornčerske wiki na Rěčičanskim Erlichtec dworje wopytało. 50 hornčerjow a wikowarjow ze Sakskeje, Braniborskeje a samo z Pólskeje je tam swoje twory prezentowało. Mjez nimi bě Hózkowčan Christian­ Schmidt. Wón je so hižo 18. raz w Rěčicach wobdźělił a bě z wuslědkom kaž tež z wobrotom spokojom. Poskićał njeje Schmidt jenož ryzy hornčerske wudźěłki, ale hromadźe z nimi tohorunja kwětki. Wulki podźěl na poradźenych hornčerskich wikach měješe wuběrne słónčne wjedro, kotrež je mnohich ludźi do přirody a do Rěčic wabiło. Foto: Martina Arlt

„Serbja trjebaja serbske šule“, běše po Druhej swětowej wójnje dewiza čěskich přećelow Serbow. Tak podachu so hižo 1. decembra 1945 nadarjeni serbscy šule­rjo, mjez nimi Pětr a Jan Brězan ze Sul­šečanskeje­ wjeledźěćneje młynskeje swój­by, z ćahom do Českeje Lípy. Pozdźiši skótny lěkar, kiž sta so po politiskej změnje tež z městopředsydu Domowiny a bě wjele lět předsyda Kulowskeho Bratrowstwa, ma jara čiłe dopomnjenki na tele dožiwjenja. Njedawno rozprawješe wón wo tychle za přichodnu serbsku inteli­gencu jara spomóžnych lětach w kruhu Budyskich katolskich serbskich seniorow.

Rjany wuspěch je so njedźelu koparjam młodźiny A hrajneho zjednoćenstwa Natwara Němske Pazlicy II/SJ Chrósćicy (na wobrazu) poradźił. Přeći­wo načolnikej­ wokrjesneje ligi, stafle II – hrajnemu zjednoćenstwu Módro-běli Kulow/Sokoł Ralbicy-Hórki – wuwojowachu sej woni­ w Kulowje njerozsudne 1:1. Hižo w 4. min. bě Chróšćan Feliks Cyž nawjedowanje docpěł, kotrež Paul Kockert we 58. min. wu­runa. Foto: Werner Müller

SZ Liegau-Augustusbad

– SJ Njebjelčicy 0:4 (0:2)

Zestawa hosći: Hahn – Zeller, Haška, Hrjehor, Kral, Hanuza, Korjeńk, Hoelzel, Hommel, Šołta (63. Lejnart), Čornak (73. Janca)

Drježdźanski SC

– SJ Chrósćicy 1:0 (0:0)

Zestawa hosći: Králíček – Pöpel, Cyž, Schulze, Teichmann, Bětnar (71. Zahrodnik), Młynk (86. Kunze), Domaška, Henčl (76. Dórnik), Věchet, Žur

Po wulkotnym zazběhu do druheje połserije – dwě dobyći w dwěmaj hromaj – nastupichu koparjo Chróšćanskeje SJ (SJC) minjenu sobotu pola tabulkoweho susoda Drježdźanski SC (DSC) w tamnišim Heinza Steyerowym stadionje. Wosebje naši dźědojo zwjazuja stadion, ležacy w Drježdźanskim Ostra-hajnišću, z wulkimi sportowymi podawkami pjećdźesatych lět 20. lětstotka. Tak přewjedźechu tam mjez druhim dwójce finale FDGB-pokala (Swobodny němski zwjazk dźěłarnistwa – Freier Deutscher Gewerkschaftsbund) a 1955 prěnju domjacu hru narodneho mustwa NDR přećiwo Bołharskej (0:0) před 55 000 přihladowarjemi. W znatym stadionje prjedawšich stawiznow je małe towarstwo SJC sobotu před wulkotnej kulisu 200 spěwacych domjacych „ultra­-fanow“ wo dypki wojowało.

Krajna koparska klasa

Neugersdorf II – Zschachwitz 4:0 (2:0)

Drježdźanski SC – Chrósćicy 1:0 (0:0)

1. Radebeulski BC 16 37  : 11 43

2. Laubegast 15 44  : 20 34

3. FC Neugersdorf II 16 41  : 17 31

4. Mužakow 15 36  : 21 30

5. Drježdźanski SC 15 30  : 26 21

6. Nowosólc-Hródk 15 28  : 31 20

7. FC Horni kraj Sprjewja 14 35  : 35 18

8. SJ Chrósćicy 15 22  : 25 18

9. Nowe Město 15 26  : 32 18

10. SG Weixdorf 16 27  : 38 17

11. Zschachwitz 16 26  : 47 13

12. Fortuna Trjebin 15 21  : 45 13

ST Ćisk II

– ST Radwor 0:4 (0:3)

Zestawa hosći: Ch. Šěrak – Henke, Zähr, Schild, F. Šěrak, Omran (62. von Karwin), Zimmermann, Nuk (71. Šram), Bejmak, Buša (54. Kurjat), Schulze

Berlin (B/SN). Zwjazkowa ministerka za twarstwo Barbara Hendricks (SPD) chce wjace kedźbnosće za Berlinsku katedralu swj. Jadwigi. Hačrunjež katolska biskopska cyrkej we wutrobje stolicy steji, „je wona tuchwilu kusk schowana. Myslu sej, zo katedralu po přetwarje jeje nutřkowneho ruma wjace ludźi zaznaje.“ Hendricks, čłonka Centralneho komiteja němskich katolikow, wuzběhny, zo jej njepřisteji naćisk renowacije architektonisce hódnoćić. Arcybiskopstwo je proces wothłosowanja přewjedło, a wjetšina je so za přetwar rozsudźiła.

Swět so z reformaciju změnił

Bad Blankenburg (B/SN). Reformacija před 500 lětami je Němsku a swět trajnje změniła, potwjerdźi generalny sekretar Swětoweje ewangelskeje aliancy (WEA) Efraim Tendero na přijeću składnostnje zetkanja nawodow WEA spočatk měsaca w Blankenburgu. Po słowach předsydy WEA Ndaby Mazabany z Južneje Afriki so swět tuchwilu dramatisce přeměnja. Mazabane dźakowaše so Němskej za to, zo je telko ćěkancow přijała, jednajo po bibliskej namoł­wje, „cuzeho“ přećelnje hospodować.

Cyrkej pyta fararjow