Marek Krawc rozprawja wo aktualnje rozjimanych temach w Čěskej

Praha. Sobotu wječor su čěscy přiwisnicy woblubowaneje hudźbneje přehladki ­Eurovision Song Contest na swoje kóšty přišli. Ze swojim spěwom „My sister’s crown“ wubědźi sej holča skupina Vesna dźesate městno. Po šestym městnje spěwarja Mikolasa Josefa lěta 2018 je to dalši mjezynarodny wuspěch čěskeje hudźbneje sceny. Nimo hudźby su tež knihi zbudźichu minjeny kónc tydźenja wulki zajim našich južnych susodow zbudźili. W Praze wotměchu so knižne wiki „Svět knihy“. Pod motom „Awtorojo bjez ­mjezow“ mějachu lubowarjo ćišćaneho słowa składnosć, so wo literarnych ­nowostkach informować. Zarjadowarjo knižnych wikow wjesela so lětsa nad ­rekordnej ličbu 60 000 wopytowarjow.