Serbska debata w Chrósćicach prěnje puće z kubłanskeje mizery zwobrazniła

Chrósćicy (SN/at). Poselstwo druheje Serbskeje debaty wčera wječor w Chróšćanskej „Jednoće“ je wšelake tam předstajene pozicije zwjedło: Serbja dyrbja wjace zamołwitosće za swoje šulstwo přewzać. Zhromadne zarjadowanje Krajneje centrale za politiske kubłanje Sakskeje, redakcije Serbskich Nowin a Załožby za serbski lud moderěrowaše redaktorka našeho wječornika Milenka Rječcyna. Wona je z Dianu Šołćinej, nawodnicu Serbskeje wyšeje šule „Michał Hórnik“ Worklecy, Madlenku Šołćić, kotraž je swoje dźěći dźesać lět z Budyšina do zakładneje šule do Chrósćic wozyła, dr. Měrćinom Krawcom, čłonom Serbskeho sejma a jeho kubłanskeho wuběrka, a Janom Rjedu, městopředsydu Serbskeho šulskeho towarstwa a wučerjom na Ralbičanskej serbskej wyšej šuli, temu „Serbska kubłanska awtonomija – abo dale kaž dotal?“ na podiju rozjimała. Diskusiju dožiwi nimale 80 ludźi na žurli. Mjez nimi je direktor krajneje centrale, dr.