W Chrósćicach je so wčera sedma wot dźesać stacijow Satkulabičtury wotměła. W štyrjoch staflach wubědźowaše so pjatnaće mustwow. Dobył je team „Sambuca Allstars“ wokoło Eliasa Kummera a Klary Kralec. Někotři běchu so „wopačny outfit“ za bičwolejbul zdrasćili, štož běše moto w Chrósćicach. Přichodnu póndźelu rěka moto „kupanska drasta“, wšako zetkaja so młodostni w Kulowskej lěsnej kupjeli. Foto: Konstantin Hrjehor

W Seattlu žaruja ludźo wo wopory třěleńcy na festiwalu jědźe Bite of Seattle. Tři wosoby běchu wčera, póndźelu, swoje žiwjenje přisadźili. Mjez nimi bě Ashley Whitehead. Jeje kuzinje Michelle a Judy so nawječor z mnohimi dalšimi žarowacymi zeńdźeštej, zo bychu zhromadnje na wopory spominali. Foto: pa/AP/Lindsey Wasson

Najwšelakoriše stare jězdźidła su wopytowarjo minjeny kónc tydźenja w Rachlowje pola Kulowa wobdźiwali. Tamniše towarstwo oldtimerow a mopedow je mjeztym pjate tajke zetkanje organizowało. Tak su nimo wulkeje ličby mopedow a motorskich tež tójšto staršich awtow a traktorow wustajili. Jedna z wosebitosćow bě sněhběły ameriski unikat z 1960tych lět. Zeleny Trabant pódla njeho drje bě tójšto mjeńši, zbudźi pak mjez wopytowarjemi znajmjeńša runje telko kedźbnosće. Foto: Marian Wjeńka

Budyšin. (SN/jp) Nowy wobchod, w kotrymž njeje předawarja abo předawarki, wobsteji wot meje na Karla Marxowej njedaloko Žitnych wikow. Nutřkowne wuhotowanje je tróšku swojorazne, a poprawom by je skerje w Japanskej wočakował: We wobchodźe njejsu polcy, ale tam steji pjeć awtomatow, kotrež su połne chłóšćenkow, napojow a dalšich produktow.Přećelej Nick Pietschmann a Adrian Gründer chcetaj kupcam ze swojim konceptom zmóžnjeć, po potrjebje tež w časach nakupować, hdyž su wšitke dalše wobchody w měsće zawrjene, wosebje w nocy. Hustohdy ludźo runje potom to a tamne trjebaja, štož doma nimaja. Z nowym wobchodom „SnackMatic“, kotryž je sydom dnjow wob tydźeń 24 hodźin wočinjeny, to hižo problem njeje.Wosebitosć koncepta je, zo wobchod dospołnje awtomatisce funguje. Awtomaty drje ma čłowjek napjelnić a – jeli trjeba – tež zmylki namakać a wuporjedźeć, jednaćelej pak njetrjebataj přistajeneho, kotrehož dyrbjałoj zapłaćić. Zdobom njetrjebataj samaj stajnje we wobchodźe přitomnaj być. ...

Regina Šołćina z Konjec dopomina so na wojowanja na dobro našich dźěći:Lětsa wopominamy 25. róčnicu šulskeho zběžka w awgusće 2001 w Chrósćicach. Tale šula njesmědźeše hižo 5. lětnik přijimać a z tym bu srjedźna šula likwidowana. Horcy bój nasta mjez staršimi 17 šulerjow, njeličomnymi sympatizantami – a na tamnej stronje šulskej wyšnosću. Z transparentami z wšelkimi wuprajenjemi wojowachmy ze serbskej chorhoju tři tydźenje wo narodne prawa za nas a naše dźěći. Samo na wuhenju šule so chorhoj hordźe zmahowaše. Njeboh wosadny farar Clemens Hrjehor, kiž bě stajnje přitomny, wza potom dźěći na faru, zo bychu so tam kubłali, a někotři wučerjo-wuměnkarjo poskićichu swoju pomoc. Na kóncu wšědneje demonstracije zaspěwachmy zhromadnje kěrluš „Božo, ty Serbow wodźił sy a škitał“. A my wojowarjo zhromadnje ze staršimi wěrjachmy, zo změje bój dobry wukónc. Tola po třoch tydźenjach so naša nadźija sypny.

W Budyšinje wotměwa so wot zašłeje soboty mjezynarodny lětni kurs za serbsku rěč a kulturu. Nimo tójšto zajimcow z wukraja wobdźěleja so na dwutydźenskim zarjadowanju tež ludźo, kotřiž we Łužicy bydla a kiž chcedźa z najwšelakorišich přičin serbsce nawuknyć. Mjez nimi je Yuko Ikeda z Budyšina, z kotrejž je so Stefan Šmit rozmołwjał.Knjeni Ikeda, móžeće so hižo serbsce trochu bliže předstajić?Sprawnje prajene so mi to hišće cyle njeradźi, wosebje wurjekowanje mi ćežko padnje. Ale spytam raz: Rěkam Yuko Ikeda. Bydlu w Budyšinje a ... sym Japančanka. Sym kantorka. Běše to tak prawje?Haj, to tla je hižo dobry započatk. Sće prajiła, zo je prawe wurjekowanje ćežko. Rěka to, zo so wam serbska rěč hewak lochce wuknje?Ně, to na žadyn pad. W japanšćinje nimamy dawno telko konsonantow kaž w serbšćinje. W mojej maćeršćinje dominuja wokale. Nimo toho dyrbju na to dźiwać, zo njepřełožu cyle jednorje posłownje z němčiny do serbšćiny. Ale widźu, zo njejsym jenička – tež ći druzy z mojeho kursa maja sa ...