Při nalětnim rjedźenju lětušu meju přihotowali
Worklecy (SN/jp). Na próstwu wjesneho towarstwa su so zašłu sobotu młodostni a wobydlerjo Worklec kaž tež čłonojo towarstwa samoho na Worklečanskej kupje zetkali a ležownosć za lětušu sezonu přihotowali. Hłowny zaměr bě nalětnje rjedźenje, zo by kupa za stajenje a mjetanje meje přihotowana była.
Za tutej wjerškaj změja lětsa mału nowosć, kotraž ma wjesnjanam dźěło wolóžić. Prěni raz njetrjebaja młodostni na kupje hižo dźěru za meju wuryć. Zhromadnje z gmejnskim zwjazkom CDU je wjesne towarstwo za to nowy stejak sponsorowało, kotryž je młodźina zaše tydźenje natwariła. Sobotnišu dźěłowu akciju za to wužiwachu, zo bychu meju za stajenje 30. apryla přihotowali. Do zdónka meje točachu dźěru a přičinichu železny šrub. Stejak běchu hižo w zašłosći wužiwali, jako steješe při prjedawšim małym wobchodźe wosrjedź wsy. Přetwara dla pak běchu stejak wottwarili. Minjene štyri lěta su na kupje dźěru za meju wuryli.
Do swěta hudźby počuchali
Putniski dźenik Kukowčana
Na njedostatki skedźbnili
Krajny rada Budyskeho wokrjesa pokiwy přijimał a prašenja wotmołwjał
Radwor (SN/BŠe). Krajny rada Budyskeho wokrjesa Udo Witschas (CDU) je štwórtk syłu ludźi na wobydlersku zhromadźiznu do Radworskeho hosćenca Meja witał. Jemu poboku běchu jeho přirjadowanaj Jörg Szewczyk a dr. Romy Reinisch kaž tež wjesnjanosća gmejnow regiona Hornjołužiska hola a haty (OHTL). Woni wotmołwjachu na prašenja wobydlerjow a so wěcownje z jich starosćemi rozestajachu.
Hrodej nowe žiwjenje spožčiłoj
Je stajnje zmužitych ludźi, kotřiž sej zwaža, stare twarjenje ponowić abo dodźeržanu bróžnju saněrować. Cyle hinaše je wužadanje, nimale rozpadany hród wobnowić. Na tajki projekt staj so před sydom lětami serbskaj mandźelskaj we łužiskej jězorjenje zwažiłoj. Nětko je jeju předewzaće zwoprawdźene.
Krynhelecy (SN/MWj). Někotre skromne pokiwy w socialnych syćach a w interneće na dźeń wotewrjenych duri w hrodźe w Pakosnicy, němsce Schadendorf pola Krynhelec (Kringelsdorf) blisko Hamora běchu wšitko, štož je na to pokazowało, zo móžachu sej zajimcy sobotu njewšědnu zajimawosć wobhladać. Tam bě přistupny hród, kotryž je dawkowy poradźowar Enrico Kral ze swojej mandźelskej Annett minjene lěta wuběrnje saněrował a jemu móhłrjec nowe žiwjenje zadychał. Hižo znazdala bě serbska šlagrowa hudźba słyšeć, z wokna zmawowaše nimo cyrkwinskeje tež serbska chorhoj, pozdźišo je farar Gabriš Nawka dom požohnował a wječor postara so Dr. Taste tež ze serbskej hudźbu wo zabawu.
„Horje hladać njewoznamjenja za bikerow jenož, wo škit a dobre ...
Krótkopowěsće (20.04.26)
Namjety zapodać
Budyšin. Domowina chce tež lětsa zaso wosoby wuznamjenić, kiž so na wosebite wašnje čestnohamtsce za zachowanje serbskeje rěče a pěstowanje serbskeje kultury zasadźuja. Hač do 30. junija měli akterojo mytowanskemu wuběrkej třěšneho zwjazka namjety za Myto Domowiny, Myto Domowiny za dorost a čestne znamješko zapodać.
Kreatiwita požadana!
Budyšin. Serbske młodźinske towarstwo Pawk pyta ideje za design nowych serbskich nalěpkow. Wšitke namjety kaž slogan abo jednorje motiw za nalěpk su witane. Najlěpše ideje chcedźa ćišćeć a na přichodnych zarjadowanjach we Łužicy rozdźěleć. Kónc zapodaća namjetow je 14. junij 2026. Naćiski hodźa so přez slědowacy qr-code uploadować abo direktnje towarstwu Pawk připósłać.
Bombu znješkódnili
Koncertuja w cyrkwi
Wulke Zdźary. Nalětni koncert wuhotuje Slepjanski serbski folklorny ansambl sobotu, 18. apryla, w cyrkwi we Wulkich Zdźarach. Započatk je we 18 hodź. Zastup je darmotny, dary pak su witane. Syć za serbsku rěč a regionalnu identitu Zari kaž tež Załožba za serbski lud koncert podpěrujetej.
W narodnej drasće na bal
Ćisk. Ćišćanska serbska rejwanska skupina přeprošuje jutře, sobotu, na mjeztym dźesaty bal w narodnej drasće. Wón započnje so w 19 hodź. w hosćencu „K zelenemu wěncej“. Zastup płaći wosom eurow. Někotre zbywace zastupne lisćiki hišće maja. Přeprošeni su wšitcy, kotřiž chcedźa k dujerskej hudźbje rejwać. Žony njech so narodnu drastu – wšojedne z kotreho regiona – wobleku, to pak njeje wuměnjenje.
Dźeń měšćanskeho lěsa
