Domowina swój poradźowacy hłós w 33 šulskich konferencach zrjadowała
Budyšin (SN/mb). Domowina je swoje poradźowace dźěło w šulskich konferencach znowa zrjadowała. Franciska Albertowa, předsydka kubłanskeho wuběrka, bě zwjazkowemu předsydstwu (ZP) namjetowanu změnu tak wopodstatniła: Dźe wo to, zastupnistwo serbskich zajimow w Sakskej a Braniborskej tróšku zjednoćić. W Braniborskej su zwěsćili, zo njeje wužitne dosć, hdyž tón nadawk kompletnje čestnohamtskim přewostajiš. Tohodla je wotnětka referentka třěšneho zwjazka za naležnosće kubłanja a spěchowanje dorosta, Katrin Suchec-Dźisławkowa, zastupjerka w šulskich konferencach wobeju zwjazkoweju krajow.
Budyšin (SN/bn). Orchester Serbskeho ludoweho ansambla je minjenu njedźelu prěni z dohromady štyrjoch „Adwentnych koncertow“ wuhotował. Pod nawodom Kathariny Dickopf zahra ćěleso „Swjedźensku hudźbu za smyčkowy orchester“ Helmuta Fryče. Serbsku ludowu hudźbu citowaca twórba njetworješe jenož čućiwy zazběh zarjadowanja, ale hodźi so zdobom jako reminiscenca na před 60 lětami zemrěteho komponista rozumić, kiž słuša k sobuzałožerjam Statneho ansambla za serbsku ludowu kulturu. Slědowacy „Capriccio za komorny oktet“ Jana Rawpa z markantnymi akcentami drjewjanych dujerjow njewotbłyšćuje jako zažne dźěło nowotarstwo, z kotrymž twórc serbsku sinfoniku pozdźišo rewolucioněrowaše. Spisana w tradiciji pózdnjeho 19. lětstotka dopomina skerje na čěsku romantiku – štož njezadźiwa, wšako bě ju Rawp swojim „towaršam pražskeje Serbowki“ wěnował. Mišterska twórba mjenowaneje doby je „Serenada E-dur op. 22“ Antonína Dvořáka. Narodnemu wozrodźenju a wutworjenju typiskeho čěskeho stila polěkowacu kompozic ...
Wojerecy (SN/bn). Krótkofilm „Z njebjes wyšin – Vom Himmel hoch“ režiserki Angele Šusteroweje je wotnětka na DVD přistupny. Ze spěchowanjom Załožby za serbski lud zwoprawdźeny nošak datow wopřijima „němy film z taflemi w serbskej rěči, wobrubjeny wot tradicionelnych kołkow w módroćišću a hudźby Anny Wawilkineje, powědacy hnujacu stawiznu z Łužicy za čas 1920tych lět.“ Z ekspresiwnymi čorno-běłymi wobrazami wotbłyšćuje pask „začuća holcy, chabłaceje mjez wjeselom a dwělu čakajo na přichad Božeho dźeća“. DVD je mjez druhim w Serbskimaj kulturnymaj informacijemi w Budyšinje a Choćebuzu kaž tež w Smolerjec kniharni na předań.
SJ Chrósćicy –FV Ottendorf-Okrilla 2:1 (0:0)Zestawa domjacych: Škoda – Rätze (88. Bjeńš), B. Cyž, Zynda, Mark, L. Zahrodnik (81. Donat), Hawš (56. Matik), M. Zahrodnik, Bogusz, G. Zahrodnik, Młynk (56. Handrik)Prěnju adwentnu njedźelu witachu Chróšćenjo koparjow z Ottendorfa-Okrille do Chrósćic. Hačrunjež su hosćo w delnim dźělu tabulki zaměstnjeni, mjerzachu lětsa hižo toho abo tamneho faworita. Tuž běchu domjacy hrajerjo warnowani.Wot spočatka wzachu Chróšćenjo ceptar do ruki a hru postajowachu. Prěnje móžnosće wuhrachu sej po wólnych kopach. Hłójčkowanej bulej Michała Młynka a Bosćija Cyža pak wrotar wotwobara. Tež dalša šansa Młynka po flance padny jenož na pobóčny sak. Na druhej stronje zamóžachu hosćo přeco zaso konterować. Jedyn tajki strašny bul dyrbješe Jakub Škoda wotwobarać, dalši třěl prasny na łatu. Kónc prěnjeho połčasa wuhrachu sej hosćićeljo hišće trójce šansu na wrota. Tola Jan Bogusz, Maksimilian Zahrodnik abo Młynk bul we wrotach njezaměstnichu, wšako hosćo jich ...
W stolicy Georgiskeje Tbilissiju su tež minjenu nóc přećiwo knježerstwu kraja protestowali. Při tym dóńdźe k namócnym rozestajenjam mjez demonstrantami a policiju. Nastork protestow je njedawny rozsud ministerskeho prezidenta Iraklija Kobakhidze, jednanja wo přistup Georgiskeje k Europskej uniji hač do lěta 2028 přestorčić. Foto: dpa/Alexander Patrin
W Chróšćanskej farskej cyrkwi je dźensa předewzaće Buhlig z Rudnych horin pisanej woknje, předstajacej wosadneju patronow, zatwariło. Skedźbliwje staj Reik Buhlig a David Zimmermann (wotlěwa) z woknomaj z lěta 1898 wobchadźałoj. Pišćelam z lěta 1990 je so minjene tydźenje Budyska pišćelotwarska firma EULE wěnowała a dźěle instrumenta wurjedźiła kaž tež znowa intoněrowała a hłosowała. Njedźelu 15. decembra přeprošuje wosada po saněrowanju Božeho domu na prěni pišćelowy koncert z cyrkwinskohudźbnym direktorom Friedemannom Böhmu. Wosadny cyrkwinski chór, dujerjo a organist 5. januara hodowny koncert wuhotuja. Foto: SN/Bojan Benić
We Wojerecach přeslědźa awtomatizowany nadróžny wobchadWojerecy chcedźa z přikładom być a awtomatizowane jězdźenje přeslědźić a testować. Projekt změny strukturow „Wěstota splećeneho a awtomatizowaneho nadróžneho wobchada“ (SivaS) so za to derje hodźi. Hač do lěta 2027 nastanje na Čornochołmčanskej přemysłowej přestrjeni centrum za awtomatizowane jězdźenje (Smart Mobility Lab). Něhdźe 150 milionow eurow za to inwestuja. Dźěl kóštow přewzaja EU, Zwjazk a Swobodny stat Sakska. Iniciator a přichodny wobhospodar centruma je Drježdźanska Techniska uniwersita. Za něhdźe 40 milionow eurow planuja na samsnym městnje slědźenski institut za awtomatizowane jězdźenje. Powšitkownowužitna załožba jako korporacija zjawneho prawa ma po móžnosći přichodny nošer być. „Ličimy za wobaj projektaj cyłkownje z něhdźe 200 do 300 dźěłowymi městnami. A wězo nadźijamy so dalšich pozitiwnych wuskutkow“, nawoda projekta SivaS profesor dr. Günther Prokop wuswětli. Wón je zdobom profesor za techniku jězdźidłow na f ...
Marek Krawc rozprawja wo aktualnje rozjimanych temach w ČěskejPraha. Po tuchwilnym zakonju smědźa jenož staćenjo Čěskeje republiki w politiskich stronach skutkować. To so Europskej komisiji njelubi, kotraž je tohodla přećiwo Čěskej a Pólskej před Europskim sudnistwom skoržiła. Sudnicy su 19. nowembra wozjewili, zo dyrbitej krajej wšěm staćanam EU čłonstwo a sobuskutkowanje w politiskich stronach dowolić. „Rozsud respektujemy, tohodla změnimy někotre zakonje. Ministerstwo budźe so prócować, změny hišće w tutej wólbnej periodźe přesadźić“, zdźěli Hana Malá, rěčnica nutřkowneho ministerstwa minjeny kónc tydźenja.
