Wjace pjenjez za kulturu
Zhorjelc. Cyłkownje pjeć milionow eurow Sakska kulturnym rumam swobodneho stata po schwalenju dwójneho etata 2025/26 přidatnje přewostaja. Nimo toho steji dohromady dodatnych dźesać milionow eurow za sakske dźiwadła a orchestry k dispoziciji. W kulturnym rumje Hornja Łužica-Delnja Šleska chcedźa přidatne pjenjezy mj. dr. za Gerharta Hauptmannowe dźiwadło Zhorjelc-Žitawa a za Wopomnišćo Budyšin nałožować.
Wola noweho prezidenta
Flensburg. Federalistiska unija europskich narodnych mjeńšinow (FUEN) swoju konferencu w oktobrje 2025 w Bozenje w Južnym Tirolu přewjedźe. Na konferency ma so nowy prezident wolić. Kaž Sydslesvigsk Forening e. V. (SSF) dźensa zdźěli, je jedyn z kandidatow Južnoschleswigčan Jens A. Christiansen, kotryž ma hladajo na politiku mjeńšinow wobšěrne nazhonjenja.
Płaćizny imobilijow rozdźělne