Intendant woteńdźe

Choćebuz. Po pjeć lětach na čole Statneho dźiwadła Choćebuz so intendant Stephan Märki rozžohnuje. Wčera popołdnju wotmě so w domje poslednje předstajenje pod jeho režiju. Šwicar Märki je dźiwadło wot hrajneje doby 2020/2021 nawjedował. Swoje wobmjezowane zrěčenje njeje po swójskim přeću podlěšił. Nětko přechodnje Hasko Weber nadawki intendanta přewozmje.

Dóstanu wjace mzdy

Choćebuz. Sobudźěłaćerjo a wučomnicy Choćebuskeho klinikuma Carla Thiemeho w přichodźe wjace mzdy dóstanu. Tole je chorownja nětko zdźěliła. W dwěmaj kročelomaj so mzda wo cyłkownje něhdźe sydom procentow powyši. Něhdźe 150 wučomnikow klinikuma dóstanje wob měsac 150 eurow wjace mzdy. Lěkarki a lěkarjo ze zwyšenja mzdow ničo nimaja, dokelž jich separatne dźěłarnistwo zastupuje.

Potrěbnym dobrowólnje pomhali