Serbski sejm chce zaso dialog
Budyšin. Nawjazujo na interview z Janom Malinkom (SN 30.7.) wuži Serbski sejm „přiležnosć, swoju wolu k dialogej z Domowinu znowa a zjawnje zwuraznić“, tak rěčnik dr. Stanisław Nawka. Woni bychu so wjeselili, by-li Jan Malink tajki dialog moderěrował. Hladajo na prekernu situaciju serbskeho ludu je wažne, zo so wo wšelakich wobsahach rozmołwjeja, kaž na přikład wo zachowanju a dalewuwiću serbšćiny we Łužicy.
Serbsku rěč nawuknyli
Budyšin. Dohromady 40 wosobow w starobje 21 do 74 lět z dźesać krajow je so na lětušim lětnim kursu serbšćiny wobdźěliło. Woni zeznachu tež Łužicu, wšako pućowachu po bliskej krajinje. 23 kursistow bě so na pruwowanju wo certifikat wobdźěliło. Pruwowanja přewjedowachu wot niwowa A1 hač do C1 po zhromadnym europskim referencnym ramiku.
Na Berlinske wopory spominali
Kupjele so wjesela, skotarjo so starosća
Porchow/ Hrańca. (SN/StŠ) Temperatura wodnjo nad 35 stopnjemi, w nocy pak nic pod dwaceći stopnjemi – štož je za jednych perfektne lěćo, je za tamnych skerje wohrožace. W kupjeli w Porchowje so nad lěćnym wjedrom přewšo wjesela a so nadźijeja, zo tež woprawdźe tak horco budźe, kaž připowědźene. Wšako dotal hišće přewjele ludźi w prózdninach w Porchowje so kupać njebě, tak wuchowanski płuwar Sandro Funke. „Ludźo hladaja rano na wjedrowu app, a hdyž tam něšto wo hrimanju steji abo hdyž je trochu sylniši wětřik připowědźeny, potom zwjetša do kupjele njepřijědu.“
Bilanca po třoch njedźelach lěćnych prózdnin tuž předobra njeje. Jeničce na horcymaj dnjomaj kónc junija, jako temperatura na nimale 40 stopnjow stupaše, běchu kupanskej basenkaj a trawnik w Porchowskej kupjeli kopaće połne.
Čitarka Serbskich Nowin Hańžka Winterowa z Budyšina je nam slědowacy dopis sposrědkowała:
Mějach wostudłe domjace dźěło wudokonjeć a tak chcych sej čas z cejdejku porjeńšić. Wućahnych sej słuchoknihu „Dopomnjenja na młode lěta“ wot Jurja Kocha. A hižo za krótki čas mje čitanje awtora tak putaše, zo wšitko stejo a ležo wostajich. Lóštne a druhdy mjenje zwjeselace dožiwjenja we wuběrnej serbšćinje a ze šćipatym humorom mje hnujachu. Jako dźěše wo słódke buchtle we Warnoćicach, dyrbjach na słódne droždźowe plincy na Serbskej rozšěrjenej wyšej šuli w Małym Wjelkowje myslić. Hižo wotranja je cyła šula za nimi wonjała. Runje na tajkim dnju je mje knjez Kluk w hodźinje matematiki k tafli kazał. Hladach na nadawk kaž woł na nowe wrota. Ničo njezamóch wuličić, mějach jenož plincy we hłowje. Zludany mi zaso do ławki kazaše.
Budyšin/Chrósćicy (SN/MiR). Hanka Wowčerjowa přewza wot 1. awgusta 2026 poziciju direktorki šule w Chrósćicach. „Móžemy wobkrućić, zo su na serbskich zakładnych šulach w Budyšinje, Ralbicach a Chrósćicach wot 1. awgusta 2026 změny nastupajo wobsadźenje šulskeho nawodnistwa“, rěčnik krajneho zarjada za šulu a kubłanje Clemens Arndt po informacijach z Budyskeho stejnišća LaSuB dźensa na naprašowanje Serbskich Nowin zdźěli.
Dołho njebě so kmany požadar resp. požadarka za městno nawodnicy abo nawody Serbskeje zakładneje šule „Jurij Chěžka“ w Chrósćicach namakał, a to ani po wospjetnym wupisanju nic. „W poslednim wuzwolenskim procesu pak je so to poradźiło“, informuje Clemens Arndt po zakónčenju wobsadźenskeje procedury.
Serbski sejm chce zaso dialog
Budyšin. Nawjazujo na interview z Janom Malinkom (SN 30.7.) wuži Serbski sejm „přiležnosć, swoju wolu k dialogej z Domowinu znowa a zjawnje zwuraznić“, tak rěčnik dr. Stanisław Nawka. Woni bychu so wjeselili, by-li Jan Malink tajki dialog moderěrował. Hladajo na prekernu situaciju serbskeho ludu je wažne, zo so wo wšelakich wobsahach rozmołwjeja, kaž na přikład wo zachowanju a dalewuwiću serbšćiny we Łužicy.
Serbsku rěč nawuknyli
Budyšin. Dohromady 40 wosobow w starobje 21 do 74 lět z dźesać krajow je so na lětušim lětnim kursu serbšćiny wobdźěliło. Woni zeznachu tež Łužicu, wšako pućowachu po bliskej krajinje. 23 kursistow bě so na pruwowanju wo certifikat wobdźěliło. Pruwowanja přewjedowachu wot niwowa A1 hač do C1 po zhromadnym europskim referencnym ramiku.
Na Berlinske wopory spominali
Móšnju pokradnyli
Wojerecy. Jenož krótki wokomik je njeznatym skućićelam dosahał, zo bychu wutoru dopołdnja 67lětnu žonu we wobchodźe na Wojerowskim Łužiskim naměsće wobkradnyli. Žona bě swoju ručnu tobołku w předrasćerni wobchoda wostajiła, zo by sej po drastu šła. Tónle wokomik paduši wužichu a móšnju z tobołki pokradnychu. Při tym spakosćichu něhdźe tysac eurow. Dalše dokumenty abo pjenježne karty na zbožo w móšni njeběchu. Policija tuka, zo njeběchu paduši prěni raz aktiwni.
Lejpold. Poprawom je Lejpold mjez Worklecami a tak mjenowanym serbskim highwayjom chětro měrna mała wjeska, hdźež so lědma što stawa. Runje nawopak bě tomu minjenu sobotu, jako swjećachu tam tak mjenowany „Räck Ättäck“ festiwal. Běše to hižo šesty króć, zo tutón festiwal w Lejpoldźe wuhotowachu.
Hudźbny festiwal měrješe so wosebje na zajimcow punk rock hudźby – woni běchu wutrobnje witani. Wustupili su tam štyri skupiny, mjenujcy „Lendenzorn Emada“, „Die letzten Streichhölzer“, „Die Pfandpiratten“ a skupina „Bang Mustang“. Hudźbnicy tutych skupin su so z přećelskich kruhow hromadźe namakali. Jich wotpohlad je zhromadnje hudźenje a zwuraznjenje antifašistiskeho politiskeho měnjenja, kaž je to wot punk rocka znate. Skupiny pochadźeja zwjetša z kónčin wokoło Drježdźan a Pirny, kaž wopytowarjo w běhu wječora zhonichu.
„Sym Nowak“, tak so Pascal Nowak předstaji, kročo hordźe serbski puć, kotryž tež po serbskej kuchni wjedźe. Myslo na swojeju dźěda a wowku dopomina so wón na Slepjansku specialitu, warjeny twarožk.
Pascal Nowak je „Domojnik“ w druhim rěčnym kursu Syće za serbsku rěč a regionalnu identitu Zari. Jeho domizna je Slepo. „Mjeno mojeje wowki bě ,Hanuš‘ a stare mjeno našeho statoka bě ,Łušk‘“, Pascal powěda. W nim jewi so serbski pochad.
Róžant. Serbske šulske towarstwo přeprošuje wšitkich wučerjow, kubłarjow kaž tež něhdyšich a přichodnych pedagogow jutře, wutoru, we 18 hodź. do Róžeńčanskeje cyrkwje na Božu mšu składnostnje spočatka noweho šulskeho lěta. Po tym budźe zhromadna rozmołwa na zahrodźe.
Spěwaja na Tuchorju
Budyšin. Instrumentalna skupina Consonare organizuje jutře, 11. awgusta, we 18 hodź. wječorne spěwanje na Budyskim Tuchorju pódla cyrkwje, jeli so dešćuje w cyrkwi. Wobdźělnicy spěwaja němske a serbske spěwy. Zarjadowanje je darmotne. Dary za Tuchorsku cyrkej pak witaja.
