Sakska ze słabym wukonom
Kamjenc. Po informacijach krajneho statistiskeho zarjada je so hospodarski wukon Sakskeje w prěnjej połojcy lěta porno předlětu wo 0,3 procenty znižił. Z tym je wuwiće w swobodnym staće špatniše hač w zwjazkowym přerězku. Tam je hospodarski wukon wo 0,9 procentow stupał. Přičina sakskeho wuwića je přesnadny rozrost předźěłaceho a twarskeho přemysła.
Testowu přestrjeń zarjadowali
Nowa Wjes (Burgneudorf). Na tři hektary wulkim arealu blisko Noweje Wsy (Burgneudorf) je předewzaće za saněrowanje hórnistwowych kónčin LMBV testowu přestrjeń přihotowało. Wot spočatka oktobra chcedźa tam móžnosće za zhusćenje spódka wupruwować. To je trjeba, dokelž su wotrězki zwjazkoweje dróhi B 97 mjez Sprjewinym Dołom a Wojerecami wot suwanja spódka wohrožene.
Birkenstock smě produkować
Přistajeni Accumotive z kolegami branše so solidarizowali
Budyšin (SN/BŠe). Předsyda wobłuka produkcije koncerna Mercedes Benz Michael Schiebe je tónle tydźeń připowědźił, zo su nuzowani, kóšty za produkciju awtow w Němskej redukować. „Naš zaměr je, wšitke němske stejnišća zachować. Zo bychmy kóšty w Němskej znižili měli so na naprawy dojednać, kotrež su za kóždeho znjesliwe. Njeporadźi-li so nam tole, budźemy dwě tworni zawrěć dyrbjeć“, Schiebe zwurazni. To je jónu twornja, w kotrejž awta produkuja a dalša, hdźež dźěle jězdźidłow zhotowjeja. Jedna tajka je Kamjenska twornja Accumotive, w kotrejž baterije zhotowjeja. Z tym je kriza awtoweje branše tež Hornju Łužicu docpěła. Hakle minjenu póndźelu su dźěłaćerjo na Kamjenskim stejnišću protestowali.
Šefdirigentka Serbskeho ludoweho ansambla Katharina Dickopf je nam w zwisku z powěsću wo smjerći Ulricha Pogody slědowace linki sposrědkowała:
Smjerć Ulricha Pogody je mje jara zrudźiła. Runočasnje sym dźakowna, zo smědźach jeho wosobinsce zeznać a so w zašłymaj lětomaj na rozdźělne wašnje tež z jeho hudźbu zetkawać. Na swojim nastupnym koncerće ze Serbskej komornej filharmoniju sym prěni raz jednu z jeho twórbow, jednu z jeho „Marionetowych rejow“, dirigowała. Dalše twórby wot njeho smy mjez druhim we wobłuku našich sinfoniskich koncertow předstajili.
Nošerjo pěstowarnjow dyrbja na mjenje dźěći w kubłanišćach reagować
Budyšin/Miłoćicy/Radwor (SN/StŠ). Budyska měšćanska rada je před tydźenjemi wobzamknyła, zo dyrbi město klětu dohromady dwanaće personalnych městnow w swojich pěstowarnjach zalutować. Pozadk wobzamknjenja je, zo je město Budyšin w zašłosći wjace personala za hladanje dźěći zasadźowało, hač je po zakonju trěbne a předpisane. „W tajkej situaciji bohudźak njejsmy. Hač do klětušeho lěća wostanje wšitko kaž tuchwilu je. Potom pak – to tež k wěrnosći słuša – budźe mjenje dźěći a potom budźemy dyrbjeć hladać, što to konkretnje za naš personal woznamjenja.“ Hižo nětko je jasne, tak předsydka Serbskeho šulskeho towarstwa (SŠT) Katharina Jurkowa, zo klětu wjace dźěći z kubłanišćow do šule woteńdźe, hač maja nowych přizjewjenjow za žłobiki a pěstowarnje. „Nochcu na žadyn pad njeměr mjez sobudźěłaćerjemi šěrić. Budźemy spočatk noweho lěta ličić a na zakładźe toho rozsudźimy, hač a w kotrej měrje móža so wobmjezowane dźěłowe zrěčenja podlěšić abo nic.
Sakska ze słabym wukonom
Kamjenc. Po informacijach krajneho statistiskeho zarjada je so hospodarski wukon Sakskeje w prěnjej połojcy lěta porno předlětu wo 0,3 procenty znižił. Z tym je wuwiće w swobodnym staće špatniše hač w zwjazkowym přerězku. Tam je hospodarski wukon wo 0,9 procentow stupał. Přičina sakskeho wuwića je přesnadny rozrost předźěłaceho a twarskeho přemysła.
Testowu přestrjeń zarjadowali
Nowa Wjes (Burgneudorf). Na tři hektary wulkim arealu blisko Noweje Wsy (Burgneudorf) je předewzaće za saněrowanje hórnistwowych kónčin LMBV testowu přestrjeń přihotowało. Wot spočatka oktobra chcedźa tam móžnosće za zhusćenje spódka wupruwować. To je trjeba, dokelž su wotrězki zwjazkoweje dróhi B 97 mjez Sprjewinym Dołom a Wojerecami wot suwanja spódka wohrožene.
Birkenstock smě produkować
Woheń wulku škodu načinił
Běła Woda. Rězak w Běłej Wodźe je so wčera dospołnje wotpalił. Z dotal njeznateje přičiny bě tam dopołdnja woheń wudyrił. Škoda wučinja po informacijach policije něhdźe milion eurow. Za přičinami budu po wšěm zdaću hakle póndźelu slědźić móc. Tuchwilu je na arealu rězaka hišće přehorco, tak zo tam fachowcy policije dźěłać njemóža. Wodu za hašenje klumpachu mjez druhim z bliskeho hata. Nimo Běłowodźanskich wobornikow běchu tež jich kameradojo z Mužakowa a Brězowki zasadźeni. W rězaku předźěłachu drjewo ze Sakskeje, Braniborskeje a druhich kónčin.
Při najrjeńšim nazymskim wjedrje poda so njedawno skupina wuměnkarjow na přeprošenje Serbskeho šulskeho towarstwa na wuprawu do Rudnych horin. Po awtodróze dźěše přez Drježdźany do směra na Kamjenicu a dale přez Annaberg-Buchholz do Cranzahla na dwórnišćo Šmrěčničkoweje železnicy (Fichtelbergbahn). Čara za parnu lokomotiwu bu w lěće 1897 dotwarjena. Ze spěšnosću 25 km/h jědźechmy něhdźe 17 kilometrow po pisanej krajinje směr Oberwiesenthal. Darićelka bě so wo to postarała, zo sydaše po puću za kóždeho słódna kapka.
W Domje swjateho Jana w Smječkecach na wosebitu potrjebu reaguja
Smječkecy (SN/StŠ). Hordźe a přiwšěm měrnje a wěcownje pokazuje mi nawoda Domu swjateho Jana w Smječkecach, Richard Paška, nowe bydlenje, kiž su před krótkim na tamnišim arealu oficialnje do słužby wzali. Na prěni pohlad je to bydlenje kaž kóžde druhe. A tola ma někotre wosebitosće, nawoda domu rozkładuje: „Bydlenska jednotka je w přizemju a wopřijima nimo bydlenskeje spansku, kupjel a kuchnju a separatny rum za přebywanje našich sobudźěłaćerjow, móhłrjec běrow.“ To je trjeba, dokelž je čłowjek, kotryž w nowych rumnosćach bydli, 24 hodźinow dźeń wote dnja hladanja potrěbny.
Brětnja. Žiwe rjemjesło a wjesne žiwjenje móža wopytowarjo dworoweho swjedźenja jutře, sobotu, wot 10 hodź. w Brětni pola Wojerec dožiwić. W 11 hodź. předstaja dźiwadło za dźěći, poł hodźiny pozdźišo pokazaja młodźi wobornicy swoje kmanosće. W 12 hodź. demonstruja historisku młóćawu, štož w 16 hodź. wospjetuja. Wot 14 hodź. Serbska dźěćaca rejwanska skupina na wobdźělenych dworach zarejuje. Na Mjetaškec dworje budu wječor reje. Njedźelu přeprošuja w 9.30 hodź. na Božu słužbu a po tym na rańše piwko.
Koncertuja w cyrkwi
Pančicy-Kukow. Koncert pod hesłom „Pod hwězdnišćom“ wuhotuje chór ewangelskeje wosady Emmaus z Willicha nad Delnim Rynom jutře, sobotu, we 18 hodź. w klóštrje Marijina hwězda w Pančicach-Kukowje. Zaklinča twórby Albrechta Haafa z „Kantate Camiono de Santiago“ a Bobbija Fischera z „Missa Latina, Magnificat“. Zastup je darmotny.
Wiki dźěćaceje drasty
Budyšin. W Montessorijowej šuli na Budyskej Tzschirnerowej wotměja so jutře, sobotu, dalše wiki dźěćaceje drasty. Wot 14 do 16 hodź. poskićuja tam trjebanu drastu, hrajki a dalše wěcy za přijomnu płaćiznu.
