Drježdźany/Chrjebja (SN). Sudnicy Drježdźanskeho zarjadniskeho sudnistwa změja so bórze z bobrami zaběrać. W Hornjej Łužicy zwěrjata mnoho škodow zawo­stajeja. Wone štomy wobškodźeja a we wodźe haćidła natwarjeja. Dale a časćišo so tuž ludźo hněwaja, dokelž so při tym ­domy, wodźizny abo pola wobškodźa. Sakska chce nětko dwě swójbje bobrow do Francoskeje přesydlić. Škitarjo přirody z tym přezjedni njejsu a zapo­dachu wotpowědnu chwatnu próstwu přećiwo tomu. Předewšěm so akterojo Zeleneje ligi na tym postorkuja, zo je Drježdźanska krajna direkcija postajiła, zo maja so ­bobry morić, jelizo so přesydlić njehodźa. „Tuchwilu z toho wuchadźamy, zo k tomu njedóńdźe. Tu njeńdźe wo to populaciju pomjeńšić“, z krajneje direkcije rěka. Z dowolnosću maja so hospodarske škody wobmjezować a haty w Hornjej Łužicy dołhodobnje a naslědnje škitać.