Aktualny łužiski report konjunktury znazornja situaciju předewzaćow
Zhorjelc (AK/SN). Łužiske předewzaća swoju tuchwilnu hospodarsku situaciju wo tójšto słabšu pohódnoćeja, hač hišće lětsa w nalěću. Jich nadźija na změnu negatiwneho hospodarskeho trenda so spjelniła njeje. To je wuslědk 15. łužiskeho reporta konjunktury, kotryž stej Industrijnej a wikowanskej komorje (IHK) Choćebuz a Drježdźany wčera w Zhorjelcu předstajiłoj. Za report su zamołwići w septembrje we wokrjesach Zhorjelc, Budyšin, Hornje Błóta-Łužica, Łobjo-Halštrow, Sprjewja-Nysa kaž tež w měsće Choćebuz wulke naprašowanje přewjedli. Na nim wobdźěli so dohromady 600 firmow z branšow industrija a twarstwo, wikowanje, posłužby kaž tež gastronomija a hospodowanje.
