W Radworju chcedźa energijowe drustwo załožić. Hižo 4. decembra je załoženske zarjadowanje planowane w Radworskim hosćencu Meja planowane. Zajimcy su wutrobnje witani.

Radwor (SN/BŠe). Gmejna Radwor je hladajo na energiju druhim gmejnam we wokolinje dawno hižo z přikładom. W Radworju a Kamjenej maja mjenujcy kedźbyhódnu syć, kotraž wobydlerjow z ćopłotu zastaruje. Tajka syć je tež w Minakale předwidźana. Tole ma prěni projekt być, kotryž chce energijowe drustwo zwoprawdźić. Do toho pak ma so drustwo załožić, a to je přichodny štwórtk, 4. decembra, we 18 hodź. w Radworskim hosćencu Meja planowane. Na zhromadźiznu su wobydlerjo a wobydlerki, předewzaća a iniciatiwy gmejny přeprošene, kiž chcedźa aktiwnje a lokalnje změnu energije sobu přewodźeć. Zajimcy pak měli so po móžnosći do toho pola klimoweho managera gmejny Marcela Bellmanna přizjewić.