Bamž wopyta Kanadu

Montag, 23. Mai 2022 geschrieben von:

Vatikan (B/SN). Pontifeks je přiwzał přeprošenje indigenych zjednoćenstwow w Kanadźe. Wot 24. do 30. julija wopyta wón města Edmonton, Quebec a Iqaluit. Jedna z přičinow jězby je, zo wočakuja zjednoćenstwa zamołwjenje bamža za skutkowanje katolskeje cyrkwje nastupajo njeskutki w Residential Schools w Kanadźe. W 19. a 20. lětstotku su indigenym dźěćom wótcowsku kulturu rubili. Dźěći su čwělowali a znjewužiwali. Nošerjo zarjadnistwow běchu zwjetša cyr­kwje. Na wopyće wjacorych indigenych delegacijow kónc měrca w Romje je bamž hižo wo wodaće prosył, ale zjawnje w Kanadźe njeje so hišće zamołwił, štož potrjecheni wočakuja.

Wosady patriarchat wopušćili

Rólu maćerjow hódnoćił

Montag, 16. Mai 2022 geschrieben von:

Vatikan (B/S). K dnjej maćerjow je bamž Franciskus zasłužby tutych wysoko hódnoćił a sej njedźelu po připołdnišim modlenju na Pětrowym naměsće přiklesk za nich wuprosył. „Myslimy połni lubosće a přichilnosće na swoje maćerje. Myslimy tež na maćerje, kotrež wjace ­na zemi njepřebywaja, ale nas z njebjes podpěraja.“ Dźeń maćerjow swjeća stajnje na 2. mejskej njedźeli we wjace hač 40 krajach. Ameriska metodistka Ann Jarvis běše so 12. meje 1907 prěni raz wo wopomnjensku Božu mšu za swoju ze­mrětu mać starała, kotraž bě zwjazana z „Memorial Mother’s Day Meeting“.

Nabožina tež w politice wažna

Bamž žada sej móžnosć wućeka

Montag, 09. Mai 2022 geschrieben von:

Vatikan (B/SN). „Česću sej žurnalistow, kotřiž so wosobinsce za nowinarsku swobodu wopruja,“ praji bamž Franciskus na njedźelnym modlenju na Pětrowym naměsće. Wón pokaza na mjezynarodny dźeń nowinarskeje swobody 3. meje, na kotruž na swěće hižo 20 lět spominaja. Minjene lěto bu 47 žurnalistow morjenych a stotki buchu, swoje dźěło wukonjejo, zajeći. Za wobydlerjow Mariupola, kotřiž su sej wójnskeho stracha dla do wocloweho zawoda wućekli, žada sej bamž móžnosć wućeka z města. „Ćerpju a płakam, hdyž na ukrainski lud, wosebje na dźěći a słabych, myslu. Smy swědkojo makaberneho wo­spjetowanja surowosće čłowjestwa. Njedajmy so wot spirale ­brónjenja sobu storhnyć“, bamž na kóncu paćerjow apelowaše.

Wosebje ludnosć ćerpi

Jutry w Jerusalemje

Montag, 02. Mai 2022 geschrieben von:

Jerusalem (B/SN). Po dwěmaj lětomaj přestawki swjećachu 24. apryla zaso orto­doksne jutry w swjatym kraju. Israelska policija pak postaji w starym měsće Jerusalema, wosebje w Cyrkwi Božeho rowa, krućiše přistupne wobmjezowanja hač samo za čas koronapandemije. Město dotalnych 10 000 wobdźělnikow, smědźeše so jenož 4 000 ludźi na centralnych swjatočnosćach wobdźělić. Wo wjele mjenje putnikow wobdźěli so z Ukrainy a Ruskeje, za to wjace koptiskich křesćanow z Egyptowskeje. Wjeršk ortodoksnych jutrow, kotrež so po starym Julianskim kalendrje lětsa tydźeń po jutrach w zapadnych cyrkwjach woswjeća, bě jutrownu sobotu wječor prastara liturgija „Swjateje swěcy“.

Žiwa ekumena

Generalna awdienca

Montag, 25. April 2022 geschrieben von:

Vatikan (B/SN). Po dwěmaj lětomaj přestawki pandemije dla přijimaše bamž Franciskus jutrowničku 20 000 hosći na Pětrowym naměsće. W zašłymaj lětomaj wusyłachu zetkanja z bamžom přez online-widejostream. W swojim prědowanju prošeše 85lětny přitomnych a připosłucharjow namóc a agresije přećiwo starym ludźom njedowolić, wšojedne hač je to doma, w starowni, na dźěle abo na dróze. Bołmončku bě so na Božej mši 65 000 ludźi na Pětrowym naměsće wobdźěliło. Naprašowanje za kartkami za awdiency a kemše z bamžom přiběraja, wopod­statnichu we Vatikanje a w němskich pućowanskich běrowach.

Modlitwy za Putina

Ziemetshausen (B/SN). „Modliće so za tych, kiž was hidźa, žohnujće tych, kiž was zatamaja.“ To je křesćanske, měni Erwin Reichard, direktor putniskeho města Maria Vesperbild w Ziemetshausenje k modlenju na kemšach za Wladimira Putina. Reichard mjenowaše w swojim jutrownym prědowanju tajke modlitwy zmysłapołne. „My njewjećimy so a nikoho doskónčnje njezatamamy, ale my modlimy so za čłowjeka, kiž je ćežko hrěšił, zo by so nakazał a so na wěčne njezhubił.“

Žadaja sej wjetšu pomoc

Město swjateje Marije zničene

Dienstag, 19. April 2022 geschrieben von:

Mariupol (B/SN). Postsowjetske industrijne město Mariupol je ruske wójsko nimale dospołnje zničiło. Město bu 1780 załožene a ma 1 600lětnu křesćansku tradiciju. W běhu nětčišeje wójny su wjele cyrkwjow a cyrkwinskich drohoćinkow zničili. Tak je so w Mariupolu česćena „ikona swj. Jurja z Bachćisaraja“ zhubiła runje tak ikona swj. Ignacija, wot kotrejež bu znajmjeńša dźěl na domjacu grjeksku kupu Kythnos wuchowany. Roztřěskany je pomnik metropolita Ignaciusa před grjekskim kulturnym institutom. Tuchwilu steji hišće 2004 swjećena cyrkej swj. Ignaciusa z jeje pozłoćanymi kupo­lemi, kotrež kaž paćer wo měr do njebja sahaja.

Měšnicy přećiwo patriarchej

Bamž na kupje Malta

Montag, 11. April 2022 geschrieben von:

Gharb/Valletta (B/SN). Nimale dwě lěće su wobydlerjo Malty na wopyt bamža Franciskusa korony dla čakali. Něhdźe 2 000 přewažnje młodostnych so na naměsće zhromadźi, zo bychu 85lětneho ze žołto-běłymi chorhojčkami a popowej hudźbu witali. Malta je štwórty najmjeńši kraj Europy a na lisćinje krajow z najwyšim podźělom katolskeho wobydlerstwa na druhim městnje, hačrunjež tež tu wustupy z cyrkwje přiběraja. Prezident Malty George Vella rěčeše při witanju bamža wo problemach kaž wo „chorym, mučnym a surowym planeće“ a wo „njepředstajomnych wójnach, ćěkanjach a migracijach“. Bamž jemu w dalokej měrje přihłosowaše, šwikaše pak tež problem korupcije na kupje a přeješe sej „nawrót k rozswětlenju ewangelija“.

Wobmyslenja k wopytej

Prawosławne cyrkwje zničene

Montag, 04. April 2022 geschrieben von:

Kijew (B/SN). Po podaćach zarjadnistwa za etniske naležnosće a swobody swě­domja w Kijewje je ruske wójsko dotal za čas wójny 59 domow nabožneho charaktera w Kijewje, Donjecku, Žytomyru, Zaporižžju, Luhansku, Sumy, Charkiwje und Černihiwje wobškodźiło abo dospołnje skóncowało. „W času, hdyž propagandisća Krjemla swoje zaměry cynisce jako ,škit ortodoksneje wěry‘ zamazaja, ruiněruja agresiwne nadpady ruskeho wójska ortodoksne cyrkwje a nabožne zetkanišća“, pisa mjenowane zarjadnistwo na swojej internetnej stronje.

Jako symbol zwjazanosće

Wopyta bamž Ukrainu?

Montag, 28. März 2022 geschrieben von:

Kijew (B/SN). Po telefonaće minjeny tydźeń z bamžom Franciskusom je ukrainski prezident Wolodymyr Zelenskyj połny nadźije, zo pon­tifeks Ukrainu wopyta. „Sym přeswědčeny, zo by wopyt bamža kóždeho Ukrainjana dušinje podpěrał. Posrěd­kowansku rólu Swjateho stoła, skónčić bědu ludźi, bychmy jara witali.“ Vatikan je telefonat bjez podaća wobsahowych ćežišćow wobkrućił. „Tež Ruska by tajku posrědkowansku funkciju Swjateho stoła w dialogu mjez Ruskej a Ukrainu witała“, praji nawoda wotrjada za europske naležnosće wonkowneho ministerstwa Aleksej Paramonow statnej ruskej powěsćerni Nowosti.

Wótra kritika z Čěskeje

Pod škitom maćerje Božeje

Montag, 21. März 2022 geschrieben von:

Vatikan (B/SN). 25. měrca chce bamž Franciskus w pokutnej swjatočnosći wobydlerjow Ukrainy a Ruskeje w Pětrowej cyrkwi pod škit bjezhrěšneje wutroby maćerje Božeje Marije stajić. Zamołwity za socialne prašenja pola bamža, kurijowy kardinal Konrad Krajewski, budźe samsny dźeń na najwažnišim putniskim městnje swěta Fatimje nutrnosć po samsnym ritusu swjećić. W modlitwach budu wo wosobinske nakazanje a narunanje škodow prosyć.

Ortodoksna wosada zawrjena

Anzeige