Budyšin. Serbska komorna filharmonija Serbskeho ludoweho ansambla pod hudźbnym nawodom Kathariny Dickopf je wčera wječor hudźbnu prapremjeru prezentował. Lukaša Čórlichowa 1. sinfonija je na kóncu 1. sinfoniskeho koncerta w tutej hrajnej dobje w rjedźe štyrjoch kompozicijow pod hesłom „Najprjedy hra, potom chutnje“ zaklinčała. Žurla SLA běše derje wopytana. Program běše zajimcam dosć wulke wabjenje, sej hudźbny wječor lubić dać. Sinfonija čo. 1 Es-dur Wolfganga Amadeusa Mozarta (1756-1791) a sinfonija čo. 49 f-moll „La passione“ Josepha Haydna (1732-1809) je orchester wuměłsce derje zanjesł, jimaj pak pobrachowaše trochu žiwjenja. To rěka, zo móhli so barby instrumentow bóle swěćić. Concerto Es-dur za komorny orchester „Dumbarton Oaks“ z pjera Igora Strawinskeho (1882-1971) sej z wjace hudźbnikami zesylnjeny orchester zasłuži. Tak móhli akcenty, kotrež kompoziciju noša, sylnišo skutkować a bóle błyšćić. Tomu je bjezdwěla stajnje a zaso parowana koncertna akustika hrajnišća zadźěwała. S ...

Před jenož 49 přihladowarjemi je prěnje koparske mustwo ST 1922 Radwor wčera serbski koparski derby přećiwo prěnjemu koparskemu mustwu ST Marijineje hwězdy 4:1 (1:0) dobyło. Z tym je sej cyłk dalše tři dypki w boju přećiwo hrožacemu zestupej wuwojowało. Foto: Mia-Katarina Hrjehorjec

Wjace hač 100 wikowarjow a wšitke dźewjeć poprjancowych pjekarnjow města su minjeny kónc tydźenja w Połčnicy na lětušich poprjancowych wikach swoje słódne słódke pječwo a dalše chłóšćenki předawali. Wiki, kotrež přewjedu wot lěta 2003 stajnje­ prěni kónc tydźenja w nowembrje, su zdobom prěnje dohodowne wiki lěta w Sakskej. Foto: IMAGO/Sylvio Dittrich

Tysacy su romantiski kaž tež serbski wječor w Budyšinje dožiwiliBudyšin (SN/MiR). Bajkojće nakupować – to bě hesło lětušeje Romantici, zašłu sobotu w Budyšinje. Mjez wustajenišćemi tež serbske wusahowachu.Na žurli Serbskeho ludoweho ansambla zhromadźi so na wšěch 80 zajimcow za Caraga. Fantasy-roman knihu „Woodwalker. Carag so přeměnja!“, prěni z rjada knihow z pjera Katje Brandis, je nětko Lipšćanske nakładnistwo Veles pod nawodom Lubiny Hajduk-Veljkovićoweje w serbskej rěči wudało. Wo přełožk do hornjoserbšćiny je so Měrana Cušcyna starała. Wot serbskeho dźiwadźelnika Clemensa Bobki słyšachu wopytowarjo, kak so puma Carag na hólčeca přeměni a na Highschool dalšich přeměnjakow (Gestaltwandler) zeznaje. Ze swojim hłubokim měrnym hłosom zapřahny wón wopytowarjow do cuzeho swěta. Hudźbny přewod Tabeje Welsec duchowne pućowanje wožiwi.

„Nowa domizna Texas - Na slědach serbskich wupućowarjow“ rěka połhodźinski film Romana Nuka a Clemensa Šmita. Historiske sceny, kotrež pokazaja situacije před wjace hač 170 lětami, su z pomocu kumštneje inteligency zwobraznili. Po premjerje w Budyskim Dźiwadle na hrodźe minjeny štwórtk, su jón ludźo mjeztym hižo sobotu w MDR-telewiziji na městnje Wuhladka widźeli. Betina Wenderothowa je so woprašała, kak je so jim film lubił:Katrin Młynkowa z Pančic-Kukowa:Stawizna je wšako znata. Loni smy sej ju w dźiwadle wobhladali, „Won do swěta“ rěkaše kruch. Štož pak je mje nětko w filmje jara jimało, zo su tam w Texasu woprawdźe hišće ludźo, kotřiž so jako Serbja identifikuja – tež nětko hišće, telko lět pozdźišo.Milan Jurk z Hórkow:Ja sym jara fascinowany, što je wšitko z KI móžno. Sym sej z přećelemi runje hižo rjekł, zo dyrbi film do šulskeje wučby. Tam je to dobra móžnosć, zo šulerjam stawizny Serbow wizuelnje pokazaš. Tak sej snadź lěpje předstajić móža, kak to bě.Sylwija Šěnowa z Budyšina: ...

Nadběhowar sobotu w Krakowje šěsć ludźi zatřěliłKrakow. Zahubna ataka nadběhowarja w Krakowje ze šěsć smjertnymi wopo­rami a 15 zranjenymi wosobami šokuje cyłu Pólsku. Pólski staćan běše minjenu sobotu něhdźe w 15 hodź. w Krakowskej turistiskej štwórći blisko hłowneho torhošća ze swojeho awta won na pasantow třělał. Mjez morjenymi je štyri Polakow, Awstričanka a Wulkobritaničan. Mjez zranjenymi je pjeć turistow z wukraja, mjez druhim tež z Němskeje.We wobrónjenym rozestajenju zrani Krakowska policija atentatnika chutnje. Dźensa w nocy je wón w chorowni zemrěł. Tež zastojnikaj policije so zraništaj. Jedyn z njeju – Jakub Kuklik – ćežko. Policija je ludnosć namołwjała, zo njech za njeho krej darja. Wón běše so wobrónjenemu atentatnikej „rozsudźeny a bjez kóždeho wahanja napřećo stupił“.