Prěnje wolejbulowe mustwo Sportoweho towarstwa Viktoria Worklecy je z ...
Prěnje domjace dobyće sezony
ST Marijina hwězda –
ST Lubuš 6:1 (2:1)
zestawa domjacych: D. Matik – T. Jurš, R. Cyž, K. Pakoßnick (72. J. Clausen), E. Bulank - Fr. Bulank (76. D. Leppers), J. P. Kuring, Ch. Cyž, M. Wróbl (58. Luk. Hoge) - J. Pakoßnick (68. F. Nagmatov), A. Eldor
Jenož štyrceći přihladowarjow bě sej na sportnišćo w Pančicach-Kukowje dojěło. Wjetšina z nich pak njeje wopyt docyła wobžarowała. Klóšterscy koparjo na tutym dnju mjenujcy nimale kóždu šansu na wrota wužichu.
Wrotowy festiwal startował bě Franc Bulank. Po dwójnej přihrawce mjez Maćijom Wróblom a Christofom Cyžom druhi mjenowany bul preciznje k młodemu Wotrowčanej třěli. Bulank na to wrotarja Josepha Schuppana přewiny (24.). Nažel pak jenož štyri mjeńšiny dołho nawjedowachu, dokelž so po róžku žadyn hrajer hosćićela za Dustina Waltera zamołwity nječuješe. Z něhdźe pjeć metrow wón bul do zdaleneho róžka zhłójčkowa. Ali Eldor pak měješe na to w 38. mjeńšinje prawu wotmołwu. Po tym zo běše Franc Bulank duel w powětře za sebje rozsudźił a z tym Jakoba Pakoßnicka posłužił, so Pakoßnik hač k zakładnej liniji přesadźi. Ali Eldor suny přihrawku na to jenož hišće za wrotowu liniju.
Čerwjene košle derby dobyli
SJ Njebjelčicy – SJ Chrósćicy II 4:0 (1:0)
zestawa domjacych: Hahn – R. Čornak (68. Lehmann), Hanuza, Korjeńk (68. Marticke), Hrjehor, Krawčik (81. Čornak), Rudolf, Statnik (81. Reineke), Wjerš, Zarjeńk (46. Wagner), Plaettner
zestawa hosći: M. Cyž – Zynda, M. Zahrodnik (61. B. Donat), C. Handrik, F. Zelnak (90. Klemenz), Materna, J. Donat, Mlynk, Šiman (68. D. Dyrlich), Bjeńš, T. Donat
Chróšćenjo njezbožownje přěhrali
SJ Chrósćicy II –
HZ Hórnikečanski jězor / Kulow II 0:2 (0:0)
zestawa domjacych: Kola – J. Donat, Cyž (46. Zarjeńk), Młynk, T. Donat, Zahrodnik, Sćapan (59. Šołta), Wornar (46. Hicka), Bjenš, Dyrlich (84. Mark), Klemenc
Na minjenym hrajnym dnju witaše druhe koparske mustwo SJ Chrósćicy hrajne zjednoćenstwo Hórnikečanski jězor / Kulow II. Po poražce 0:4 tydźenja w Njebjelčicach chcychu Chróšćenjo wotpowědnje reagować.
Domjace mustwo startowaše spočatnje derje do hry a měješe tež hižo zahe wulku móžnosć na nawjedowanje. Po foulu w šěsnatce pokaza sudnik na dypk. Pokutny kop pak Chróšćanski hrajer we wrotach njezaměstni. Z tym so hrajny staw najprjedy raz njezměni (0:0).
Po tym wuwi so bojowniska hra, w kotrejž pak běchu jasne šansy před woběmaj wrotami rědkosć. Chróšćenjo spytachu přeco zaso swojich spěšnych hrajerjow z niskimi bulemi posłužeć, tola přeco zaso hosćo tute hišće w prawym wokomiku wotwobarachu. Krótko do přestawki wuhrachu sej hosćo swoju najlěpšu šansu. Nadběhowar třěleše z něhdźe 18 metrow, bul pak skoči najprjedy na žerdź a potom do rukow wrotarja. Tak podachu so wšitcy bjez wrotow do přestawki.
Sylny połčas Njebjelčanam dosahał
FSV Łuty –
SJ Njebjelčicy 0:3 (0:3)
zestawa hosći: Hahn – R. Čornak (81. T. Čornak), Wjerš, Korjeńk (76. Lehmann), Hrjehor, Krawčik, Dennis Vega de Paz (45. Marticke), Rudolf, Statnik (48. Wjacławk), Zarjeńk, Plaettner
W pjatej hrě sezony je mustwo Sportoweje jednotki Njebjelčicy we Łutach přećiwo tamnišemu FSV nastupiło. Z wosom dypkami běchu Łutowčenjo trochu lěpje do sezony startowali. SJN měješe do hry pjeć ličakow. Tuž wobě mustwje do furiozneje partije startowaštej. Traješe jenož 30 sekundow, doniž Ionel Statnik 1:0 (1.) njetrjechi.
Po diagonalnym bulu Jonasa Krawčika wuži třělc wrotow swoje tempo, wostaji zakitowarjow za sobu a połoži bul do dołheho róžka. Dołhi bul bě jara dobry srědk, so do strašnych rumow „zadobyć“. Tuž jón tež Handrij Korjeńk wuži, zo by ze swojej spěšnosću před wrota přišoł. Korjeńk ležernje 2:0 (21.) trjechi. Cyłk trenarja Daniela Pohling bě jasnje lěpše mustwo. Defensiwnje stejachu Njebjelčenjo stabilnje a doprědka wužiwachu tempo ofensiwnych mocow.
Wuslědki (22.09.26)
wokrjesna liga stafla II
1. TSV Połčnica 4 21:8 10
2. Zeleno-běli Sepicy 5 13:11 10
3. HZ Łaz/Běły Chołmc 5 21:17 9
4. SJ Njebjelčicy 5 13:7 8
5. ST Kinspork/Łužnica 5 12:6 8
6. FSV Łuty 5 8:8 8
7. ST Marijina hwězda 5 11:12 7
8. FC Łužica 5 12:12 6
9. ST Lubuš 4 5:15 6
10. Módro-běli Minakał 4 11:9 5
11.Wulke Ždźary / Kulow II 5 10:13 5
12. SJ Chrósćicy II 5 3:12 4
13. Natw. Němske Pazlicy II 4 4:8 2
14. ST Radwor 5 5:11 1
wokrjesna klasa stafla I
1. TSV Wóspork 4 18:3 12
2. ST Demicy-Tumicy 4 14:4 9
3. SZ Drjewnica 05 3 8:1 9
4. HZ Hodźij II 4 12:10 9
5. Zeleno-běli Bukecy II 4 17:6 6
6. HZ Mały Wjelkow 4 8:8 6
7. Hz Mały Wosyk 4 4:9 3
8. ST Horni kraj Sprjewja II 4 3:15 3
9. HZ Arnsdorf II 4 5:9 0
10. HZ Budyšink 3 1:25 0
Kónctydźenskewuslědki (21.09.26)
Kopar SJ Njebjelčicy Ionel Statnik je sobotu za Njebjelčanow we Łutach hižo w prěnjej mjeńšinje wrota trjechił a cyłk SJN spěšnje na dobyćerski puć wjedł. Hišće do połčasa trjechištaj tež Handrij Korjeńk a Wiliam Plaettner. Hrajny staw 3:0 po połčasu bě zdobom kónčny wuslědk. W tabulce wokrjesneje ligi stafla dwaj sunychu so Njebjelčenjo na štwórte městno. Pančanscy koparjo přěhrachu w Běłym Chołmcu 2:5 (0:1). Wrota za hosći docpěštaj Christoph Cyž a Jakob Pakoßnick. SJ Chrósćicy II – HZ Wulke Zdźary/Kulow II hrajachu 0:2 (0:0) a ST Kinspork/Łužnica – ST 1922 Radwor 4:1 (2:0). Hosćo z Radworja chcychu w pjatej hrě skónčnje zaso połnje dypkować. Hižo w prěnjej mjeńšinje pak hosćićeljo nawjedowachu. Čestne wrota docpě Claudius Buša. Z jednym dypkom steji Radworske mustwo na poslednim městnje w tabulce.
Chróšćenjo su wčera koparski derby přećiwo Kulowčanam wysoko ...
Widźał,słyšał, napisał (21.09.26)
Awtor dźensa
Jurj Bjeńš
Jako wčera popołdnju na swojim šmóratku někotre Whatsapp-statusy přelistowach, so pola znateje žony z Němcow chětro dźiwach. Wona gratulowaše sportowym akrobatkam z Wojerec k złotej medali na swětowych mišterstwach. To wězo hnydom rešeršowach a wučitach, zo so w italskim měsće Pesare kónc tydźenja najlěpši juniorowi sportowi akrobaća zetkachu. Nona Kara a Johanna Schöne wot SC Wojerecy nastupištej w dwójce za Němsku a sej titul swětoweju mišterkow wudobyštaj. Dyrbju sprawnje prajić, zo hač do wčerawšeho scyła njewědźach, zo tajka sportowa disciplina eksistuje a zo so wona pola nas we Łužicy na tajke profesionelne wašnje wukubłuje a trenuje. Štóž chce sej raz wobě holcy wobhladać, kak elegantnje so wonej po parkeće hibatej, tón na youtube te abo tamne widejo namaka.
Zestupnikej ličakaj darili
FC Energija Choćebuz – FC St. Pauli 1:1 (1:0)
zestawa hosći: Lotka – Rorig, Erlein, Manu, Borgmann – Bittencourt (62. Pelivan), Michelbrink (79. Doumbia) – Copado (62. Kinsombi), Ciğerci (79. Bogdanov), Hannemann – Butler
wrota: 1:0 Butler (37.), 1:1 Kaars (81.)
přihladowarjo: 18.772
Po 4:4 přećiwo VfL Wolfsburgej je sej FC Energija Choćebuz tež přećiwo druhemu zestupnikej z prěnjeje ligi dypk zawěsćiła. Tola přećiwo Hamburgčanam su sej Łužičenjo wčera poprawom dwaj ličakaj wjace wudobyć dyrbjeli. Hosćo so mjenujcy žołto-čerwjeneje karty dla hižo po 20 mjeńšinach personelnje wosłabichu. Hnydom před kromy šěsnatki bě Ando w centralnej poziciji swojeju přećiwnikow Tocayja Ciğercija a krótko pozdźišo Moritza Hannemann njefairnje foulował. Rozsud sudnika: Wón pokaza jemu žołto-čerwjeny kartonk. To bě korektne. Energija pak najprjedy jara dobre móžnosće na wrota njewužeše. To poradźi so hakle Justinej Butlerej, kiž w 37. mjeńšine kombinaciju z podobneje pozicije mócnje do róžka třěli. Energija hraješe hač do přestawki dale z wysokim tempom, tola dalše wulkošansy njeje nadźěłała.
