Kónctydźenske wuslědki (09.11.26)
Koparske wuslědki wokrjesneje wyšeje ligi: Módro-běli Kulow – Drohotka Ramnow 1:1 (1:0), SJ Chrósćicy – LSV Hory 0:4 (0:3) a Sokoł Ralbicy/Hórki – FSV Bretnig-Hauswalde tež 1:1 (1:1). Za Ralbičanow bě Livius Frencl (23.) wrota trjechił. Krótko po tym (24.) hosćo hižo wurunachu. Wšitke tři dypki ze serbskeho koparskeho derbyja ST 1922 Radwor – ST Marijina hwězda su nětko na dypkowym konće Radworčanow. Woni dobychu derby 4:1 (1:0). Za domjacy cyłk trjechichu Mick Grubert (8.), Marlon Wencel (53.), Julien Glücklich (55.) a Ben Grubert (78.) do saka. Čestne wrota za Pančanow docpě Christoph Cyž (77.). SJ Njebjelčicy – FC Łužica 1:1 (0:1). Wrota za Njebjelčanow docpě Jonas Lehmann (86.). SJ Chrósćicy II – Módro-běli Minakał: 0:4 (0:0).
Wuslědki wokrjesneje klasy: HZ Lubuš – ST 1922 Radwor II 3:0 (1:0) a HZ Njebjelčicy II / Ralbicy II / Pančicy II – HZ Łaz: 3:3 (2:1). Za hosćićelow trjechištaj Robert Lejnart (25.) a dwójce Emilio Wätzig (13., 48.). Wosebje mjerzace běchu za domjacy cyłk po nawjedowanju 3:1 wrota přećiwnika w 90. mjeńšinje. Młodźina B Sokoła Ralbicy/Hórki je nazymski mištr wokrjesneje ligi stafla III. Cyłk doby sobotu doma 3:1 (1:1) přećiwo hosćom z Biehla / Cunnersdorfa. Wrota za Sokoł třělichu Rafael Čornak, Robert Čornak a Milan Šmit.
Před jenož 49 přihladowarjemi je prěnje koparske mustwo ST 1922 ...
Widźał,słyšał, napisał (09.11.26)
Awtor dźensa
Kilian Hrjehor
„Wy tu radšo dale njeběžće, wzmiće wokołopuć!“. Hłós muža bě chutny, mjezwočo lózyske. Minjeny pjatk běchmy sej pjeć Sernjančanow a Róžeńčanow do Braunschweiga dojěli, zo bychmy FC Energiju Choćebuz při wonkownej hrě druheje zwjazkoweje ligi podpěrali. Po puću k stadionej chcychmy jeničce křižowanišćo přeprěčić. Tola koparski fan Eintracht Braunschweig nam jasnje wujasni, zo je tutón puć po wšěm zdaću jenož za Braunschweigskich fanow. Wo přećelnym pokiwje tu znajmjeńša pisać njemóžu. Najebać tutoho trochu spodźiwneho zetkanja bě naš stadionowy wopyt měrliwy. Sportowsce drje smy hladajo na wuslědk 0:0 mało swjećili, tola to njebě při kóždej koparskej hrě w Braunschweigu tak. Wosebje hdyž rěka přećiwnik Hannover 96.
Słaba hra wobeju cyłkow
Eintracht Braunschweig – FC Energija Choćebuz 0:0
zestawa FC Energija: Lotka - Rorig, Erlein, Manu, Guwara (87. Doumbia) - Bittencourt, Michelbrink (87. Ciğerci) - Hannemann, Copado, Kinsombi (78. Boziaris) - Butler
přihladowarjo: 21 151
Wuslědki (09.11.26)
2. zwjazkowa liga
1. Hertha BSC 11 25 :9 31
2. 1. FC Nürnberg 11 26 :13 24
3. 1. FC Kaiserslautern 11 10 :7 21
4. 1. FC Magdeburg 11 25 :14 20
5. VfL Wolfsburg 11 26 :16 19
6. DSC Arminia Bielefeld 11 18 :16 17
7. 1. FC Heidenheim 1846 11 19 :20 16
8. VfL Bochum 1848 11 11 :13 14
9. FC St. Pauli 11 13 :16 12
10. SpVgg Greuther Fürth 11 13 :19 12
11. Hannover 96 11 12 :18 12
12. FC Energija Choćebuz 11 18 :20 11
13. Eintracht Braunschweig 11 16 :18 11
14. VfL Osnabrück 11 14 :18 11
15. Dynamo Drježdźany 11 15 :20 11
16. Karlsruher SC 11 15 :24 11
17. SV Darmstadt 98 11 9 :21 9
18. Holstein Kiel 11 11 :14 8
Sport (06.11.26)
Wolejbul w Serbach
Prěnje a tež druhe wolejbulowe mustwo Viktorije Worklecy hrajetej sobotu w samsnym času w domjacymaj sportowymaj halomaj. Prěnja garnitura Viktorije nastupi dwójce w sakskej klasy w Ralbicach a rezerwa dwójce we wobwodnej lize we Worklecach.
07.11. 14:00 ST Viktoria Worklecy –
CVJM Zhorjelc
07.11. 16:00 ST Viktoria Worklecy –
Volleys Koblicy
07.11. 14:00 ST Viktoria Worklecy II –
Kundraćicy
07.11. 16:00 ST Viktoria Worklecy II –
TSV Niederoderwitz
Serbski derby w Radworju
Přichodnu njedźelu wotměje so sep zajimawych koparskich hrow. W Radworju přewjedźe so na přikład serbski koparski derby mjez prěnimaj koparskimaj mustwomaj z Radworja a Pančic-Kukowa. W Chrósćicach a tež w Njebjelčicach móža sej přihladowarjo zajutřišim dwě hrě za sobu wobhladać.
07.11. 14:00 Módro-běli Kulow –
Drohotka Ramnow
08.11. 11:30 HZ Njebjelčicy –
HZ Łaz/Běły Chołmc II
08.11. 13:30 Budissa Budyšin –
VfL Halle 96
08.11. 11:30 SJ Chrósćicy II –
Módro-běli Minakał
08.11. 14:00 SJ Chrósćicy –
LSV Hory
08.11. 14:00 SJ Njebjelčicy –
FC Łužica
08.11. 14:00 ST Radwor –
ST Marijina hwězda
08.11. 14:00 Sokoł Ralbicy/Hórki –
Bretnig-Hauswalde
Přeprošuja na billard
Chróšćenjo faworitej podleželi
HZ Łaz/Běły Chołmc –
SJ Chrósćicy II 5:2 (2:1)
zestawa hosći: Kola – Donat, Materna, Młynk, Mark (83. Richter), Brühl (46. Sćapan), Hicka (88. F. Zahrodnik), Wornar, M. Zahrodnik, Budar (80. Zarjenk), Bjeńš (88. Dźisławk)
Dobyće krótko do kónca misnyli
FSV Bretnig-Hauswalde –
SJ Chrósćicy 1:1 (0:1)
zestawa hosći: Škoda – Cyž, Kral-Zahrodnik, Dźisławk, Zynda, Zelnak (63. L. Zahrodnik), Hawš, Žur, Rätze (70. Handrik), Šiman (74. G. Zahrodnik), Bogusz
Njedźelu běchu Chróšćenjo z hosćom pola postupnika Bretnig-Hauswalde. Po perfektnym oktobrje, w kotrymž su wšitke štyri hry dobyli, chcychu Chróšćenjo z pozitiwnej seriju pokročować. Domjacy běchu sej dotal 17 dypkow nazběrali. Z tym stejachu w hornim dźělu tabulki.
Najebać sylnu hru podleželi
TSV Połčnica –
SJ Njebjelčicy 4:1 (1:0)
zestawa hosći: Weclich – Hanuza, Hrjehor (86. Herrmann), Korjeńk, Wjerš, Marticke (75. R. Čornak), Krawčik, Rudolf, Wjacławk, Zarjeńk (75. Lehmann), Plaettner
Tež hdyž běchu Njebjelčenjo derje do sezony startowali, steješe pola njeporaženych Połčničanow sydom dypkow wjace na dypkowym konće. Tuž bě hižo do dypkoweje hry jasne, zo budźe to pola načolnika tabulki najćeši duel za Njebjelčanskich hrajerjow.
Hosćićeljo wot wšeho spočatka pokazachu, zo běchu jako zestupnik a načolnik tabulki faworit. Přiwšěm hosćo najprjedy jara derje sobu dźeržachu. Defensiwnje nastajene mustwo trenarja Daniela Pohlinga měješe sylnu ofensiwu hosćićelow derje pod kontrolu. Tež doprědka so SJN přeco zaso zwaži. Dźakowano spěšnym wonkownym hrajerjam nastachu dobre šansy, kotrež pak wostachu njewužite. Prěnje wrota hry docpěchu tuž hosćićeljo. Róžk suny so płonje přez šěsnatku, skoči njezbožownje do nohi Jonasa Krawčika a wottam dale k 0:1 (36.) do wrotow.
Wuslědki (04.11.26)
wokrjesna klasa stafla III
(wurězk z tabulki)
1. Módro-běli Njeswačidło 8 50: 7 24
2. HZ Běła/Cunnersdorf 8 33: 10 21
3. LSV Hory II 8 34: 8 18
4. ST Ćisk 8 24: 18 11
5. HZ Łaz/Běły Chołmc II 7 20: 25 10
6. Njebjelčicy II/Ralbicy II/Pančicy II
8 16: 23 8
