Nošerjej LIPA a KIJU kooperujetej na dobro dźěći w lěćnych prózdninach
Smjerdźaca/Budyšin (SN/MiR). Pytajo w interneće za prózdninskimi poskitkami, su informacije wšelakore. Sobudźěłaćerki LIPY w Smjerdźacej šěrja je po socialnych syćach, na Instagramje abo Whatsapp. Wot dźensa hač do srjedy je tam dźěłarnička za dźěći wot wosom lět, kotrež pod nawodom Móniki Młodźinkoweje šija. Posledni tydźeń prózdnin přihotuja mjeztym hižo tradicionalny medijowy a sportowy camp, na kotrymž so 32 dźěći wot 1. do 4. lětnika wobdźěla. „Nowinka je nastawaca kooperacija ze Biskopičanskej syću za dźěći a młodostnych KiJu“, rjekny sobudźěłaćerka LIPY Michaela Raabowa na naprašowanje SN. „Pojědźemy jedyn dźeń do campa KiJu při jězorje w Němskich Pazlicach.“, wona doda. Zhromadnje z tam přebywacymi dźěćimi chcedźa zabawny dźeń dožiwić a so mjez sobu zeznać. Dale wita sobudźěłaćerka LIPY Franciska Šnablowa 6. a 7. awgusta holcy wot 5. lětnika w Smjerdźacej na dnjej połnej kreatiwnych idejow.
Njeswačidło (SN/bn). Pod hesłom „Dialogi na hrodźe“ wuhotowachu wčera Gerold Gnausch (klarineta, saksofon), Matthias Hübner (cello) a Paul Bernewitz (křidło) lětsa druhi Njeswačanski koncert na hrodźe. Na kopatej połnej žurli – nawal bě zarjadowace Kulturne a domizniske towarstwo Njeswačidło tak překwapił, zo ani stólcy ani spřihotowane programowe leporela njedosahachu – zahrachu so wotměnjejo solistisce, w dueće a jako trijo wubrane kompozicije mjez druhim Georga Friedricha Händela, Johanna Sebastiana Bacha a Françoisa Couperina. Kontrast k mištram baroka wutworichu z dohromady dźesać twórbami Jana Cyža. Sylny aplaws publikuma bě instrumentalistam mytowanje wuběrneho wirtuozneho wukona a dopokaz, zo njezamóže nowa serbska hudźba žurle jenož pjelnić, ale tež zahorjeć.
Wyši koparski ligist FSV Budissa Budyšin nastaji so tež zboka hrajnišća dale na přichod a zesylnja team 1. mustwa muži. Z Franzom-Josefom Zechom a Uwe Schlenkrichom přewozmjetej angažowanej wosobinje nowe nadawki kołowokoło wyšeho ligista.Franz-Josef Zech je swoju aktiwnu karjeru jako kopar zakónčił a so bjezposrědnje na pobóčnu liniju podał. 30-lětny budźe přichodnje jako druhi kotrenar trenarski team wokoło šeftrenarja Stevea Dieski a kotrenarja Erica Prentkeho wudospołnić. Po wjele lětach jako hrajer w sakskej amaterskej kopańcy zběra Zech z tym swoje prěnje nazhonjenja w trenarskim wobłuku a budźe swoju koparsku ekspertizu přichodnje mustwu dale dać. Za čornoběłych njeje mjeno Zech při tym njeznate: Franc-Josef je starši bratr ofensiwneho hrajerja Karla-Ludwiga Zecha a budźe přichodnje zhromadnje z nim za Budissu Budyšin skutkować. Tón jedyn na hrajnišću, tamny při pobóčnej liniji.
Lětuši kongres Europasion su před tydźenjomaj w awstriskim měsće St. Martgarethen w Burgenlandźe přewjedli. Mjez wobdźělnikami běše skupina Serbow.Chrósćicy/St. Margarethen (SN/MiR). Pasionske hry St. Margarethen we awstriskim Burgenlandźe woswjeća lětsa stoty jubilej. Tuž su tamniši akterojo čłonow europskeho třěšneho zwjazka Europasion na kongres přeprosyli. Zdobom su wot 23. meje do 12. julija nowoinscenaciju pasionskeje stawizny „Mirjam – sylna kaž smjerć je lubosć“ předstajili. Předstajenje na hrajnišću w něhdyšej skale su nimo domoródnych a mnohich dalšich zajimcow tež wjacori Serbja, kotřiž su so na kongresu wobdźělili, sćěhowali. „To běše přemóžace dožiwjenje“, rjekny Marcel Haza, kotryž je zhromadnje z Pětrom Zahrodnikom tekstowu předłohu za lońše pasionske hry w Chrósćicach pisał. „Najbóle putało je Mirjam a jeje dušiny a duchowny poměr k Jězusej kaž tež wočiwidna zhromadnosć hrajerjow“, wón doda. ...
Pod hesłom „W mnohoće mjez sobu zwjazani – United in PRIDE“ je ...
Wšitcy njefaworića won z mišterstwa
10 lět po nadpadźe w Nizzy
AfD program předstajiła
Wyše dawki na tobak a alkohol
Zawrjenja zawodow wobeńdźomne?
Lěpše naćiski zakonjow prošu!
Tajke a hinaše wopory
Cyrkej móža nětko saněrować
To a tamne (13.07.26)
Rědki serbski kwas swjećeštaj sobotu Ambrož Handrik ze Serbskich Pazlic a Božena Hojerec z Jaseńcy. W Chróšćanskej cyrkwi je jeju kapłan Florian Mróz wěrował. Wšitke kwasne wobrjady nawjedował a so wo dobru naladu na kwasnej hosćinje w Haslowje starał je braška Fabian Hejduška. Ruce połnej dźěła měješe tohorunja fotograf, kotryž njeje jenož kwasny por na najrjeńšim dnju jeju žiwjenja zwěčnił, ale tež wjele dalšich dopomnjenkow zapopadnył. Foto: Tomaš Šołta
Čitarka SN Claudia Knoblochec z Radworja je slědowacy tekst wo přećelu Serbow Brianu Rigwaldźe z Minnesoty zapósłała:
