Tež serbscy młodostni wužiwaja pisany spektrum poskitkow
Budyšin (SN/VaŽ). Bórze je zaso lěćo, a z tym zahaji so lětuša festiwalna sezona w srjedźnej Němskej. Mjez jězorami, před kulisu bywšich industrijnych twarjenjow abo druhdźe wotměwaja so tež lětsa mnohe znate hudźbne festiwale na wulkich jewišćach pod hołym njebjom. Wot skerje měrnych a wotpinacych partyjow hač k twjerdej techno-hudźbje je za kóždy hudźbny słód něšto pódla.
Sezonu zahaji Sputnik Spring Break Festival, kotryž so wot 22. do 25. meje w Saksko-Anhaltskej při Goitzscheskim jězorje wotměje. Swjatkowny kónc tydźenja přeměni so tamniša połkupa Pouch na swjedźenišćo. Wopytowarjo móža tam wjacore dny campować a tři dny swjećić. Festiwal skići měšany hudźbny program z elektroniskej hudźbu, hip-hopom, popom kaž tež z bijadłami a basom. Wuměłcy kaž Tream, Roj Bianco, a Zartmann so wo pisany program postaraja.
Špihelowa sćěna „dobreje stwy“ Budyskeho towarstwa Dźěłań dźeń spožča wustajeńcam rjadu Wuměłstwo we wukładnišću přidatnu dimensiju, kajkuž tuchwilu tam prezentowaca so Konstanze Maii wušiknje wužiwa. Minjeny pjatk poda wona na wernisaži, kotruž Florian Kaulfürst moderěrowaše, dohlad do swojeho tworjenja. Nimo toho předstaji wurězki ze swojeje knihi „Wir kennen uns doch vom Swinger-club“, při čimž so „předelikatnych detailow“ wědomje wzda, zo by potencielnemu čitarstwu lekturu prawje přichwalała. Publikaciju poskićuje mjez druhim we wobłuku přehladki, kotraž je hač do spočatka julija přistupna. Foto: Jörg Stephan
Wulke wjeselo knježeše sobotu w Zhorjelcu, jako so koparske mustwo młodźiny B Budissy Budyšin w sakskej klasy stafla wuchod 2:0 (2:0) přećiwo hrajnemu zjednoćenstwu Zhorjelc/Holtendorf přesadźi. Z tym njeje mustwo trenarja Tadeja Cyža jenož mišterstwo dobyło, ale smě w nowej hrajnej dobje klasu wyše w krajnej lize hrać. Prědku wotlěwa sedźa Paul Weidlich, Jason Göhlert, Linus Hrjehor, Anton Noack, Tamino Krönert a Tobi Zieschang. Srjedźa wotlěwa steja kotrenar André Domsch, kmótr mustwa Tim Cellarius, Elias Betker, Arvin Schulze, Paul Richter, Jonas Wolf, Nik Kohl, Tizian Schuster a trenar Tadej Cyž. Zady wotlěwa steja Constantin Märcz, Matej Kober, Milan Jurk, Matej Nuk, Kilian Cyž a Pepe Zint. Na wobrazu pobrachujetaj Neo Pohle a Emil Marrack. Arvin Schulze a Tizian Schuster staj młodźinu B Budissy w zymskej přestawce wopušćiłoj a hrajetaj nětko za Kamjeničanski koparski klub. Foto: Budissa Budyšin
„Ukraina je strategiski partner Němskeje“, wuzběhny zwjazkowy zakitowanski minister Boris Pistorius (SPD, naprawo) na swojim wčerawšim wopyće w Kijewje. Mjez druhim rozjimaše ze swojim ukrainskim kolegu w zastojnstwje Mychajlom Fedorowom (nalěwo) móžnosće dołhodobneho zhromadneho dźěła w zwisku z nowymi wojerskimi systemami. Foto: imago
Mjez 22 projektami aktualneho Leader-spěchowanja Europskeje unije w našich kónčinach je předewzaće w Chrósćicach. W měrcu je gremij towarstwa „Hornjołužiska hola a haty“ wo rozdźělenju regionalneho budgeta rozsudźił.Chrósćicy. (SN/jp) Z pomocu spěchowanskich pjenjez ma so při bywšim twarjenju Chróšćanskeje šule nowy krosnowanski nastroj natwarić. Po informacijach wjesnjanosty Marka Klimana chcedźa tam pawk za krosnowanje nastajić. Jón móža dźěći z horta runje tak wužiwać kaž wjesne dźěći zwonka wotewrjenskich časow zarjadnišća. Tuž budźe to přidatny poskitk na dobro dźěći.Na prašenje, hač z nowej hrajkanskej připrawu nowe zetkanišćo za dźěći a swójby nastanje, Marko Kliman wotmołwi: „Dokelž hrajkanišćo, na kotrymž ma krosnowadło stać, hižo eksistuje, njebudźe tule nowe zetkawanišćo. Ale wobstejace nabudźe nowu přidatnu atraktiwitu.“
Drježdźany (SN). Sakske kultusowe ministerstwo a Drježdźansko-Mišnjanske biskopstwo kročitej po nowych pućach. Po prěnich pozitiwnych nazhonjenjach w zwisku z hybridnym poskitkom předmjeta nabožiny KathReliOnline w 9. a 10. lětniku ma so naprawa tež na 11. lětnik rozšěrić a jako zakładny kurs zmóžnić. Poskitk su fachowcy sakskim wučbnym planam wotpowědujo zestajeli. We wirtuelnych widejowych konferencach šulerjo zhromadnje wuknu, wěsty dźěl wědy pak maja sej sami přiswojić.„KathReliOnline zmóžnja šulerjam předewšěm tež mjeńšich šulow, so po nowych pućach na wučbje katolskeje nabožiny wobdźělić. Šulerjo wuknu fleksibelnje, samostatnje a z digitalnej podpěru“, zwurazni sakski kultusowy minister Conrad Clemens (CDU). Biskop Heinrich Timmerevers so wjeseli, zo je model w Sakskej wuspěšny. „Nazhonjenja wotbłyšćuja, zo ma wučba dobru kwalitu“, biskop wuzběhny. Aktualna skupina wuknjacych su šulerjo z cyłeje Sakskeje, mjez druhim z Biskopic. Přichodnu póndźelu móža so zajimcy, předewšěm starš ...
Cyril Pjech z Berlina je swoje mysle w zwisku z interviewom Milenki Rječcyneje z něhdyšim Kamjenskim wyšim měšćanostu Rolandom Dantzom, kotryž su Serbske Nowiny 6. meje wozjewili, napisał.W rozmołwje Milenki Rječcyneje z bywšim Kamjenskim měšćanostu dźěše wo jara chutnu wěc, zběhnjenje porodneje kliniki a gynekologije, štož ja jara wobžaruju. Za mnje pak běše tež kónc rozmołwy jara zajimawy, hdźež so knjeni Rječcyna Dantza wopraša, hač je Lessing Serb był. Wón jej wotmołwi, zo z toho njewuchadźa, ale zo měło so to w Kamjencu hišće wuslědźić.Runje to běch tež jónu spytał. Na Serbskej rozšěrjenej wyšej šuli – njewěm hižo, hač w předmjeće serbšćina abo němčina – storčich ze sobušulerku Jadwigu Rachelic (pozdźišo Mudrinej w Slepom) na tute prašenje. Ja běch so dopomnił, zo sym w knize Michała Nawki „Kwětki“ raz čitał, zo pochadźa swójbne mjeno Lessing najskerje wot serbskeho słowa lěsnik. Podachmoj so tuž do Kamjenca a woprašachmoj so tamnišeho ewangelskeho fararja za tym. Tón wězo pra ...
