Ekstremistiska namóc popušćiła
Drježdźany/Budyšin. Sakske nutřkowne ministerstwo a krajny zarjad za škit wustawy stej zawčerawšim rozprawu wustawoweho škita za Saksku za lěto 2025 předstajili. Z njeje wuchadźa, zo je mjenje ekstremistiskich chłostajomnych njeskutkow na wuchodźe Sakskeje, tež w Budyskim wokrjesu. Najwjac padow pak wuchadźeja nadal z wulkim wotstawkom ze sceny prawicarskeho ekstremizma.
Hamor ze zwjazka wuzamknjeny
Hamor. Gmejna Hamor bu z turistiskeho zwjazka Łužiska jězorina wuzamknjena. Z tym wotpowědowaše zwjazk próstwje Budyskeho wokrjesa. Gmejna Hamor bě do toho ze zwjazka wustupiła, dokelž běchu jej powyšene lětne přinoški předrohe. Dotal wučinjachu wone 14 000 eurow. Nětko měješe gmejna 95 000 eurow zapłaćić. Hamor chce so přećiwo wuzamknjenju wobarać, w rozprawje Sakskich Nowin rěka.
Ukrainske žiwidła w Čěskej
Drježdźany (dpa/SN). Nadźija sakskich rjemjeslnikow na skónčenje negatiwneho hospodarskeho trenda bywa dźeń a mjeńša. Jenož třećina sakskich rjemjeslniskich zawodow pohódnoća swójsku hospodarsku situaciju jako dobru. Potrjechene su zawody wšitkich rjemjesłow. To wuchadźa z wčera wozjewjeneje bilancy konjunkturnych datow Sakskeho zwjazka rjemjesła. W lěće 2019 – w poslednim lěće do „krizoweho modusa“ – běše hišće 70 procentow zawodow swoju situaciju jako pozitiwnu wopisało. „Rjemjeslnicy su kopicu připowědźenjow reformow wot politiskich zamołwitych słyšeli, konkretnych wuslědkow pak dotal njeje“, piše rěčnik kolegija jednaćelow zwjazka Andreas Brzezinski.
Sakski zwjazk rjemjesła žada sej mjez druhim reformu systemow socialneho zawěsćenja. Lěto a stupace socialne wotedawki, kotrež su jedna z rozsudnych přičinow za wysoke kóšty zawodow, su mjeztym kritiski dypk docpěli, znazornja prezident zwjazka Uwe Nostitz. „Stupaja-li kóšty dale, změjemy bórze wulki podźěl ilegalnje dźěłacych“, wón wuzběhny.
K přinoškej „Digitalna doba je wužadanje“, kotryž Serbske Nowiny 21. meje wozjewichu, je čitar Měto Nowak swoje mysle napisał:
W přinošku so derje rozłožuje, čehodla ma nowina La Usc di Ladins wjele čitarjow a čitarkow: Wona ma zwjazowacu funkciju za ladinsku towaršnosć, kajkuž němske resp. italske medije nimaja. Tež najwšelakoriše ladinske narěče w přinoškach nałožuja. Hladajo na to so prašam, hač njeby snano na času było, zo jedyn serbskorěčny medij wutworimy. Spochi prajimy, zo smy jedyn serbski lud. Ale što poprawom wo wšědnym dnju našich bratrow a sotrow we Łužicy wěmy? Kak husto mamy kontakt k druhej serbskej rěči?
Něhdźe 180 šulerjow a šulerkow so na slědy sławneho spisowaćela podało
Budyšin (SN/MiR). Sławny spisowaćel Serbow Jurij Brězan je so před 110 lětami, 9. junija 1916, we Worklecach narodźił. Na to Domowina spomina, wěnujo jemu dźensa a jutře dopołdnja wosebitej projektowej dnjej ze šulerjemi. Při tym njeńdźe wo to, hólcam a holcam cyły žiwjenski skutk Brězana předstajić, skerje wone někotre jeho twórby zeznaja, dźiwadłowy kruch dožiwja a wo jeho žiwjenju a tworjenju zhonja. Zdobom maja něhdźe 180 šulerjow na wosom stacijach wšelake nadawki spjelnić. Na žurli Budyskeho Serbskeho doma běchu so dźensa rano šulerjo a šulerki 7. lětnika z wyšich šulow Kulow, Radwor, Ralbicy, Worklecy a Budyšin zešli. Regionalna rěčnica w Kamjenskej župje „Michał Hórnik“, Katharina Jurkowa rjekny: „To je přesahowacy projekt Budyskeje, Kamjenskeje a Wojerowskeje župy. Nam je wažne, šulerjam našich serbskich wótčincow zbližić, dokelž wěmy, zo njeje to w šulskej wučbje stajnje wobšěrnje móžno.“ Jutře rano podadźa so dalši šulerjo 7. lětnika z Radworja kaž tež serbscy gymnaziasća z Budyšina na slědy Jurja Brězana.
Ekstremistiska namóc popušćiła
Drježdźany/Budyšin. Sakske nutřkowne ministerstwo a krajny zarjad za škit wustawy stej zawčerawšim rozprawu wustawoweho škita za Saksku za lěto 2025 předstajili. Z njeje wuchadźa, zo je mjenje ekstremistiskich chłostajomnych njeskutkow na wuchodźe Sakskeje, tež w Budyskim wokrjesu. Najwjac padow pak wuchadźeja nadal z wulkim wotstawkom ze sceny prawicarskeho ekstremizma.
Hamor ze zwjazka wuzamknjeny
Hamor. Gmejna Hamor bu z turistiskeho zwjazka Łužiska jězorina wuzamknjena. Z tym wotpowědowaše zwjazk próstwje Budyskeho wokrjesa. Gmejna Hamor bě do toho ze zwjazka wustupiła, dokelž běchu jej powyšene lětne přinoški předrohe. Dotal wučinjachu wone 14 000 eurow. Nětko měješe gmejna 95 000 eurow zapłaćić. Hamor chce so přećiwo wuzamknjenju wobarać, w rozprawje Sakskich Nowin rěka.
Ukrainske žiwidła w Čěskej
Žonu wobšudźili
Biskopicy. Z woporom wobšudnikow je so minjene měsacy žona w Biskopicach stała. Kaž policija wčera zdźěli, bě 65lětna leksikony na předań poskićowała. Za nje so njeznaći po zdaću zajimowachu a so telefonisce přizjewichu. Wot žony pak žadachu sej wosebity popłatk a kawciju, wšo dohromady 8 300 eurow. Po tym zo bě Biskopičanka wšitko zapłaćiła, wona k wobšudnikam hižo žadyn kontakt nawjazać njemóžeše. Kriminalna policija pad nětko přepytuje a před tajkim wobšudnistwom wuraznje warnuje. W dwělomnych padach měli so ludźo na policiju wobroćić abo so w centrali přetrjebarjow wobhonić, zo bychu swoje wobsydstwo a zamóženje škitali.
Pod hesłom „Jewišću zdar – dźiwadło zwjazuje“ su so dźěći Serbskeje zakładneje šule Budyšin a zakładneje šule Polevsko njedawno na wosebity zetkawanski kónc tydźenja zešli, zo bychu swój zhromadny projekt zakónčili. W srjedźišću steješe trojorěčna čěsko-serbsko-němska prapremjera zhromadnje wuwiteje hudźbneje dźiwadłoweje hry „Mam ideju“. Z profesionelnymi dźiwadźelnikami dźěći swoje mysle, swoju hudźbu a swoju fantaziju na jewišću předstajichu. Nimo samotwarjenych hudźbnych nastrojow a kreatiwnych rekwizitow prezentowachu w jewišćowej hrě mašiny přichoda, kotrež běchu z papjercoweho kartona natwarili. Z tójšto humorom a pisanymi idejemi předstajichu mjez druhim „hairbuster“, kotryž frizuru po přeću kuzła. Tež sushi-mašina abo křesło, kotrež wužiwarjej chribjet masěruje abo tykanc napječe, stej přihladowarjow zahoriłoj. Tak njebě hra jenož předstajenje na jewišću, ale žiwy wuraz kreatiwity dźěći a jich wjesela na přichod.
Po njewočakowanym rozsudźe wokrjesneho sejmika region so wjeseli
Budyšin (SN/MiR). Porodźernja Kamjenskeje chorownje swj. Jana wostanje – hač do kónca toho lěta. To zhoni syła wopytowarjow, jako chcyše posledni króć do porodźernje zastupić a tam skutkowacym swoju zwjazanosć wopokazać. „Smy porodźernju za rozžohnowanje wupyšili“, tak serbska baba Tereza Wokowa, kotraž měješe rańšu słužbu, „potom pak smy dalewjedźenje swjećili.“
Smjerdźaca. Za kreatiwnu dźěłarničku w lětnich prózdninach móža so holcy wot 5. lětnika w Serbskim kubłanskim srjedźišću LIPA w Smjerdźacej přizjewić. 6. a 7. awgusta chcedźa tam stajnje wot 9 do 14 hodź. mjez druhim wšelake debjenki paslić, molować a sej zhromadny čas mjez holcami lubić dać. Popłatk wučinja za wobaj dnjej 30 eurow. Je tež móžno, so jenož za jedyn dźeń přizjewić, potom wučinja popłatk wotpowědnje jenož 15 eurow. Přizjewjenja přijimuja pod abo pod telefonowym čisłom 01520 8783147.
Porěča wo perspektiwach
