Towarstwo naruna wokrjes

Budyšin. Towarstwo „Pro Colore“ je na platformje betterplace.org mjeztym 9 636 eurow nazběrało, z kotrymiž chcedźa mikroprojekty w Hornjej Łužicy spěchować. Dotal je 174 ludźi za to pjenjezy dariło, cyłkownje chcedźa 10 000 eurow docpěć. Po tym zo bě Budyski wokrjes ze zwjazkoweho programa „partnerstwa za demokratiju“ wustupił, bu fonds cofnjeny. Wo přizwolenju próstwow rozsudźi njewotwisna jury.

Prapremjeru dožiwili

Hochoza. Němsko-Serbske ludowe dźiwadło je zawčerawšim swoju lětušu delnjoserbsku inscenaciju „Pórajśo se wen do swěta“ prěni raz předstajiło. Prapremjera hudźbno-sceniskeje kolaže z pjera režiserki Esther Undisz wotmě so w Hochožanskim hosćencu „Złośany plon“. Hłownje jedna inscenacija wo wupućowanju Jana Kiliana. Tež publikum je sobu zapřijaty. Štyri dalše předstajenja su w meji předwidźane.

Winowatosć přepruwuja